ރިޔާސި އިންތިހާބަށް 32 މީހެއްގެ ކުށުގެ ރިކޯޑް ސާފުކޮށްދީފި

މި އަހަރުގެ ސެޕްޓެމްބަރު 9 ގައި ބޭއްވުމަށް ވަގުތު ކުޑަތަންވަމުން އަންނަ ރިޔާސީ އިންތިހާބުގައި ވާދަކުރުމަށްޓަކައި، ކުށުގެ ރެކޯޑު ސާފު ކުރެއްވުމަށް 34 މީހަކު ހުށަހަޅާފައިވާ ކަމަށާއި، މިހާތަނަށް 32 މީހެއްގެ ރެކޯޑު ސާފުކޮށް ދީފައިވާކަމަށް ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނުން ހާމަކޮށްފިއެވެ.

ޑީޖޭއޭ އިން ހާމަކުރި ގޮތުގައި ރިޔާސީ އިންތިޚާބާއި ގުޅިގެން މިއަދުގެ 18:00 އާއި ހަމައަށް އެ އިދާރާއަށް ލިބފައިވާ 34 ފޯމުގެ ތެރެއިން 32 ފޯމް ރެކޯޑު ސާފުކުރުމަށް ފަހު ވަނީ އެފަރާތްތަކާއި ހަވާލުކުރެވިފައި ކަމަށާއި، އަދި މިހާރު ނުނިމި ވާ 2 ފޯމް ވީ އެންމެ އަވަހަކަށް ނިންމުމަށްޓަކައި ކޯޓުތަކާއި ގުޅިގެން އެ ޑިޕާތުމަންޓުން މަސައްކަތް ކުރަމުން އަންނަ ކަމުގައެވެ.

ރެކޯޑު ސާފުކުރެވެނީ އޮޓޮމޭޓަޑް ސެންޓްރަލް ޑޭޓާ ބޭސް އަކުން ކަމުގައި ނުވާތީ މުޅި ރާއްޖޭގެ ހުރިހާ ކޯޓަކުން ވަކިވަކިން ރެކޯޑު ސާފުކުރުމަކީ ވަގުތު ހޭދަވާ ކަމެއް ކަމުގައި ވާތީ ހުރިހާ ފަރާތްތަކުން ވެސް މިކަމަށް ސަމާލުކަން ދެއްވުން އެދެމަށް ވަނީ އެދިފައެވެ. އަދި ރިޔާސީ އިންތިޚާބާއި ގުޅިގެން ރެކޯޑު ސާފުކުރުމަށްޓަކައި މިރޭ 21:00 ގެ ފަހުން ހުށަހަޅާ ފޯމުތައް އިލެކްޝަންސް ކޮމިޝަނުން ކަނޑައަޅާފައިވާ ސުންގަޑި އަށް ނުނިމުގެ ފުރުސަތު އޮތްކަމަށްވެސް ޑީޖޭއޭ އިން ވަނީ ބުނެފައެވެ.

އެންމެ ފަހު ވަގުތަށް މަޑުކުރައްވައިފިނަމަ، އެޕްލިކޭޝަން ފުރިހަމަ ނުވާ ޙާލަތެއް ދިމާވެއްޖެ ހިނދެއްގައި، މާދަމާގެ 14:00 ގެ ފަހުން، އިތުރު އެއްވެސް އެއްޗެއް އީސީ އަށް ހުށަހެޅުމުގެ ފުރުޞަތު ނޯންނާނެތީ، ވަގުތު އޮއްވާ މާދަމާގެ އެޕްލިކޭޝަންތައް ހުށަހެޅުއްވުމަށް އިލެކްޝަނުން ވަނީ އެދިފައެވެ.

މި އަހަރުގެ ރިޔާސީ އިންތިހާބުގައި ވާދަކުރައްވާނެކަން ގިނަ ސިޔާސީ ޕާޓީ ތަކަކުން އިއުލާނުކޮށްފައިވާއިރު، މިހާތަނަށް ރިޔާސީ އިންތިހާބުގައި ވާދަކުރެއްވުމަށް ކެންޑިޑެސީ ހުށަހަޅައިފައިވަނީ ހަތަރު ޕާޓީއަކުންނެވެ.