އިންނަމާދޫ އެމްޑީޕީއާ އަދާލަތު މެންބަރުންތަކެއް ޕީޕީއެމަށް؛ ކައުންސިލާއި އ.ތ.މ.ކގެ މެޖޯރިޓީވެސް ނަގައިފި!
ރ. އިންނަމާދޫގައި އެމްޑީޕީ އުފެއްދުމަށް އެންމެ އިސްކޮށް އުޅުއްވި ތިން ބޭފުޅަކާއި، ސަރުކާރު ކޯލިޝަންގައި ހިމެނޭ އަދާލަތު ޕާޓީގެ ގިނަ އަދަދެއްގެ މެންބަރުން ތަކެއް އިދިކޮޅު ޕީޕީއެމްއާ ގުޅިއްޖެއެވެ.
އިންނަމާދޫ ޕީޕީއެމް ޖަގަހަ ހުޅުވުމަށް ރޭ ބޭއްވި ޖަލްސާގައި އަދާލަތު ޕާޓީގެ 73 މެންބަރުން ވަނީ ޕީޕީއެމާއި ގުޅިފައެވެ.
އަދި މީގެ އިތުރުން އިންނަމާދޫ ކައުންސިލްގެ އެމް.ޑީ.ޕީ ނާއިބު ރައީސް އަހުމަދު ރުޒާން އާއި މިނިވަން 2 މެންބަރުން ކަމުގައިވާ އާމިނަތު ނުހާ އަދި އާމިނަތު ސަމާހާ ވެސް ވަނީ ޕީޕީއެމްއަށް ސޮއި ކުރައްވައިފައެވެ. އެއާއެކު އެ ކައުންސިލްގެ މެޖޯރިޓީ މިވަނީ ޕީޕީއެމަށް ލިބިފައެވެ.
މީގެ އިތުރުން އިންނަމާދޫ ކައުންސިލްގެ ޑަބްލިޔުޑީސީގެ ރައީސާއި ނައިބް ރައީސާ ވެސް ޕީޕީއެމް އަށް ސޮއިކުރައްވާފައިވާއިރު، އެރަށު ޑަބްލިޔުޑީސީގެ ވެސް މެޖޯރިޓީ ޕީޕީއެމް އަށް ވަނީ ލިބިފައެވެ.
މީގެ އިތުރުން އެމްޑީޕީގެ ކަންކަމުގައި ވަރަށް އިސްކޮށް ހަރަކާތްތެރިވަމުން ދިޔަ ހުސެން ރައޫފް އަދި އިބްރާހިމް ރަޝީދު އާއެކު ގިނަ ފަރާތްތަކެއް ރޭ ވަނީ ޕީޕީއެމް އާ ގުޅިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
