މިއަދުވެސް އުދަ އަރާނެކަމަށް ލަފާކޮށް ބޮޑު ސަރަހައްދަކަށް ހުދު ސަމާލު!
މިއަދު ވެސް ރާއްޖޭގެ ބޮޑު ބަޔަކަށް އުދަ އަރާނެކަމަށް ލަފާކޮށް މޫސުމާބެހޭ ޤައުމީ އިދާރާ، މެޓް އޮފީހުން ހުދު ސަމާލު ނެރެފިއެވެ.
މެޓް އޮފީހުން އުދަ އަރާނެކަމަށް ލަފާކޮށް ހުދު ސަމާލު ނެރެފައިވަނީ މާލެ އަތޮޅުން ފެށިގެން އައްޑޫ ސިޓީއާ ހަމައަށެވެ. އެ ސަރަހައްދަށް ހުދު ސަމާލު ނެރެފައިވަނީ މިއަދު ހެނދުނު 10:15އިން ފެށިގެން މެންދުރު 2:09އާ ހަމައަށެވެ.
މިއަދު އުދަ އަރާނެ ކަމަށް މެޓް އޮފީހުން ލަފާކޮށްފައިވާއިރު އިއްޔެވެސް މާލޭ އަލިމަސް ކާނިވާ ސަރަޙައްދަށް އުދައިގެ އަސަރުވަނީ ވަރަށް ބޮޑަށް ކޮށްފައެވެ.
އެގޮތުން ފެންބޮޑުވެ، އެ ސަރަޙައްދުގައި ހިންގާ ކެފޭ ރެސްޓޯރެންޓަކަށްވެސް ފެނުގެ އަސަރުކޮށްފައިވެއެވެ. ކާނިވާ ސަރަޙައްދަކީ މޫސުން ގޯސް ދުވަސްވަރު، އާއްމުކޮށްވެސް އުދައިގެ އަސަރު ކުރާ ސަރަޙައްދެކެވެ.
މޫސުން ގޯސްވުމާއި ގުޅިގެން ދަތުރުފަތުރު ކުރާ ފަރާތްތައްވެސް ސަމާލުވުމަށް މުސުމާއި ބެހޭ ގައުމީ އިދާރާއިން ވަނީ އިލްތިމާސްކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
