ރައްޔިތުންގެ މަޖިލީހުގެ ޕެޓިޝަން ކޮމެޓީގެ ބައްދަލުވުމުގެ ތެރެއިން/ ފޮޓޯ: މަޖިލީސް
ރައްޔިތުންގެ މަޖިލީހުގެ ޕެޓިޝަން ކޮމެޓީގެ ބައްދަލުވުމުގެ ތެރެއިން/ ފޮޓޯ: މަޖިލީސް
ހަބަރު 06 Dec 2023 | 13:00

ކޮމެޓީއަށް އަސްލަމް ވަޑައިނުގަތުމުން ފްލެޓު މައްސަލައިގެ ގިނަ ސުވާލުތަކަށް ޖަވާބެއް ނުހޯދުނު!

ގެދޮރުވެރިޔާ ސްކީމުގެ ދަށުން ނިމިިދިޔަ ސަރުކާރުން 4000 ފްލެޓު ބަހާލާފައިވަނީ އުސޫލާއި ޚިލާފަށްކަން ފާހަގަކޮށް، އެ މައްސަލަ ބަލައިދިނުމަށް ރައްޔިތުންގެ މަޖިލީހުގެ ޕެޓިޝަން ކޮމެޓީއަށް ހުށައަޅާފައިވާ ޕެޓިޝަނާއި ގުޅިގެން ސުވާލުކުރުމަށް ކުރީގެ ޕްލޭނިން މިނިސްޓަރު މުހައްމަދު އަސްލަމް މިއަދު ބޭއްވި ޕެޓިޝަން ކޮމެޓީގެ ޖަލްސާއަށް ހާޒިރުވެވަޑައިގެންފައި ނުވާތީ މެމްބަރުންގެ ސުވާލުތަކަށް ޖަވާބު ހޯއްދެވުމަށް ދަތިވެފައިވާކަން ފާހަގަކުރައްވާ މެމްބަރުން ނުރުހުން ފާޅުކުރައްވައިފި އެވެ.

ޕެޓިޝަން ކޮމެޓީގެ މިއަދުގެ ބައްދަލުވުމުގައި އޮތީ ގެދޮރުވެރިޔާ ސްކީމުގެ ދަށުން ފްލެޓުތައް ބަހާލާފައިވާ ގޮތާއި ގުޅޭގޮތުން އޭރު ޕްލޭނިން މިނިސްޓްރީގައި އިސްކޮށް ތިއްބެވި ފަރާތްތަކާއި ސުވާލު ކުރެއްވުމވެ. މިއަދުގެ ބައްދަލުވުމަށް ޕްލޭނިން މިނިސްޓްރީގެ ފަރާތުން ވަޑައިގެންނެވީ ސްޓޭޓް މިނިސްޓަރު އަކްރަމް ކަމާލުއްދީނާއި، ސީނިއާ އެގްޒެކެޓިވް ޑިރެކްޓާ މުހައްމަދު އާރިފެވެ.

ކޮމެޓީ ބައްދަލުވުން ފެއްޓެވުމާއެކު، ރައްޔިތުންގެ މަޖިލީހުގެ އުނގޫފާރު ދާއިރާގެ މެމްބަރު މުހައްމަދު ވަހީދު (ވައްޑެ) ވިދާޅުވީ އެންމެ ފަހުން ބޭއްވި ޕެޓިޝަން ކޮމެޓީގެ ބައްދަލުވުމުގައި ކޮމެޓީން ނިންމާފައިވާނީ ދެން އޮންނަ ކޮމެޓީގެ ބައްދަލުވުމަށް ޕްލޭނިން މިނިސްޓްރީގެ އިސްވެރިން ހާޒިރުކޮށް ސުވާލު ކުރުމަށް ކަމަށެވެ.

ޕްލޭނިން މިނިސްޓްރީގެ އެންމެ އިސް ވެރިއަކީ އަސްލަމް ކަމަށް ވާއިރު، އެމަނިކުފާނު ކޮމެޓީއަށް ހާޒިރުވާން ޖެހޭނެކަން އޭނާ ފާހަގަކުރެއްވި އެވެ.

އެއާއެކު ވައްޑެ ވިދާޅުވީ އޭރުގެ މެމްބަރުން ކުރަން ހުރި ގިނަ ސުވާލުތަކަކީ ސީދާ މިނިސްޓަރާއި ކުރައްވަން ހުރި ސުވާލުތަކެއް ކަމަށް ވުމުން، މިނިސްޓަރު ވަޑައިނުގަތުމުން އެ ސުވާލުތަކަށް ސާފު ޖަވާބެއް ހޯއްދެވުމަށް ދަތިވާނެ ކަމަށެވެ.

އެހެން ނަމަވެސް މިއަދުގެ ކޮމެޓީއަށް އަސްލަމް ވަޑައިނުގަތީ ކޮމެޓީން އޭނާއަށް ދައުވަތު ދެއްވާފައި ނުވާތީކަމަށް ކޮމެޓީގެ މުގައްރިރު، މަޖިލީހުގެ މުލަކު ދާއިރާގެ މެމްބަރު އިބްރާހިމް ނަސީރު ވަނީ ވިދާޅުވެފަ އެވެ.

ނަސީރު ވިދާޅުވީ ކޮމެޓީއަށް އަކްރަމާއި އާރިފަށް ދައުވަތު ދެއްވީ، އެ ދެބޭފުޅުންނަކީ ފްލެޓުތައް ބެހުމުގައި އެންމެ އިސްކޮށް އުޅުއްވި ބޭފުޅުންނަށް ކަމަށްވާތީ ކަމަށެވެ.

""ގެދޮރުވެރިޔާ ސްކީމްގެ ދަށުން މި ހުރިހާ ކަމެއް މިނިސްޓަރުގެ ލަފާފުޅާ އެއްކޮށް އުޅުއްވީ ސްޓޭޓް މިނިސްޓަރު ކަމަށް ވާތީ މިކަމާ އެންމެ ބޮޑަށް ގުޅުން ހުންނާނީ އެ ބޭފުޅާ ކަމަށް ލަފާކުރެވޭތީ އެ ބޭފުޅުން ހާޒިރުކުރެވިފައި ވަނީ"

ޕެޓިޝަން ކޮމެޓީ މުގައްރިރު ނަސީރު

މިއަދުގެ ބައްދަލުވުމަށް ޕްލޭނިން މިނިސްޓަރު އަސްލަމް ހާޒިރުނުކުރަން މަޖިލީހުން ނިންމީ މީގެ ކުރިން ޕެޓިޝަން ކޮމެޓީއިން ނިންމި ނިންމުމާއި ޚިލާފަށްކަން ފާހަގަކުރައްވާ މަޖިލީހުގެ ހެންވޭރު ދެކުނު ދާއިރާގެ މެމްބަރު ހަސަން ލަތީފު ވެސް ވަނީ ނުރުހުން ފާޅުކުރައްވާފަ އެވެ.

ހަސަން ލަތީފު ވިދާޅުވީ ފްލެޓުތައް ބަހާލާފައިވާ ގޮތާއި ގުޅިގެން އޭނާ ކުރައްވަން ހުރި ބައެއް ސުވާލުތަކަކީ ސީދާ މިނިސްޓަރަށް ކުރައްވަން ހުރި ސުވާލުތަކެއް ކަމަށެވެ. އެހެންކަމުން، މިނިސްޓަރު ވަޑައިނުގަންނަވާތީ އެ ސުވާލުތަށް ކުރއްވުމުގެ ބޭނުމެއް ވެސް ނެތްކަމަށް އޭނާ ވިދާޅުވި އެވެ.

"އަޅުގަނޑުމެންގެ ބައެއް ސުވާލު ހުންނާނެ ސީދާ މިނިސްޓަރާ ކުރަން ބޭނުންވާ. އެ ސުވާލުތަކުގެ ޖަވާބެއް އޭރުގެ ސްޓޭޓް މިނިސްޓަރަކަށް ނުދެއްވޭނެ"

މެމްބަރު ހަސަން ލަތީފު

ފްލެޓުތައް ބަހާލާފައިވާ ގޮތާއި ގުޅޭގޮތުން ސީދާ މިނިސްޓަރާއި ގިނަ ސުވާލުތަކެއް ކުރައްވަން ބޭނުންފުޅުވާތީ، މިއަދުގެ ކޮމެޓީ ބައްދަލުވުމުގައި ވަނީ މިނިސްޓަރު ހާޒިރުކޮށްގެން ސުވާލުކުރުން ކުރިއަށް ގެންދިއުމާއި ގުޅޭގޮތުން ވޯޓަށް އަހާފަ އެވެ.

އެހެން ނަމަވެސް އެކަން އެގޮތަށް ކުރުމަށް ފާސްވެފައި ނުވާތީ، މެމްބަރުން ވަނީ ކޮމެޓީއަށް ހާޒިރުވި ފަރާތްތަކާއި ސުވާލުތައްކޮށް ފްލެޓުތައް ބެހުމުގެ ކަންކަން ގޮސްފައިވާ ގޮތް އޮޅުންފިލުވުމަށް މަސައްކަތްޕުޅު ކުރައްވާފަ އެވެ.

އެހެން ނަމަވެސް އަސްލަމް ކޮމެޓީއަށް ހާޒިރުވެވަޑައި ނުގަންނަވާތީ ކަންބޮޑުވުން ފާޅުކުރި މެމްބަރުން ވިދާޅުވީ، ޕެޓިޝަން ކޮމެޓީއަށް ހުށައަޅާފައިވާ ޕެޓިޝަނުގައިވާ ކަންކަން މިނިސްޓަރުގެ ޣައިރު ހާޒިރުގައި ނުވަތަ މިނިސްޓަރުގެ ބަހެއް ނުލިބި ސާފުކުރުމަކީ ނާދިރުކަމެއް ނަމަށެވެ.

އޭގެ ސަބަބުން މައްސަލައަށް އެންމެ އެކަށޭނަ ޙައްލު ލިބިދާނެ ކަމަށް ގަބޫލު ނުކުރެވޭކަމަށް އެ މެމްބަރުން ފާހަގަކުރެއްވި އެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި
20 Nov 2026 ހަބަރު

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި

ޓެކުހާއި ގުޅޭ ތިން ބިލެއް ރައީސް ވަނީ ތަސްދީގު ކުރައްވައިފަ އެވެ.