ހިނގަމުންދާ މަސައްކަތްތަކަށް ވެސް ބަޖެޓުގައި ފައިސާ ހިމަނާފައެއްނުވޭ: ރައީސް
ނިމިދިޔަ ސަރުކާރުން ފަށާފަ ނުނިންމާ ހުރި މަސައްކަތްތައް ނިންމާވަރަށްވެސް މިއަހަރަށް ފާސްކޮށްފައިވާ ދައުލަތުގެ ބަޖެޓުގައި ފައިސާ ހިމަނާފައި ނުވާކަމަށް ރައީސް ޑރ.މުހައްމަދު މުއިއްޒު ވިދާޅުވެއްޖެއެވެ
އެމަނިކުފާނު މިފަދައިން ވިދާޅުވެފައި ވަނީ މިހާރު ރާއްޖޭގެ އުތުރުގެ 4 އަތޮޅަށް ކުރައްވަމުން ގެންދަވާ ދަތުރުފުޅުގައި މިރޭ ހއ.ނޮޅިވަރަންފަރުގެ ރައްޔިތުންނާ ބައްދަލުކޮށް ދެއްކެވި ވާހަކަފުޅުގައެވެ.
ރައީސް ޑރ.މުހައްމަދު މުއިއްޒު ވިދާޅުވީ ނިމިދިޔަ ސަރުކާރުން ރާއްޖޭގެ އިޤްތިޞާދު ވައްޓާލައިފައިވާ ފުން ވަޅުގަނޑުން އެރުމަށަޓަކައި ވަރަށް ގިނަ މަސައްކަތްތަކެއް ކުރަން ޖެހިފައިވާއިރު ދައުލަތުގެ ބަޖެޓް މަޖިލިހުން ފާސްކޮށްފައިވާ ގޮތުންވެސް ތަރައްޤީގެ މަސައްކަތްތައް ކުރުމުގައި ހުރަސްތަކެއް އެބަހުރި ކަމަށެވެ.
"ހިނގަމުންދާ މަސައްކަތަށް ބަޖެޓުގައި ޖަހާފައިވަނީ 10 ޕަސަންޓް ނުވަތަ 20 ޕަސެންޓް ފައިސާ ލިބޭ ގޮތަށް މީ އަޅުގަނޑުމެނަށް ޖެއްސުން ކުރުން ނޫންތޯ"
ރައިސުލްޖުމުހޫރިއްޔާ ވިދާޅުވިއެވެ.
ރައީސް ވިދާޅުވީ ވޭތުވެދިޔަ ތިން މަސްދުވަހު ކުރެވުނު މަސައްކަތަކީ ރާއްޖޭގެ އިޤްތިޞާދުވެއްޓިފައިވާ ފުން އަދަވަޅުން ނެގުމުގެ މަސައްކަތް ކަމަށާއި، ދަރަނި ދެއްކުމާއި، ދަރަނި މަދުކުރުމާއި ، ދަރަނި އިތުރު ނުވާނެގޮތް ހެދުމާއި އާމުދަނީ އިތުރުކުރެވޭނެ ގޮތް ހެދުމަކީ ފުން އަދަވަޅުން ނެގުމަށް ކުރެވޭ މަސައްކަތްކަމަށް ރައީސް ފާހަގަ ކުރެއްވިއެވެ.
މިއަދު ހަވީރު ބާރަށުގައި ރައީސުލް ޖުމުހޫރިއްޔާ ދެއްކެވި ވަހަކަފުޅުގައިވެސް ވަނީ ރާއްޖޭގެ އިޤްތިޞާދީ ހާލަތާއި ބެހޭގޮތުން ވާހަކަފުޅު ދައްކަވާފައެވެ. އެގޮތުން އެމަނިކުފާނު ވިދާޅުވީ ސަރުކާރުން އިޤްތިޞާދު ކުރިއަރުވައި، ފުޅާކުރެއްވުމަށް ފިޔަވަޅުތައް ނޭޅިނަމަ މިއަދު ރާއްޖޭގެ އިޤްތިޞާދު މާބޮޑު ނުރައްކަލެއްގެ ތެރެއަށް ވެއްޓުނީސްކަމަށެވެ.
"އެ ފިޔަވަޅުތައް ނާޅާ ތިބިނަމަ މިއަދު ތިބޭނީ ޑިފޯލްޓްވެފައި. ބޭރަށް ދޭންޖެހޭ ފައިސާ ދިނުމުގައި ތިބޭނީ ފެއިލްވެފައި. އަޅުގަނޑުމެން ތިބޭނީ އަރައިނުގަނެވޭނެ ހާލަތަކަށް ގޮސްފައި، ނަމަވެސް ފިޔަވަޅު އެޅުމުން މިއަދު ރަނގަޅަށް ކަންކަން ދަނީ"
ރައީސުލްޖުމްހޫރިއްޔާ ބާރަށުގައި ވިދާޅުވިއެވެ.
މިރޭގެ ޖަލްސާގައި ރައީސް ޑރ.މުހައްމަދު މުއިއްޒު ވަނީ ނޮރިވަރަމްފަރުގެ ރައްޔިތުން އެދިލެއްވި ހުރިހާކަމެއް ކޮށްދެއްވާނެކަން ވަރަށް ތަފްސީލް ގޮތެއްގައި ވިދާޅުވެދެއްވާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
