ބަޔާން ނެގުމަށްފަހު ވެލާ ކުނޑި ކެއްކި މީހުން ދޫކޮށްލައިފި
ބ. އަތޮޅުގެ ފަޅު ރަށަކު ވެލާ ފަޅައިގެން ކައްކަން ވިއްބާ ފުލުހުންނަށް ފެނުނު މީހުންގެ ބަޔާން ނެގުމަށްފަހު އެމީހުން ދޫކޮށްލައިފިއެވެ.
މި ހާދިސާ ހިނގާފައި ވަނީ ބ. ކެޔޮދޫގައެވެ.
އެކަމާ ގުޅިގެން ފުލުހުން ބުނީ، ހުކުރު ދުވަހު ވެލާ ފަޅައިގެން އުޅޭ ކަމުގެ މައުލޫމާތު ފުލުހުންނަށް ލިބުމާ ގުޅިގެން އެރަށަށް ގޮސް ބަލާފައިވާ ކަމަށެވެ.
މައުލޫމާތު ލިބިފައިވާ ގޮތުގައި އެރަށުގައި ވެލާ ކުނޑި ކައްކަން ތިބި ބަޔަކު ފުލުހުންނަށް ވަނީ ފެނިފައެވެ.
އެކަމާ ގުޅިގެން އެންވަޔަރަމެންޓް ޕްރޮޓެކްޝަން އެޖެންސީ (އީޕީއޭ)އިން ބުނީ، މިދިޔަ ހުކުރު ދުވަހު ކެންދޫގައި ފަސް މީހަކު ވެލާ ނަގައިގެން އުޅެނިކޮށް ފެނިފައިވާ ކަމަށެވެ.
އަދި ފުލުހުންނާއެކު އީޕީއޭގެ މެމްބަރުންނާއި ބ. އަތޮޅު ބައިސޯފިއާ ރިޒާވް އޮފީހުގެ ސްޓާފުން އެރަށަށް ގޮސްފައިވާ ކަމަށެވެ. ވެލާ ކުނޑި ކައްކަން ތިބި ތަނުން ހެކި ނަގައި، ބޭނުންވާ މައުލޫމާތު އެއްކޮށްފައި ވާކަމަށް އީޕީއޭއިން ބުންޏެވެ.
ވެލާ ކުނޑި ކެއްކުމުގައި ބައިވެރިވި މީހުންގެ ބަޔާން ނެގުމަށްފަހު އެމީހުން ދޫކޮށްލާފައިވާ ކަމަށް އީޕީއޭއިން ބުންޏެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
