ދާންދޫ ދާއިރާގެ މެންބަރު ޔައުޤޫބް އަބްދުالله-- ފޮޓޯ/ މަޖިލިސް
ދާންދޫ ދާއިރާގެ މެންބަރު ޔައުޤޫބް އަބްދުالله-- ފޮޓޯ/ މަޖިލިސް
ހަބަރު 07 Jun 2023 | 17:19

ސަރުކާރު ދެކެ އީވާ ރުޅި އައީ އެމްޑީއެން އުވާލީމާ: ޔައުޤޫބު

ރައްޔިތުންގެ މަޖިލީހުގެ ނާއިބު ރައީސް، އީވާ އަބްދުالله އަދުގެ އެމްޑީޕީ ސަރުކާރާއި މެދު ނުރުހުންވެ ވަޑައިގެންނެވީ، އިސްލަމްދީނުގެ އަސްލުތަކާއިމެދު ސުވާލު އުފައްދާ، ކީރިތި ރަސޫލާ ކުޑައިމީސްކުރި، މޯލްޑިވިއަން ޑިމްކޮރެސީ ނެޓްވޯކް (އެމްޑީއެން) އުވާލުމުން ކަމަށް ރައްޔިތުންގެ މަޖިލީހުގެ ދާންދޫ ދާއިރާގެ މެންބަރު ޔައުގޫބް އަބްދުالله ވިދާޅުވެއްޖެ އެވެ.

މިއަދުގެ ރައްޔިތުންގެ މަޖިލީހުގެ ޖަލްސާގައި ކުނި މެނޭޖް ކުރުމުގެ ބިލަށް ބަހުސް ކުރެވެމުންދިޔައިރު، އިދިކޮޅު ފަރާތްތަކާއި، ސަރުކާރުގެ މެންބަރުންވެސް ދިޔައީ އެއް ބަޔަކު އަނެއް ބަޔަކަށް ވަގަށް ގޮވައި ވައްކަމުގެ ވާހަކަދައްކަވައި، މައުލޫ އާއި ނުގުޅޭ އެހެންވެސް ވާހަކަ ދައްކަވާފައެވެ.

އެގޮތުން، ދާންދޫ ދާއިރާގެެ އެމްޑީޕީ މެންބަރު ޔައުގޫބްވެސް އެ ބިލަށް ބަހުސް ކުރައްވަން ފެއްޓެވީވެސް، މީގެ ކުރިން، ރައީސް މުހައްމަދު ނަޝީދާއި، ކުރީގެ ރައީސް ޔާމީން އަބްދުލްގައްޔޫމް ގެ ސަރުކާރުގައި، ދިވެހި ރާއްޖެ ކުނި ކޮށްފައިވާ ކަމަށާ، އެ ކުނި ސާފު ކުރީ މިސަރުކާރުން ކަމަށް ބުނެ، އަދުގެ ސަރުކާރަށް ޝުކުރު އަދާ ކުރައްވަމުންނެވެ. އެއާއެކު، އޭނާ ވަނީ، އެމްޑީޕީ 'ކުނި' ކުރި މެންބަރުންތައްވެސް، އެމްޑީޕީން ވަކިވިކަމީ އެޕާޓީ ސާފު ވެގެން ދިޔަ ކަމެއް ކަމަށާ، އޭގެ ސަބަބުން ރިޔާސީ އިންތިހާބުވެސް އެޕާޓީއަށް ބޮޑު ތަނުން ކާމިޔާބު ކުރެވޭނެ ކަމަށް ވިދާޅުވެފައެވެ.

އެއަށްފަހު އޭނާ ވަނީ، މަޖިިލީހުގެ ރިޔާސަތުގައި އިންނެވި ވިލިފުށި ދާއިރާގެ މެންބަރު ހަސަން އަފީފު މިއަދުގެ ޖަލްސާގައި ސަރުކާރުގެ ވައްކަންތަކުގެ ވާހަކަ ދެއްކެވިކަން ފާހަގަކުރައްވައި، ހަސަން އަފީފުގެ މައްޗަށްވެސް ވައްކަމުގެ ތުހުމަތު ކުރައްވާފައެވެ.

އެގޮތުން ވިދާޅުވީ އަފީފަށް އަދުގެ ސަރުކާރު ކަމު ނުދިޔަ ސަބަބަކީވެސް، ވައްކަން ހުއްޓުވުމުން ކަމަށް ޔައުގޫބް ވިދާޅުވި އެވެ.

އަޅުގަނޑަށް އެނގިފައި އޮތް ގޮތުގައި، ވިލިފުށީ ދާއިރާގެ މެންބަރު ހަސަން އަފީފް، ސަރުކާރައި މެދު ހިތްހަމަނުޖެހުން އޮތީ، މެޑިކަލް މާފިއާ، އެ މާފިއާގެ ގޮތުގައި، އެ ކުރަމުން އައި ޒަމާނުއްސުރެން ކުރަމުންއައި ވިޔަފާރި، މިސަރުކާރުން، އެކަން ހުއްޓުވީތީވެ، އެކަމަށް ފުރުސަތު ނުދިނީތީވެ. އެކަމާއި ރުޅިއައިސްގެން. ރާއްޖޭގެ ހުރިހާ ރައްޔިތުން ފެލާލާފައި، އެ ވިޔަފާރި ވަކި ފަރާތަކަށް މީގެ ކުރިން ދެމުން އައި ދިނުން ހުއްޓާލީމާ، އެކަމާއި ސަރުކާރު ދެކެ ރުޅިއައީ.

ދާންދޫ ދާއިރާގެ މެންބަރު ޔައުޤޫބް އަބްދުالله

ޔައުޤޫބްގެ އެވާހަކަ އާއި ގުޅިގެން ނިޒާމީ ނުކުތާ ނަންގަވައި މާފަންނު އުތުރު ދާއިރާގެ މެންބަރު އިމްތިޔާޒް ފަހުމީ (އިންތި) ވަނީ އަފީފް އަކީ ވައްކަމުގެ ތުހުމަތު އޮތް ބޭފުޅެއް ނޫން ކަމަށާ، އޭނާ އަކީ ވައްކަން ކުރާ މީހެއްނަމަ، މިހާރު ހުންނާނީ ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހުއާއި އެކުގައި ކަމަށް ވިދާޅުވެފައެވެ.

އެއަށްފަހު، މައްޗަންގޮޅީ އުތުރު ދާއިރާގެ މެންބަރު މުހައްމަދު ރަޝީދު (ބޯދިގެ) ވެސް ވަނީ އަދުގެ ސަރުކާރުން ވެންޓިލޭޓަރ ގެ މައްސަލާގައި ކޮށްފައިވާ ވައްކަމުގެ ވާހަކަދައްކަވާފައެވެ.

ނިޒާމީ ނުކުތާ ތަކަށްފަހު، ޔައުޤޫބު އަނެއްކާވެސް ވާހަކަދައްކަވަން ފެއްޓެވީ މަޖިލީހުގެ ނާއިބު ރައީސް އީވާ އަބްދުالله އަދުގެ ސަރުކާރާއި މެދު ނުރުހުންވި ސަބަބު ހާމަކޮށްދެއްވަމުންނެވެ.

"މަޖިލީހުގެ ނައިބު ރައީސް އީވާ އަބްދުالله ސަރުކާރާއިމެދު ހިތްހަނުޖެހިގެން މިއުޅެނީ، އެމްޑީއެން އުވާލި މައްސަލާގައި."

ދާންދޫ ދާއިރާގެ މެންބަރު ޔައުޤޫބް އަބްދުالله
މަޖިލީހުގެ ނައިބު ރައީސް އީވާ އަބްދުالله--ފޮޓޯ/ މަޖިލިސް

އީވާ ސަރުކާރާއި މެދު ހިތްހަމަނުޖެހުނީ އެމްޑީއޭން އުވާލީމާ ކަމަށް ޔައުގޫބް ވިދާޅުވެފައިވާއިރު، މި ސަރުކާރުން އެ ޖަމިއްޔާ އުވާލިކަމަށް ބުނި ފަހުންވެސް އެ ޖަމިއްޔާގެ ނަމުގައި ވަނީ ބަޔާން ނެރެފައެވެ.

އެގޮތުން، އިންޓަނޭޝަނަލް ޔޯގާ ޑޭ ފާހަގަކުރުމުގެ ގޮތުން އިންޑިއާ ހައި ކޮމިޝަނާއި އިންޑިއަން ކަލްޗަރަލް ސެންޓަރު އަދި ޔޫތު މިނިސްޓްރީ އިން ފާއިތުވި އަހަރު ކުރިއަށް ގެންދިޔަ ޔޯގާ ޑޭ ހަރަކާތް ޒުވާނުން ނުކުމެ ހުއްޓުވުމާއި ގުޅިގެން އެކަމާމެދު ނުރުހުން ފާޅުކޮށް އެ ޖަމިއްޔާއިން ވަނީ ބަޔާން ނެރެފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި
20 Nov 2026 ހަބަރު

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި

ޓެކުހާއި ގުޅޭ ތިން ބިލެއް ރައީސް ވަނީ ތަސްދީގު ކުރައްވައިފަ އެވެ.