ރިޔާސީ އިންތިޚާބަށް ޢުމަރު ނަސީރުގެ ނަން ހުށައަޅައިފި
ސެޕްޓެމްބަރ 9 ވަނަ ދުވަހު ބޭއްވުމަށް ހަމަޖެހިފައިވާ ރިޔާސީ އިންތިޚާބުގައި މިނިވަން ކެންޑިޑޭޓޭއްގެ ގޮތުގައި ވާދަކުރައްވާނެ ކަން އިޢުލާނު ކުރައްވާފައިވާ ކުރީގެ ހޯމް މިނިސްޓަރ ޢުމަރު ނަސީރުގެ ކެންޑިޑެސީ ފޯމު ހުށައަޅައިފިއެވެ.
ރިޔާސީ އިންތިޚާބުގައި ވާދަކުރުމަށް މިއަދު ނަންހުށައެޅުއްވި ޢުމަރު ވަނީ މީގެ ކުރިންވެސް ރިޔާސީ އިންތިޚާބުގައި ވާދަކުރައްވައިފައެވެ.
މިއަހަރުގެ ރިޔާސީ އިންތިޚާބުގައި 7 ކެންޑިޑޭޓަކު ވާދަކުރެއްވުމަށް ވަނީ ހަމަޖެހިފައެވެ.
އެމްޑީޕީ ކޯލިޝަނުން ރައީސް އިބްރާހިމް މުޙައްމަދު ޞާލިޙް ވާދަކުރައްވާއިރު ޕީޕީއެމް ޕީއެންސީ ކޯލިޝަނުން ޑރ މުޙައްމަދު މުޢިއްޒު ވާދަކުރެއްވުމަށް ވަނި ހަމަޖެހިފައެވެ.
އެމްއެންޕީ އިން މުޙައްމަދު ނާޒިމް، ޖުމްހޫރީ ޕާޓީ އިން ޤާސިމް އިބްރާހިމް އަދި ދަ ޑިމޮކްރެޓްސް އިން އިލްޔާސް ލަބީބް ވާދަކުރެއްވުމަށް ވަނީ ހަމަޖެހިފައެވެ.
މީގެއިތުރުން މިނިވަން ދެ ކެންޑިޑޭޓުން ކަމަށްވާ ފާރިސް މައުމޫން އަދި ޢުމަރު ނަސީރުވެސް ހިމެނެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
