ވެރިކަމުގައި ކެބިނެޓަށް ބޭފުޅުން އައްޔަން ކުރެއްވުމުގެ ކުރިން އެސެސްމެންޓެއް ހެދޭނެ: ޒަމީލް
ވެރިކަން ލިބިވަޑައިގަންނަވައިފި ނަމަ، ކެބިނެޓާއި އެހެނިހެން ދައުލަތުގެ އިސް މަގާމުތަކަށް ބޭބޭފުޅުން އައްޔަނުކުރެއްވުމުގައި އެއްވެސް ހާލެއްގައި ގާތް އާއިލީ ބޭފުޅުންނަށް އިސްކަން ނުދެއްވާނެކަމަށާއި ކެބިނެޓްވެސް އެކުލަވާލާނީ އެކަމަށް ކަނޑައެޅޭ ބޭފުޅުންގެ އެސެސްމެންޓްއެއް ހެދިގެން ކަމުގައި މިއަހަރުގެ ރިޔާސީ އިންތިހާބުގައި އަމިއްލަ ގޮތުން ވާދަކުރެއްވުމަށް ކެންޑިޑޭސި ހުށަހެޅުއްވި، ޑިފެންސް މިނިސްޓްރީގެ ކުރީގެ ނައިބު ހަސަން ޒަމީލް ވިދާޅުވެއްޖެއެވެ.
ރަނިންގްމޭޓެއްގެ ގޮތުގައި އަނބިކަނބަލުން އަދި އިންތިހާބި އެޖެންޓެއްގެ ގޮތުގައި ދަރިކަލުންނާއެކު މިއަދު އިލެކްޝަންސް ކޮމިޝަނަށް ކެންޑިޑެސީ ހުށަހެޅުއްވުމަށްފަހު ނޫސްވެރިންނާއި ވާހަކަ ދައްކަވަމުން ޒަމީލް ވިދާޅުވީ ކޮންމެ ވެރިކަމެއްގައިވެސް ވެރިކަމަށް އަންނަ ދުވަސްކޮޅު ހެދޭ ކޯލިޝަންތަކުގެ ތެރެއިން ފޮނި އިންމީދުތަކާއި އެކި ވަރު ވަރުގެ ވައުދުތައް ވަމުން އަންނަތަން ފެންނަ ކަމުގައެވެ. އެހެން ނަމަވެސް ވެރިކަމަށް އައުމަށްފަހު އެ ވައުދުތައް އެންމެ ފުރިހަމަ ގޮތުގައި ފުއްދި ރައްޔިތުންގެ އަސާސި ހައްގުތަށް އަދާ ކޮށްދެވެމުން ނުދަ މަންޒަރު ފެންނަމުންދާތީ މިފަދަ މަގާމަކަށް ނިކުންވަަން ވިސްނުންފުޅު ގެންގުޅުއްވާތާ ދުވަސްކޮޅެއް ވެއްޖެކަމުގައެވެ.
މީގެ އިތުރުން ޒަމީލް ވިދާޅުވީ، އެ ބޭފުޅާއަށް ވެރިކަން ލިބިލެއްވިކަމުގައިވިޔަސް ކެބިނެޓާއި އެެފަދަ ސަރުކާރުގެ އިސްމަގާމުތަކަށް މީހުން އައްޔަނުކުރުމުގައި ތައުލީމީ ގާބިލް އަދި ތަޖުރިބަ ހުރި ބޭބޭފުޅުންނަށް އިސްކަންދެވޭނެ ކަމަށެވެ. އަދި އެ ބޭފުޅާއަކަީ ރަހުމަތްތެރިންވެސް މަދު މީހެއްކަން ފާހަގަކުރައްވައި ޒަމީލް ވިދާޅުވީ ފަހަރުގައު ކަން ދިމާވާ ގޮތުން ކެބިނެޓް އެކުލަވާލުމަށް އިއުލަނުކުރަން ޖެހުން އެކަށީގެން ވާކަމަށާއި، ކެބިނެޓަށް ބޭފުޅުން އައްޔަނު ކުރެވޭނޭ، އެ ބޭބޭފުޅުންގެ ތެދުވެރިކަމާއި އިހްލާސްތެރިކަމުގެ އިތުރުން ފަންނީ އަދި އިލްމީ ގާބިލުކަން ބެލުމަށް އެސެސްމެންޓްތަކެއް ހެދިގެން ކަމުގައެވެ.
"އަޅުގަނޑު ގަސްތުކުރަނީ ވިހާވެސް އެކަހަލަ ކަންތައްތަކަށް ގަބިލްބޭފުޅުން، އެހެން ނަމަވެސް އެ ބޭފުޅުން މަގާމަށް އައްޔަނުކުރުމުގެ ކުރިން އެ ބޭފުޅުންގެ އެސެސްމެންޓެއްދާނެ، ހަމަ ރަނގަޅު އެސެސްމެންޓެއް، އެ ބޭފުޅުންނަކީ ގައުމަށް މިހާތަނަށް އިހްލާސްތެރި ތެދުވެރި ގޮތުގައި އަމަލުކުރައްވައިފައި ހުރި ބޭފުޅެއްތޯ ބަލާނަށް"
ޒަމީލު ވިދާޅުވިއެވެ.
ރަނިންގްމޭޓެއްގެ ގޮތުގައި އަންބިކަނބަލުންނާއި އިންތިހާބީ އޭޖެންޓެއްގެ ގޮތުގައި ދަރިކަލުންނާއި އެކު ނިކުމެވަޑައިގެން ޒަމީލް ވެ ވަޑައިގަތީ ރިޔާސީ ތާރީޚުގައިވެސް އާއިލާއެއް އެއްކޮށް އިންތިހާބަކަށް ނިކުމެވަޑައިގެން މިގޮތަށް ވާދަކުރައްވާ ފުރަތަމަ ބޭފުޅާއަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
