ޑރ މުޢިއްޒު ހުވާ ކުރެއްވުމުގެ ރަސްމިއްޔާތަށް މޯދީ އަށް ދައުވަތު ދޭނަން: ނަޝީދު
އިންތިޚާބީ ރައީސް ޑރ މުޙައްމަދު މުޢިއްޒު ރައީސް ކަމުގެ މަޤާމާއި ހަވާލުވެ ވަޑައިގަތުމަށް މަޤާމުގެ ހުވާ ކުރެއްވުމަށް ބާއްވާ ރަސްމިއްޔާތައް އިންޑިޔާގެ ބޮޑުވަޒީރު ނަރެންދްރަ މޯދީއަށް ދައުވަތު ދެއްވާނެ ކަމަށް ރައްޔިތުންގެ މަޖިލީހުގެ ރައީސް މުޙައްމަދު ނަޝީދު ވިދާޅުވެއްޖެއެވެ.
ނަޝީދު މިފަދައިން ވިދާޅުވެފައި ވަނީ އިންޑިޔާގެ ނޫހެއް ކަމަށްވާ "ދަ ހިންދޫ" އަށް ދެއްވި އިންޓަރވިއު އެއްގައެވެ.
ރައީސް ނަޝީދު ވިދާޅުވީ އެބޭފުޅާ ޤަބޫލް ކުރައްވާ ގޮތުގައި އިންތިޚާބީ ރައީސް ވެވަޑައިގަންނަވާނީ ގިނަ ބަޔަކަށް ހީވެފައިވާ ފަދައިން "އެންޓި އިންޑިޔާ" ނުވަތަ "ޕްރޯ ޗައިނާ" ބޭފުޅަކަށް ކަން ޤަބޫލު ނުކުރައްވާ ކަމަށެވެ.
އިންޑިޔާގެ ބޮޑު ވަޒީރު ވަނީ ރައީސް އިބްރާހިމް މުޙައްމަދު ޞާލިޙް ރައީސް ކަމަސް ހުވާ ކުރެއްވެވި ރަސްމިއްޔާތުގައި ވެސް ބައިވެރިވެ ވަޑައިގެންފައިވެއެވެ.
"ދަ ހިންދޫ" އަށް ދެއްވި އިންޑީޔާ އަށް އިންޓަރވިއުގައި ނަޝީދު އިތުރަށް ވިދާޅުވެފައިވަނީ ބައިނަލް އަޤްވާމީ މީޑިއާ ތަކުން ރާއްޖޭގެ އިންތިޚާބަކީ އިންޑިޔާ އާއި ޗައިނާ އާއި ދެމެދުގައި އޮތް ހަނގުރާމައެއް ގެ ގޮތުގައި ސިފަ ކޮށްދީފައިވާ ކަމަށާއި، އަދި ޑރ މުޢިއްޒަކީ "ޕްރޯ ޗައިނާ" ނުވަތަ "އެންޓި އިންޑިޔާ" ބޭފުޅެއް ގޮތުގައި ސިފަކޮށްފައިވާ ކަމަށެވެ. އަދި އެއީ މުޅިއެކުން ހަޤީޤަތް ކަމަށް އެމަނިކުފާނު ޤަބޫލް ނުކުރައްވާ ކަމަށްވެސް ވިދާޅުވެފައިވެ އެވެ.
ޑރ މުޢިއްޒު ރައީސް ކަމަށް ހުވާ ކުރެއްވުމަށް ބާއްވާ ރަސްމިއްޔާތު ރާވައި އިންތިޒާމް ކުރައްވާނީ ރައްޔިތުންގެ މަޖިލީހުގެ ރައީސް ގެ ހައިސިއްޔަތުން ރައީސް ނަޝީދެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
