ރައްޔިތުން އަމަލުކުރަން ޖެހެނީ ވުޖޫދުގައި އެވަގުތަކު އޮތް ޤާނޫނަކަށް: ޠާރިޤް

ދިވެހިރައްޔިތުން އަމަލުކުރަން ޖެހޭނީ އެވަގުތަކު ވުޖޫދުގައި އޮތް ޤާނޫނަކަށް ކަމަށް މަހިބަދޫ ދާޢިރާގެ އިއްޒަތްތެރި މެމްބަރ އަޙްމަދު ޠާރިޤް (ޓޮމް) ވިދާޅުވެއްޖެއެވެ.

ޓޮމް މިފަދައިން ވިދާޅުވެފައި ވަނީ މިއަދު ކުރެއްވި އެކްސް ޕޯސްޓެއްގައެވެ. މި ޕޯސްޓުގައި ޓޮމް ވިދާޅުވެފައި ވަނީ ރައްޔިތުން އަމަލުކުރަން ޖެހެނީ ވުޖޫދުގައި އެވަގުތަކު އޮތް ޤާނޫނަކަށް ކަމަށާއި، އަދި މަޖިލީހުން ފާސްކުރާ ހުރިހާ އެއްޗަކީ ޤާނޫނެއްނޫން ކަމަށެވެ.

"ރައްޔިތުންގެ މަޖިލީހުން ކަމެއް ފާސްކޮށްފާނެކަމަށް ބަލާ ހިނގަހިނގާ އޮންނަ ޤާނޫނަކަށް އަމަލު ކުރުން ނުހުއްޓުވޭނެ."

ޓޮމްގެ ޕޯސްޓުގައި އިތުރަށް ވިދާޅުވެފައިވެއެވެ.

ޓޮމް މިފަދައިން ވިދާޅުވެފައިވާއިރު މިވަގުތު މަޖިލިހުގެ މެޖޯރިޓީ އޮތް އެމްޑީޕީ އިސްވެ އޮވެ ޑިމޮކްރެޓިކް ޕާޓީ އާއި ގުޅިގެން ވަނީ ކުރިއަށް އޮތް މަޖިލިސް އިންތިހާބު ރޯދައިގެ ފަހަށް ބަދަލުކުރަން ނިންމާފައެވެ.

ޓޮމްގެ ޕޯސްޓުގައި އިތުރަށް ވިދާޅުވެފައި ވަނީ ކުރިމަތިލުމަށް އިއުލާންކޮށްފައިވަނީ މާރިޗް 17 ގައި އޮންނަ އިންތިޚާބަކަށްކަމަށާއި، ކެންޑިޑޭޓުން ވާދަވެސް ކުރަނީ އެ ތާރީޚްގައި އޮންނަ އިންތިޚާބަކަށް ކަމަށެވެ. ކޮވިޑްފަދަ ގުދުރަތީ  ކަމެއް މެދުވެރިނުވާނަމަ އިއުލާން ކުރި ތާރީޚްގައި ބޭއްވުމަކީ މުހިއްމުކަމެއް ކަމުގައި ޓޮމް ވިދާޅުވިއެވެ.

ޓޮމްގެ ޕޯސްޓު ނިންމާލަމުން ވިދާޅުވެފައިވަނީ އެންމެފަހުން ބޭއްވުނު މާލޭ މޭޔަރު އިންތިޚާބުގައި  31 ޕަސެންޓް މީހުން ވޯޓްލާން ނުކުތީ ރޯދަމަހާ ދިމާވެގެންނޫން ކަމަށާއި، އެއިންތިހާބުގައި 69 ޕަސެންޓް މީހުންގެ ޝައުގުވެރިކަން ނެތުނީ ކޮންމެވެސް އެހެން ސަބަބުތަކަކާ ހުރެކަމަށެވެ.

ޓޮމް މިފަދައިން އެކްސް ޕޯސްޓެއް ކުރައްވާފައި މިވަނީ ރައްޔިތުންގެ މަޖިލިހުން ފާސްކޮށްފައިވާ މަޖިލިސް އަވަސްކުރުމަށް ގޮވާލާ ބިލް ވަގުތުން ތަސްދީޤު ކުރުމަށް މޯލްޑިވިއަން ޑިމޮކްރެޓިކް ޕާޓީ އެމްޑީޕީގެ ޗެއާރޕާޝަން ފައްޔާޒު އިސްމާއިލް ގޮވާލައްވާފައި ވަނިކޮށެވެ.