އެމްޑީޕީގެ ކޮންގްރެސް އަންނަ މަހު 1 ގައި ބާއްވަނީ
އިދިކޮޅު މައި ޕާޓީ، އެމްޑީޕީގެ ކޮންގްރެސް އަންނަ މަހު 1 އިން 3 އަށް ބޭއްވުމަށް ނިންމައިފިއެވެ.
އެމްޑީޕީގެ ކުރިއަށް އޮތް ކޮންގްރެސް އާ ގުޅޭ ގޮތުން މައުލޫމާތު ދިނުމަށް މިއަދު ބޭއްވި ނޫސްވެރިންގެ ބައްދަލަުވުމުގައި ޕާޓީގެ ޗެއާޕާސަންގެ ނާއިބު އިބްރާހިމް ވަހީދު ވިދާޅުވީ، ޕާޓީގެ ކޮންގްރެސް ފުރަތަމަ ބާއްވަން ނިންމީ މިމަހު 19 އިން 21 އަށް ކަމަށެވެ. ނަމަވެސް ބާއްވާނެ ތަނެއް ހަމަ ނުޖެހުމުން ފަސްކުރަން ޖެހުނީ ކަމަށެވެ.
އަދި އަންނަ މަހުވެސް ބާއްވަން ރަނގަޅު ތަނެއް ނުލިބި، ލިބުނީ މާލެ ސިޓީ ކައުންސިލްގެ ހޯލު ކަމަށް އޭނާ ވިދާޅުވިއެވެ.
އެކަމާ ގުޅިގެން ވާހަކަ ދައްކަވަމުން ޕާޓީގެ ޗެއާޕާސަންގެ ނާއިބު މުހައްމަދު ޝިފާޒް ވިދާޅުވީ، ކޮންމެ ފަސްއަހަރަކުން އެއް އަހަރަކު ބާއްވާ ކޮންގްރެސްއަކީ ޕާޓީ އަސާސީ ގަވާއިދަށް ބޮޑެތި ބަދަލުތަކެއް ގެނެވޭ ބައްދަލުވުމެއް ކަމަށެވެ.
އަޅުގަނޑުމެންގެ މި ކޮންގްރެސް އޮކްޓޯބަރު 1 އިން 3 އަށް މާލެ ސިޓީ ކައުންސިލްގެ ހޯލުގައި ކުރިއަށް ގެންދާނަން.
ޝިފާޒް ވިދާޅުވީ، އެހެން އަހަރުތަކުގެ ކޮންގްރެސްއާ ޚިލާފަށް މި އަހަރުގެ ކޮންގްރެސްގެ އެއް ސެޝަން އިންވެސްޓްމަންޓް ފޯރަމް އަކަށް ޚާއްސަކުރެވިފައިވާ ކަމަށެވެ. އެ ސެޝަނުގައި، އެމްޑީޕީ ކައުންސިލްތައް އޮންނަ ރަށްރަށުގެ ކައުންސިލަރުންނާއެކު، އެ ކައުންސިލުން ރަށުގައި ކުރިއަށް ގެންދާނެ މަޝްރޫޢުތަކަށް އިންވެސްޓްމަންޓް ހޯދުމާ ގުޅޭ ގޮތުން މަޝްވަރާ ކުރެވިގެންދާނެ ކަމަށް އޭނާ ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
