ކަނޑޫދޫ ވިއްކާލުމާއި ދެކޮޅު ހެދުން ޝިފާއު ސިފަކުރީ ތަރައްގީ ހުއްޓުވާލުން ކަމަށް!
ނ. އަތޮޅު ކަނޑޫދޫ ދިގު މުދައްތަކަށް ވިއްކާލުމަށް ސަރުކާރުން ނިންމި މިންމުމާއި ދެކޮޅަށް ނ. އަތޮޅު ކައުންސިލުން މަދަނީ ކޯޓަަށް މައްސަލަ ހުށެއުޅުމުން މަޖިލީހުގެ އިހަވަންދޫ ދާއިރާގެ މެމްބަރު މުހައްމަދު ޝިފާއު ނުރުހުން ފާޅުކުރައްވައިފި އެވެ.
ކަނޑޫދޫ ވިއްކާލުމާއި ދެކޮޅަށް ނ. އަތޮޅު ކައުންސިލުން ކޯޓަށް ދާން ނިންމީ ސަރުކާރުން އެފަދައިން ނިންމުގައި ކައުންސިލާއި އެއްވެސް ވަރަކަށް މަޝްވަރާކޮށްފައި ނުވާތީއެވެ. އަދި ރައްޔިތުންގެ ރުހުން ހޯދާފައި ނުވާތީއެވެ. އެކަމަކީ ނ. އަތޮޅުގެ ގުދުރަތީ ވަސީލަތްތަކުން ރައްޔިތުންނަށް ލިބެން އޮތް މަންފާއަށް ބޮޑެތި ހުރަސްތަކެއް އެޅިގެންދާނެ ނިންމުމެއްކަމަށް ނ. އަތޮޅު ކައުންސިލުން ވަނީ ބުނެފައެވެ. އަދި އެ މައްސަލައިގައި ކޯޓަށް ދާން ނިންމީ އަތޮޅު ކައުންސިލްގެ އިއްތިފާގުންކަމަށް އެ ކައުންސުލުން ވަނީ ބުނެފައެވެ.
ނ. އަތޮޅު ކައުންސިލްގެ އެ ނިންމުމަށް ޝިފާއުވަނީ ޓްވީޓާގައި ފާޑުކިޔުންތައް އަމާޒުކުރައްވާފައެވެ. އެގޮތުން އޭނާ ވިދާޅުވީ ބައެއް ރަށްރަށުން އެ ރަށްތައް ތަރައްގީކޮށްދިނުމަށް ސަރުކާރުގައި އާދޭސްކުރަމުންދާއިރު، ބައެއް ކައުންސިލްތަކުން މަސައްކަތް ކުރަނީ ރަށްރަށަށް ލިބެން އޮތް ތަރައްގީ ހުއްޓުވުމަށްކަމަށެވެ.
"ބައެއްއަތޮޅުތަކުން ސަރުކާރުގަ އެދި އާދޭސް ދަންނަވަނީ ރައްތައް ތަރައްގީ ކުރެވޭނެ މަގެއްހޯދަދިނުމަށް. ބައެއް އަތޮޅު ކައުންސިލްތަކުން މަސައްކަތްކުރަނީ ރައްތައް ތަރަށްގީކުތުން ހުއްޓުވުމަށް"
އިހަވަންދޫ ދާއިރާގެ މެމްބަރު ޝިފާއު
އެވާހަކައާއި ގުޅުވާ ޝިފާއު އިތުރަށް ވިދާޅުވީ މި ސަރުކާރުން ގެނައި ލާމަރުކަޒީ ނިޒާމުގެ ފޮނި މީރުކަން ރައްޔިތުންނަށް ލިބޭނެ ގޮތެއް ނެތްކަމަށެވެ.
ނ. އަތޮޅު ކަނޑޫދޫ ވިއްކާލުމާއި ދެކޮޅަށް އެ އަތޮޅު ކައުންސިލުން މަދަނީ ކޯޓަށް މައްސަލަ ހުށައެޅުމުން ނުރުހުން ފާޅުކުރަމުންދާ ގިނަ އެމްޑީޕީގެ މެމްބަރުންނަކީ ކުރީގެ ރައީސް އަބްދުﷲ ޔާމީން އަބްދުލްގައްޔޫމުގެ ޒައާމަތުގައި ފ.އަތޮޅު ތަރައްގީކުރުމަށް ސައުދީ ޕްރޮޖެކްޓު އިއުލާނުކުރުމުން، އެއީ އެ އަތޮޅު ވިއްކާލަން ކުރާ ކަމެއްގެ ގޮތުގައި ސިފަކޮށް އެކަމާއި ދެކޮޅަށް އިހުތިޖާޖު ކޮށްފައިވައިވާ މެމްބަރުންކަން ފާހަގަކޮށްލެވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
