ހަރުކަށި ފިކުރަކީ ބައްޔެއް، އެ ވާހަކަ ފާޅުގައި ދައްކަން ޖެހޭ: އިމްރާން
ދީނީގޮތުން ހަރުކަށި ފިކުރަކީ ބައްޔެއްކަމަށާއި، އެ ވާހަކަ ފާޅުގައި ދެކެވެން ޖެހޭކަަމަށް ހޯމް މިނިސްޓަރ އައްޝައިޚް އިމްރާން އަބްދުﷲ ވިދާޅުވެއްޖެއެވެ.
އެބޭފުޅާ މިހެން ވިދާޅުވީ ޕީއެސްއެމް ނިއުސްގެ ރާއްޖެމިއަދު ޕްެރޮގްރާމްގައި މިރޭ ވާހަކަފުޅު ދައްކަވަމުންނެވެ.
އިމްރާން ވިދާޅުވީ މިދިޔަ އަންގާރަ ދުވަހު ހުޅުމާލޭގައި ފަތުރުވެެރިންނަށް ވަޅިން ހަމަލާދިނުން ރޭވި އެންމެ އިސް އެއް ފަރާާތް ހައްޔަރުކުރެވިފައިވާ ކަމަށާއި، ދެންވެސް އެކަމުގައި ޝާމިލްވާ ފަރާތްތައް ހައްޔަރުކޮށްފައިވާ ކަމަށެވެ. އަދި އެ ހަމަލާ ދެވިފައިވަނީ އެ ފަރާތްތައް ރޭވިގޮތަކަށް ނޫންކަމަށް އެބޭފުޅާ ފާހަގަކުރެއްވިއެވެ.
މި ހަމަލާތަކުގެ ޒިންމާ ނަގައި ދީނީގޮތުން ހަރުކަށި ފިކުރުގެ ބަޔަކު ވަނީ ވީޑިޔޯއެއް އާންމުކޮށްފައެވެ.
މިރޭގެ ޕްރޮގްރާާމްގައި އިމްރާން ވަނީ ދީނީގޮތުން ހަރުކަށި ފިކުރު ދިވެހިރާއްޖޭގައި އޮތް މިންވަރާއި މެދުވެސް ވާހަކަ ދައްކަވާފައެވެ. ހޯމް މިނިސްޓަރ އިމްރާން ވިދާޅުވީ މީގެ ކުރީގެ ސަރުކާރުތަކުން އެ މައްސަލައަކީ އޮތް މައްސަލައެއްކަން ގަބޫލުކޮށް، އެކަމުގެ ވާހަކަ ދައްކަން ބޭނުން ނުވިކަމަށާއި ނަަމަވެސް މި ސަރުކާރުން އެކަމާއި ގުޅޭގޮތުން ފާޅުގައި ވާހަކަދައްކަން ފައްޓާފައިވާނެކަމަށެވެ.
އެބޭފުޅާ ވިދާޅުވީ އެއީ ބައްޔެއްކަމަށާއި އެ ބަލީގެ ވާާހަކަ ފާޅުގައި ދައްކަންޖެހޭކަމަށް މި ސަރުކާރުން ގަބޫލުކުރާ ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
