ކުރިން ޕްލޭންގައި އޮތީ އަމީނީމަގު ހަދަން ގަސް ނުކަނޑަން: ޑރ. މުއިއްޒު
އަމީނީ މަގު ޒަމާނި ފެންވަރަށް ތަރައްގީ ކުރުމަށް މީގެ ކުރިން ކުރި ޕްލޭގައި ވަނީ މަގުގައި ހުރި ބޮޑެތި ގަސްތައް ނުކަނޑައި އެ މަޝްރޫއު ކުރިއަށް ގެންދިޔުމަށް ކަމަށް މާލެސިޓީ ކައުންސިލްގެ މޭޔަރު ޑރ މުހައްމަދު މުއިއްޒު ވިދާޅުވެއްޖެއެވެ.
މާލެ ސިޓީ ކައުންސިލުން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން މުޢިއްޒު ވިދާޅުވީ، އަމީނީ މަގުގެ މަސައްކަތް ޕްލޭނިންގ މިނިސްޓްރީން އާރްޑީސީ އާއި އެކު އެބަސްވީ ސިޓީ ކައުންސިލާއި އެކު ހެދި އެއްބަސްވުމުގެ ދެ ގުނަ އަގުގައި ކަމަށެވެ. އެހެން ނަމަވެސް އެކަމުގައި، އާރްޑީސީ އަށް އެއްބާރުލުން ދެމުންދަނީ، މާލޭގެ ތަރައްގީއަށް ކުރާ މަސައްކަތް ތަކުގައި އެހީވާން ކަމަށް މުޢިއްޒު ވިދާޅުވިއެވެ.
އެހެން ނަމަވެސް ގަސްތައް ކެނޑުމުގެ ކަންތައް ދާގޮތް އަޅުގަނޑުމެންނަށް ކަންބޮޑުވުން އޮތް ކަމަކަށް މިވަނީ. އެއީ ކުރީގައި ޕްލޭންގައި ނޯވޭ އެމަގު އެހެރަ ގަސްތައް ނަގާ ގޮތަކަށް. މަޖީދީ މަގުވެސް އެ އޮތީ ކުރިން ހަދާފައި. ގަސް ތަކެއް ނުނަގާ. އެހެން ނަމަވެސް ނަގަން ޖެހިދާނެ ގަހެއް ހުރެދާނެ. އެކަމަކު ހުރިހާ ގަހެއް ނަގައިގެން އަނެއްކާ އަލުން ބަލުން ހުރިހާ ގަހެއް އިންދަން ޖެހުމަކީ އަޅުގަނޑު ހިތުން އެއީ އެއް ނޫން ކަންނޭނގެ އެކަން ވާންޖެހޭނެ ގޮތަކީ.
މޭޔަރ ޑރ. މުހައްމަދު މުޢިއްޒު
މީގެ އިތުރުން ވެސް މުޢިއްޒު ވަނީ އަމީނީ މަގު ހެދުމުގައި މަގުގެ ފުޅާމިން ހަނިވާ ގޮތަށް ހަދަމުންދާތީ ކަންބޮޑުވުންފާޅުކޮށްފައެވެ. އެގޮތުން މުއިއްޒު ވިދާޅުވީ އާރްޑީސީން މީގެ ކުރިން ހެދި މަގުތަކުގައިވެސް، މަގުގެ ފުޅާމިން ދެ ފޫޓު ނުވަތަ ދޮޅު ފޫޓު ހަނި ކޮށް ހަދާފައިވާ ކަމަށާ، އެކަން އެގޮތަށް ނުކުރުމަށް، ރޯޝަނީ މަގު ހަދާ ނިމުމުންވެސް އާރްޑީސީ އާއި އެކީ ނިންމަވާފައިވާ ކަމަށެވެ. އެހެން ނަމަވެސް އެ ނިންމެވުން، ޕްލޭނިންގ މިނިސްޓްރީއާއި އެކު ނިންމާފައި ނުވާކަން ފާހަގަކުރައްވައި މުއިއްޒު ވިދާޅުވީ، އެގޮތަށް ނިންމަވާފައި ނެތުމުން ކުރީގެ ޑިޒައިނަށް އެކަން ކުރެވެމުންދާ ކަމަށާ، އޭގެ ސަބަބުން ތިން ފޫޓު މަގުން ހަނިވެގެންދާކަމަށެވެ.
"ތިން ފޫޓަށް ވުރެ ބޮޑަށް އެބަ ހަނިވޭ. ހަނިވީމަ އެއީ މާލޭގެ އެންމެ ބޮޑު މައި މަގު. އެމަގުގައި މިނީ ބަސް ވެސް އެ ދުއްވާ. އެހެންވީމާ ވަރަށް ބޮޑު ތާށިކަމެއް އޭގެންވެސް އަންނާނެ."
މޭޔަރ ޑރ. މުހައްމަދު މުޢިއްޒު
އެހެން ކަމުން އުއްމީދަކީ ސިޓީ ކައުންސިލްގެ އެ ކަންބޮޑުވުން އަޑު އަހައި، މަގުގެ ފުޅާމިން ރަނގަޅުކޮށް، ގަސްތައް ނުކަނޑައޖ މަގު ހެދުމުގެ މަސައްކަތް ސަރުކާރުން ގެންދިޔުން ކަމަށްވެސް މުއިއްޒު ވިދާޅުވި އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
