އަފްޣާނިސްތާނަށް އައި ބިންހެލުމުގައި މަރުވި މީހުންގެ ޢަދަދު ދެހާހުން މައްޗަށް
ހޮނިހިރު ދުވަހު އަފްޣާނިސްތާނަށް އައި ބިންހެލުމުގައި މަރުވި މީހުންގެ ޢަދަދު ދެހާހުން މައްޗަށް އަރައިގެން ގޮސްފައިވާ ކަމަށް އަލްޖަޒީރާއިން ބުނެފިއެވެ.
އަލްޖަޒީރާގައި ބުނެފައިވަނީ ބިންހެލުމުގެ މަރުވެފައިވާ މީހުންގެ ޢަދަދު ދެހާހުން މައްޗަށް ގޮސްފައިވާއިރު އަދިވެސް މިޢަދަދު ދާނީ މައްޗަށް ކަމަށެވެ.
ބިންހެލުން އައި ސަރަހައްދުގައި މީހުން ސަލާމަތްކުރުމާއި މީހުން ހޯދުމުގެ މަސައްކަތް ކުރަމުންދާ ރެސްކިޔު ވޯކަރުންނަށް މީހުން ސަލާމަތް ކުރުމާއި މީހުން ހޯދުމުގެ މަސައްކަތް ކުރަމުން ދަނީ ޒަމާނީ އެއްވެސް ވަސީލަތެއް ނެތި އެމީހުންގެ އަތުންނެވެ.
މީހުން ސަލާމަތްކުރުމަށް މަސައްކަތްކުރާ ޓީމުގެ މެމްބަރެއް ކަމަށްވާ ޞާބިރް އަލްޖަޒީރާ އަށް ބުނެފައިވަނީ މީހުން ސަލާމަތް ކުރުމަށް ބޭނުންކުރާނެ އެއްވެސް ޒަމާނީ ވަސީލަތެއް އެމީހުންގެ އަތުގައި ނެތްކަމަށާއި، މީހުން ސަލާމަތް ކުރުމާއި މީހުން ހޯދުމަށް ތަމްރީން ވެފައިވާ އެއްވެސް މީހަކު އެޓީމުގައި ނެތް ކަމަށެވެ.
އަދި ޒަމާނީ ވަސީލަތްތަކާއި ތަމްރީން ވެފައިވާ މީހުންގެ އެހީ އެޓީމަށް ނުލިބިއްޖެނަމަ ގެއްލިގެންދާ ފުރާނަތައް އިތުރުވެގެންދާނެ ކަމަށް ވެސް ބުނެފައިވެއެވެ.
ޞާބިރް ވަނީ ބައިނަލްއަޤްވާމީ ފަރާތްތަކަށް އަފްޣާނިސްތާނުގެ ރެސްކިޔު ޓީމް ތަކަށް އެހީ ވެދިނުމަށް ގޮވައިލައިފައެވެ.
އަފްޣާނިސްތާނުގެ އޮފިޝަލުން ބުނެފައިވަނީ މަރުވެފައިވާ މީހުންގެ ޢަދަދު 2053 އަކަށް އަރައިފައިވާ ކަމަށާއި، އެކި ވަރުގެ ޒަޚަމްތައް ލިބުނު މީހުންގެ ޢަދަދު 10،000 އަށް އަރާނެ ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
