މިއީ ތަފާތު، މީރު ސުމޫތީއެއްގެ ރެސިޕީ!

ސުމޫތީ އަކީ ވަރަށް ގިނަ މީހުންނަށް ކަމުދާ، ހޫނު ދުވަސް ދުވަހު ކަރު ހިއްކުން ފިލުވާލަންވެސް ރަނގަޅު މީރު، އަދި ސިއްހަތަށް ފައިދާހުރި ބުއިމެކެވެ. މިއަދު 'ވޮއިސް'ގެ ބަދިގެއިން މި ގެނެސްދޭ ސުމޫތީ އަކީ ތަފާތު އެކި މޭވާގެ ރަހަތަށް އެކިލެވޭ ވަރަށް މީރު ސުމޫތީއެކެވެ.

ބޭނުންވާތަކެތި

1 ޖޯޑު ޕެޝަން ފުރުޓް

1 ޖޯޑު އަނބު (ކިޔުބް ކޮށް ކޮށާފައި)
1 ޖޯޑު އަލަނާސި (ކިޔުބްކޮށް ކޮށާފައި)

1 ޖޯޑު އޮރެންޖު (ކިޔުބް ކޮށް ކޮށާފައި)

2 މޭޒުމަތީ ސަމުސާ ޕްލެއިން ޔޯގަޓް

1 ޖޯޑު އައިސް ކިޔުބް ( ފުނޑުކޮށްފައި)

3 މޭޒުމަތީ ސަމުސާ ހަކުރު ނޫނީ މާމުއި

ތައްޔާރުކުރާނެ ގޮތް

ހުރިހާ ތަކެތި މިކްސްޗަރަށް އެޅުމަށްފަހު ރަނގަޅަށް ހިމުންކޮށް މުގުރާލާށެވެ. ބޭނުން ނަމަ ފެން ފޮދެއްވެސް އަޅާލެވިދާނެއެވެ. އެއަށްފަހު ތަށްޓަކަށް އަޅާލުމަށްފަހު ޕެޝަން ފުރުޓު ކޮޅެއް ސުމޫތީ ގާނިޝް ކޮށްލަން އަޅާލެވިދާނެއެވެ.

މިހާރު އެހުރީ މިކްސްޑް ޕެޝަން ފުރުޓް ސުމޫތީ ތައްޔާރުކޮށް ނިމިފައެވެ.