ސޭލްއަޅުވައިގެން އަންނަ ފަރާތްތަކަށް މިޕާޓީގައި ޖާގައެއްނެތް - އެމްޓީޑީ މުޝްތަޝާރު

ސޭލް އަޅުވައިގެން އަންނަ ފަރާތްތަކަށް މޯލްޑިވްސް ތާރޑް-ވޭ ޑިމޮކްރެޓްސް އިން ޖާގަނޯންނާނެކަމަށް އެޕާޓީގެ މުޝްތަޝާރު އާސިފް ވިދާޅުވެއްޖެއެވެ.

"ވޮއިސް"އަށް ދެއްވި ބަސްދީގަތުމެއްގައި އާސިފް ވިދާޅުވީ ޕާޓީ ރެޖިސްޓްރޭޝަން މަސައްކަތުގައި ފާހަގަކުރެވުނު ކަމަކީ ކުރީގައި ޕާޓީތައް އުފައްދަން އުޅުނު ބައެއް މީހުންނާއި، ވެރިކަން ކޮށްފައިވާ ޕާޓީތަކުގައި މަސައްކަތް ކުރެއްވި މީހުން ކަންތައްތައްކޮށްފައި ހުރިގޮތުން ބައެއް ކަހަލަ ރިކުއެސްޓްތައް އަންނަމުން ދާކަމަށް އޭނާ ފާހަގަކުރެއްވިއެވެ.

އާސިފް ވިދާޅުވިގޮތުގައި މޯލްޑިވްސް ތާރޑް-ވޭ ޑިމޮކްރެޓްސް ޕާޓީއަކީ ޤައުމުގެ މުސްތްޤްބަލް ބިނާކުރަން ހަދާޕާޓީއެއްކަމާއި، ޕާޓީ އުފެއްދުމުގެ މަރުހަލާގައި ބައެއްކަހަލަ ކަންތައްތައް ޝޯޓްޓައިމް ގެއިންއަށް ނުގެންގުޅޭނެކަން އެހެންއަންނަ ފަރާތްތަކަށް ސާފުވާން ޖެހޭނެކަމަށެވެ.

ރާއްޖޭގައި ސިޔާސީ ޕާޓީތަކަށް ފައިސާއަށް މީހުން ވެއްދުމާއި، ވަނުމަށް ހުށަހަޅާ ހުށަހެޅުންތަކަށް އާޝިފްވަނީ ވަރަށް ހަރުކަށިކޮށް ރައްދު ދެއްވާފައެވެ. އަދި މޯލްޑިވްސް ތާރޑް-ވޭ ޑިމޮކްރެޓްސްއަށް އެފަދަ ހުށަހެޅުން ސޭލް އަޅުވައިގެން ތިބެ ގްރޫޕްތަކާއި ކްލަބްތަކުން އަންކަން އާސިފް ފާހަގަކުރައްވައި އެކަން އެގޮތަށް ނުކުރުމަށް އިލްތިމާސްކުރެއްވެވިއެވެ.

"އަޅުގަނޑު ވަރަށް ދެރަވޭ ބައެއް ޒުވާން ކްލަބްތަކުން ސޭލް އަޅުވައިގެން މިގޮތަށް އުޅޭތީވެ. މި އިންޓަވިއުގައި އަޅުގަނޑު ބޭނުން ހާމަކުރަން އެގޮތަށް މެސެޖް އަޅުގަނޑަށް ނުކުރަން. މިއަދުގެ ފަހުން އެހެން އަންނަ މެސެޖްތައް މީޑިއާއަށް ހާމަކުރާނަން" އެމްޓީޑީގެ މުޝްތަޝާރު ވިދާޅުވިއެވެ.

ސިޔާސީ ޕާޓީ އުފެއްދުމަށް އިލެކްޝަން ކޮމިޝަނުން ހުއްދަ ދިނުމާއެކު ޕާޓީއަށް އެންމެ ފުރަތަމަ މެންބަރެއްގެ ގޮތުގައި ސޮއިކޮށްފައިވަނީ މިހާރު ޖަލުހުކުމް ތަންފީޒުކުރަމުން ގެންދަވާ ކުރީގެ ނައިބް ރައިސް އަހްމަދު އަދީބްކަން ފާހަގަކުރެވެއެވެ.

އެއާއެކު ޕާޓީއަށް ގިނަ އަދަދަކަށް ޒުވާނުން ވަންނަމުން ދާކަން އެޕާޓީން ހާމަކުރައްވައެވެ. އަދީބަކީ މީގެ ކުރިންވެސް ޒުވާނުްގެ މެދުގައި ވަރަށް މަޤުބޫލު ފަރާތެއްގޮތުގައި މީގެކުރީގައި ވެސް ފާހަގަކުރެވޭ ފަރާތެކެވެ.

އެކަމާ ގުޅޭގޮތުން އާސިފް ވިދާޅުވީ އެ ޕާޓީއާއި ގުޅޭ އެންމެންވެސް ޤަބޫލުކުރާގޮތުގައި ކުރިއަށް ދިއުމުގެ ފުރުސަތު ހަމަ އެކަނިއޮތް ޕާޓީއަކީ މިއީކަމަށާއި، އަދި ރާއްޖޭގައި ޒުވާނުންނަކީ ސިޔާސީކަންތަކަށް ލޯހުޅުވިފައިވާ ހޭލުންތެރި ފަރާތްތަކެއް ކަމުން ޒުވާނުން މިފަދަ ފުރުސަތުގެ ބޭނުން ހިފަނީކަމަށް އޭނާ ވިދާޅުވިއެވެ.

މޯލްޑިވްސް ތާރޑް-ވޭ ޑިމޮކްރެޓްސް އިލެކްޝަންގައި ރެޖިސްޓަރ ކުރުމަށް މިހާރު އެޕާޓީން ގެންދަނީ 3000 ސޮއި ހަމަ ކުރުމުގެ މަސައްކަތެވެ. މާލޭގެ އިތުރުން ރާއްޖޭގެ ބައެއް ރަށްރަށުގައި، އަދި ސްރީލަންކާ، އިންޑިއާ މެލޭޝިއާގައިވެސް ޕާޓީއަށް މީހުން ސޮއިކުރުމުގެ މަސައްކަތްދާކަން އެޕާޓީން ހާމަކުރައްވައެވެ.