ކޮންމެ އެސޯސިއޭޝަނަކުންވެސް ފުރަތަމަ ތަބާވާން ޖެހޭނީ އެޤައުމެއްގެ ޤާނޫނާއި ގަވާއިދަށް: ޠަލާލް

ބައިނަލްއަގުވާމީ ޖަމިއްޔާ އަކާއި ގުޅިފައިވާ ނަމަވެސް، ކޮންމެ އެސޯސިއޭޝަނަކުންވެސް ފުރަތަމަ ތަބާވާން ޖެހޭނީ އެޤައުމެއްގެ ޤާނޫނާއި ގަވާއިދަށް ކަމަށް ކޮމިޝަނަރ އޮފް ސްޕޯޓްސް މުހައްމަދު ޠަލާލް ވިދާޅުވެއްޖެއެވެ.

ސްޕޯޓްސް މިނިސްޓްރީން އިއްޔެ ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ސްޕޯޓްސް މިނިސްޓަރ އަބްދުالله ރާފިޢު ވަނީ ގައުމީ އެސޯސިއޭޝަން ތަކާއި، އެ އެސޯސިއޭޝަން ތަކުގެ މައި އިދާރާ ތަކުގެ ގަވާއިދު ތަކާއި ދިވެހިރާއްޖޭގެ ގާނޫނާއި ގަވާއިދު ތަކާއި ސްޓްރީމްލައިން ކުރުމުގެ މަސައްކަތް ނެޝަނަލް ސްޕޯޓްސް ކައުންސިލުން ކުރަމުންދާ ކަމަށް ވިދާޅުވެފައެވެ.

ބައެއް ފަހަރު މި ވެފަ ހުންނަ ގޮތަކީ މައި އިދާރާ ތަކުގެ ގަވާއިދުތައް ދިވެހި ބަހަށް ތަރުޖަމާ ކޮށްގެން ދިވެހި ބަހުން ހަދާ ގަވައިދެއް ނޫނީ އުސޫލެއް ކޮމިޝަނަރގައި ރެޖިސްޓަރ ކުރެވިފައި މި ހުންނަނީ. އެ ހުންނަ އިރު އޭގެ އިނގުރޭސިބަހުން ލިޔެފައި އޮންނަ އެއްޗަކަާ ދިވެހި ބަހުން ލިޔެފައި އޮންނަ އެއްޗަކަާ އެހާ ބޮޑަށް ދިމައެއް ނުވޭ.

ސްޕޯޓްސް މިނިސްޓަރ އަބްދުالله ރާފިޢު

އެހެން ނަމަވެސް ދިވެހިރާއްޖޭގައި ހިންގާ އެސޯސިއޭޝަން ތަކަކީ ދިވެހިރާއްޖޭގެ ގާނޫނުތަކާއި ގަވާއިދުތަކަށް ހިންގަންޖެހޭ ތަންތަން ކަމަށް މިނިސްޓަރ ވިދާޅުވިއެވެ.

ވަޒީރުގެ ވާހަކަތަކަށް ތާއިދުކުރައްވައި ވާހަކަ ދައްކަވަމުން ޠޮލާލް ވިދާޅުވީ، ދިވެހިރާއްޖޭގެ ގާނުނު ތަކާއި ގަވާއިދު ތަކާއި ރާއްޖޭގައި ހުންނަ އެސޯސިއޭޝަންތައް އެފިލިއޭޓް/ބައިވެރިވެފައިވާ ފެޑެރޭޝަންގެ ހުންނަ އުސޫލް ތަކާއި ތައާރުޒުވުންތަކެއް ހުންނަ ކަމަށެވެ.

އެހެންނަމަވެސް، ބައިނަލްއަގުވާމީ ފެޑެރޭޝަންތަކުންވެސް ބޮޑަށް ބާރު އަޅަނީ، އެގައުމެއްގައި އޮންނަ ގަަނޫނުތަކާއި ގަވާއިދުތަކަށް ފުށުނާރާ ގޮތަށް އެހެން ނަމަވެސް ބައިނަލްއަގުވާމީ ޖަމިއްޔާގެ ޗާޓަރ އާއި އެއްގޮތަށް އެސޯސިއޭޝަންތައް ފަންކްޝަން ކުރުން. އަދު އެސޯސިއޭޝަން ތަކުގެ ހިންގާ ގަވައިދުތަކާއި އުސޫލުތައްވެސް އެގޮތަށް ކުރިއަށް ދިޔުން. ބައެއް އެސޯސިއޭޝަންތަކަށް ހީވަނީ ބައިނަލްއަގުވާމީ ޖަމިއްޔާއަކާ އެފިލިއޭޓްވާ ހިސާބުން ރާއްޖޭގެ ގަނޫނާއި ގަވާއިދަށް ބަލާކަށް. އެހެން ނަމަވެސް މިހާރު އެ ޖަމިއްޔާ ތަކަށްވެސް އެނގޭނެ ފުރަތަމަ ތަބާވާންޖެހޭނީ އެގައުމެއްގެ އޮންނަ ގަނޫނޫ ތަކާއި ގަވާއިދުތަކަށް ކަން. އެއަށްފަހު އިންޓަނޭޝަނަލް ޖަމިއްޔާގެ ޗާޓަރ އާއި އެއްގޮތަށް ދެން ހުރި ކަންކަން ކުރިއަށް ގެންދާނީ

ކޮމިޝަނަރ އޮފް ސްޕޯޓްސް މުހައްމަދު ޠަލާލް

ތޮލާލް ވިދާޅުވީ އެސޯސިއޭޝަންތަކުގެ ގަވާއިދާ އެހެން ގަވާއިދު ތަކާއި ތަޢާރުޒުވުންތައް އުޅޭނަމަ، އެންމެން ގުޅިގެން މައްސަލަ ހައްލު ކުރުމުގެ މަސައްކަތް ކުރެވޭނެ ކަމަށެވެ. އަދި އެކަން މިހާރުވެސް ކުރަމުންދާ ކަމަށް ތޮލާލް ވިދާޅުވިއެވެ.