ޤައުމީ ފުޓްބޯޅަޓީމް ކިރިގިސްތާން އަދި ލުބުނާނާ ދެކޮޅަށް އެކުވެރިކަމުގެ މެޗްތަކެއް ކުޅެނީ

ދިވެހިރާއްޖޭގެ ޤައުމީ ފުޓްބޯޅަ ޓީމު ބައިނަލްއަޤްވާމީ ރަހުމަތްތެރިކަމުގެ ދެ މެޗެއް ކުޅުމަށް ހަމަޖެހިފައިވާ ކަމަށް ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން ހާމަކޮށްފިއެވެ.

ޤައުމީ ޓީމް ކުޅުމަށް ތާވަލްކޮށްފައިވާ މި އެކުވެރިކަމުގެ މެޗްތަކުގައި ނިކުންނާނީ ކިރްގިޒްސްތާން އަދި ލެބަނާންގެ ޤައުމީ ޓީމާ ދެކޮޅަށެވެ. އެފްއޭއެމް އިން މައުލޫމާތު ދިން ގޮތުގައި މި ދެ މެޗުވެސް ކުޅުމަށް ހަމަޖެހިފައިވަނީ ކިރްގިޒްސްތާނުގެ ވެރިރަށް ބިޝްކެކްގައެވެ.

ތާވަލު ކުރެވިފައިވާ ގޮތުން، ރާއްޖެ ކުޅޭ ފުރަތަމަ މެޗުގައި ސެޕްޓެމްބަރު މަހުގެ 28 ވާ ހޮނިހިރު ދުވަހު ނުކުންނާނީ ކިރްގިޒްސްތާނާ ދެކޮޅަށެވެ. އަދި ދެވަނަ މެޗުގައި އޮކްޓޫބަރު މަހުގެ 1 ވާ އަންގާރަ ދުވަހު ރާއްޖެ ބައްދަލުކުރާނީ ލެބަނާންގެ ޤައުމީ ޓީމާއެވެ.

މި މެޗުތަކަކީ ބައިނަލްއަޤްވާމީ ކުރިމަތިލުންތަކަށް ޤައުމީ ޓީމު ތައްޔާރުކުރުމަށާއި، ޓީމުގެ ފެންވަރު ވަޒަންކޮށް ކުޅުންތެރިންނަށް މުހިންމު ތަޖުރިބާތަކެއް ހޯދައިދިނުމުގެ މަޤްޞަދުގައި ކުޅޭ ދެ މެޗެވެ. ވަރުގަދަ ދެ ޓީމަކާ ދެކޮޅަށް ރަށުން ބޭރުގައި ކުޅޭ މި މެޗުތަކަށް ތައްޔާރުވުމުގެ ގޮތުން ޤައުމީ ޓީމުގެ ފަރިތަކުރުންތައް ވަރަށް އަވަހަށް ފެށުމަށް ވަނީ ހަމަޖެހިފައެވެ.