ރޯދަ މަހު އިންތިހާބު ނުބޭއްވޭގޮތަށް ގާނޫން އިސްލާހު ކުރަން ހުށަހަޅައިފި!
އިންތިހާބުތައް ރޯދަ މަހު ނުބޭއްވޭގޮތަށް، އިންތިޚާބުތަކާ ބެހޭ އާންމު ގާނޫނު އިސްލާހު ކުރަން ހުށަހަޅައިފިއެވެ.
އިހަވަންދޫ ދާއިރާގެ މެންބަރު މުހައްމަދު ޝިފާއު މި އިސްހާލު ހުށަހަޅުއްވާބފައިވާ ކަން ހާމަ ކުރައްވަމުން އެކްސްގައި ކުރެއްވި ޕޯސްޓެއްގައި ވިދާޅުވީ، ރަމަޟާންމަހަށް އިންތިހާބު ތާވަލުކުރެވޭތީ ރައްޔިތުންގެ މެދުގައިއޮތް ބޮޑު ނުތަނަވަސްކަމެއް އޮތް ކަމަށެވެ.
އަދި އޭގެ ސަބަބުން އިންތިހާބުގައި ރައްޔިތުންގެ ބައިވެރިވުން ކުޑަވެދާނެ ކަމުގެ ކަންބޮޑުވުން އޮތް ކަމަށެވެ.
އެހެންކަމުން އެކަމަށް ހައްލެއްހޯދުމަށް އިންތިހާބުތަކާބެހޭ ޢާންމު ޤާނޫނުނަށް އޭނާ އިސްލާހު ހުށަހަޅާފައިވާ ކަމަށެވެ.
އެހޮތުން ޝިފާއު ހުށަހެޅި އިސްލާހުގައި ވަނީ ގާނޫނުގައި އެހެން ގޮތަކަށް ބުނެފައި އޮތަސް ރަމަޟާން މަހުގައި އިންތިހާބެއް ބާއްވައިގެން ނުވާނެ ކަަމަށެވެ.
އަދި އިންތިހާބު އޮންނަ ދުވަސް ރަމަޟާން މަހުގެ ދުވަހަކާއި ދިމާވާނަމަ އެ އިންތިހާބެއް ބާއްވަން ވާނީ ރަމަޟާން މަސް ނިމޭތާ 10 ދުވަސް ފަހުން ކަަމަށްވެސް އެ އިސްލާހުގައި ވެއެވެ.
މިހާރު އޮތް ގޮތުން ކުރިއަށް އޮތް މަޖިލިސް އިންތިޚާބު އޮންނާނީ މާރިޗު މަހުގެ 17 ވަނަ ދުވަހެވެ. އެ ދުވަސް ދިމާވަނީ ރަމަޟާން މަހުގެ ފުރަތަމަ ހަފްތާ އަށެވެ. އެހެން ކަމުން އެކަމާއި ގިނަ އާއްމުންނާއި ސިޔާސީ ޕާޓީ ތަކުންވެސް އަންނަނީ ކަންބޮޑުވުން ފާޅުކުރަމުންނެވެ.
ނަމަވެސް، މިހާރު ގާނޫނު އޮތް ގޮތުން އެ މުއްދަތު ފަސްކުރެވެން އޮތީވެސް ރޯދަމަހުގެ ފަހު ދިހައިގެ ތެރެއަށެވެ. އެއަށްވުރެ އެ އިންތިހާބު ފަސް ކުރެވެން އޮތީ ގާނޫނަށް ބަދަލު ގެނެސްގެން ކަމަށް މީގެ ކުރިން އީސީން ވެސް ވަނީ ބުނެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
