އިންޖިނިއާސް އެވޯޑްސްގައި ލައިފް ޓައިމް އެޗީވްމަންޓް އެވޯޑް ހިދުމަތްތެރި ތިން ބޭފުޅަކަށް އަރުވައިފި
އިންޖިނިއސް އެވޯޑްސް ހަފްލާގައި ލައިފް ޓައިމް އެޗީވްމަންޓް އެވޯޑްސް ތިން ބޭފުޅަކަށް އަރުވައިފި އެވެ.
މިރޭ އޮތް އިންޖިނިއަރސް އެވޯޑްސް ހަފްލާގައި ލައިފް ޓައިމް އެޗީވްމަންޓް އެވޯޑްސް އަރުވާފައި ވަނީ ސްޓެލްކޯގެ ކުރީގެ މެެނޭޖިން ޑިރެކްޓަރު އަބްދުއް ޝަކޫރު ސާލިޙާއި ސްޓެލްކޯގެ ޗެއަރމަން ކަމާއި ސީއީއޯގެ މަޤާމު ފުރުއްވާފައިވާ އަލްމަރްޙޫމް މުޙައްމަދު ރަޝީދުގެ އިތުރުން ރާއްޖޭގެ އިންޖިނިއަރިން ދާއިރާއަށް ދިގު މުއްދަތަަކަށް ޚިދުމަތް ކޮށްދެއްވާފައިވާ އަލްމަރްހޫމް އަޙްމަދު މަޙްރީންއަށެވެ.
އެވޯޑް ހަވާލުކޮށްދެއްވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެވެ.
މި ބޭފުޅުންގެ ތެރެއިން އަބްދުއް ޝަކޫރު ސާލިޙަކީ ރާއްޖޭގެ ކަރަންޓްގެ ޚިދުމަތުގެ ދާއިރާއަށް ބައި ގަރުނެއްހާ ދުވަހު ޚިދުމަތް ކުރައްވާފައިވާ ބޭފުޅެކެވެ. މެކޭނިކަލް އިންޖިނިއަރެއްގެ ހައިސިއްޔަތުން ކަރަންޓް އުފެއްދުމާއި ފޯރުކޮށް ދިނުމުގައި ވަސީލަތްތައް ތަރައްޤީ ކުރުމުގައި މުހިންމު ދައުރެއް ވަނީ އަދާކުރައްވާފަ އެވެ.
އަލްމަރްހޫމް އަޙްމަދު މަޙްރީންއަކީ އިންޖިނިއަރިން އަދި ރާއްޖޭގެ އޭވިއޭޝަން ދާއިރާއަށް 40 އަހަރަށް ވުރެ ދިގު މުއްދަތަކަށް ޚިދުމަތް ކުރައްވާފައިވާ ބޭފުޅެކެވެ. އޭނާ ވަނީ ރީޖަނަލް އެއަރޕޯޓްސްގެ އިސް މަޤާމުތަކެއް ވަނީ ފުރުއްވާފަ އެވެ. އަދި ރާއްޖޭގައި ހިންގުނު ޢުމްރާނީ ތަރައްޤީގެ ގިނަ މަޝްރޫޢުތަކެއްގައި މުހިންމު ދައުރެއް ވަނީ އަދާކުރައްވާފަ އެވެ.
އަލްމަރްޙޫމް މުޙައްމަދު ރަޝީދު ވަނީ ރާއްޖޭޭގެ ކަރަންޓްގެ ދާއިރާގެ ކުރިއެރުމަށް ބައި ޤަރުނެއްހާ ދުވަހު ޚިދުމަތް ކުރައްވާފަ އެވެ. ސްޓެލްކޯގެ އެންމެ ޚިދުމަތްތެރި އެއް ބޭފުޅަކީ އެއީ އެވެ. އެ ކުންފުނީގެ ކާމިޔާބީގައި ވަރަށް މުހިންމު ހިއްސާއެއް އަލްމަރްޙޫމް މުޙައްމަދު ރަޝީދުގެ ވެ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
