ހުޅުމާލޭގެ ދެ ފޭސް ގުުޅުވާލަދޭ ދާލަންތަކުގެ މަސައްކަތް އެޕްރީލް މަހުގައި ނިންމަނީ

އަލަށް އާބާާދުކުރުމަށް ތައްޔާރުވަމުންދާ ހުޅުމާލޭ ފޭސް ދޭކާއި ހުޅުމާާލޭގެ ފުރަތަމަ ފޭސް ގުޅުވާލަދޭ ދާލަންތަކުގެ މަސައްކަތް މިއަހަރުގެ އެޕްރީލްމަހުގެ ތެރޭގައި ނިމޭނެކަމަށް އެޗްޑީސީން ހާމަކޮށްފިއެވެ.

ރާއްޖޭގެ އޮންލައިން ނޫހެއްކަމުގައިވާ "މިހާާރު"އަށް މައުލޫމާތު ދެއްވަމުން އެކުންފުނީގެ މެނޭޖިންގ ޑިރެކްޓަރ ސުހެއިލް އަހުމަދު ވިދާޅުވީ އެ ފަސް ބްރިޖްވެސް ހަދަމުންދަނީ ރީތި ޑިޒައިނަކަށް އިސްކަން ދީގެން ކަމަށާއި އެ ބްރިޖްތަކުގެ މަސައްކަތް އަންނަ މަހުގެ ފަހުކޮޅަށް ނުވަތަ އެޕްރީލް މަހުގެ ކުރީކޮޅަށް ނިންމުމަށް އަމާޒުކޮށްފައިވާ ކަމަށެވެ.

ސުހެއިލް ވިދާޅުވި ގޮތުގައި އެ ބްރިޖްތައް ތަރައްގީކުރަނީ އަޑިން ކޯރުދެމޭ ގޮތަށްކަމަށްވުމުން، ބްރިޖް ހެދުމަށް ހިއްކި ސަރަހައްދު ކޮނުމަށް މިހާރު ދަނީ ތައްޔާރުވަމުންނެވެ. އެ މަސައްކަތް ކުުރުމަށް ހަމަޖެހިފައިވަނީ ބްރިޖްގެ މަސައްކަތް ކުރަމުންދާ ޗައިނާ ސްޓޭޓް އިންޖިނިއަރިން އެންޑް ކޮންސްޓްރަކްޝަން ކޮމްޕެނީންނެވެ.

ހުުޅުމާލޭގެ ފުރަތަމަ ފިޔަވައްސާއި ދެވަނަ ފިޔަަވަހި ގުޅާލުމުގެ ގޮތުން ޖުމްލަ ހަތަރު ދާލަން އެޅުމަށް ވަނީ ނިންމާފައެވެ. މީގެ އިތުރުން ފަރުކޮޅުފުށީގައި ތަރައްގީކުރަމުންދާ ހެރިޓޭޖް އައިލެންޑާއި ދެވަނަ ފިޔަވަހި ގުޅުވާލުމަށްވެސް ވަކިން ދާލަމެއް އެޅުމަށް ވަނީ ހަމަޖެހިފައެވެ.

މި މަޝްރޫއު ހިންގަނީ ސައުދީ ފަންޑުން ދިން 80 މިލިޔަން ޑޮލަރުގެ ލޯނު އެހީއެއްގެ ދަށުންނެވެ.