ގޭދޮށު މަސްފެކްޓްރީގެ ގަވާއިދުތައް ފުރަތަމަ ތިން މަސްދުވަސްތެރޭގައި އިއުލާންކުރާނަން: ޒަހާ
ގޭދޮށު މަސް ފެކްޓްރީތައް ހެދުމުގެ ކުރިން އެކަމަށް ބޭނުންވާ ގަވާއިދުތަކާއި އުސޫލުތައް، މިއަހަރުގެ ފުރަތަމަ ތިން މަސްދުވަސް ތެރޭގައި އިއުލާންކުރާނެ ކަމަށް ފިޝަރީޒު މިނިސްޓަރު ޒަހާ ވަހީދު ވިދާޅުވެއްޖެއެވެ.
މިނިސްޓަރު ޒަހާ މިފަދައިން ވިދާޅުވީ، މ. އަތޮޅުގައި މަސްކިރާ ބޯޓް ފަހަރަު ނެތުމުން އެސަރަހައްދުގެ މަސްވެރިންގެ ފަރާތުން ގިނަ ޝަކުވާތަކެއް ލިބެމުންދާތީ، މަސްފެކްޓްރީގެ މަސައްކަތް މިހާރު ކުރިޔަށް ގޮސްފައިވާ ގޮތާއި ބެހޭ ގޮތުން ދިއްގަރު ދާއިރާގެ މެންބަރު އިކުރާމް ހަސަން މިއަދު އޮތް ރައްޔިތުންގެ މަޖިލީހުގައި ކުރެއްވި ސުވާލަށް ޖަވާބުދެއްވަމުންނެވެ.
މިނިސްޓަރު ޒަހާ ވިދާޅުވީ، ގޭދޮށު މަސްފެކްޓްރީ ހެދުމަށް ޕްރޮޕޯސަލް އެކުލަވައިލުމުގެ މަސައްކަތް މިހާރު ކުރަމުންދާ ކަމަށެވެ. އެކަމަށްޓަކައި ހަދަންޖެހޭ ގަވައިދުތަކާއި އުސޫލުތައް ހެދުމުގެ މަސައްކަތް މިއަހަރުގެ ފުރަތަމަ ތިން މަސްދުވަހުގެ ތެރޭގައި ނިންމައި އިއުލާން ކުރާނެ ކަމަށްވެސް މިނިސްޓަރު ޒަހާ ވިދާޅުވިއެވެ.
އޭގެއިތުރުން އައްޑޫސިޓީގެ ހަތަރު ރަށެއްގައި ގޭދޮށު މަސްފެކްޓްރީ ހެދުމުގެ މަސައްކަަަަަަތަށް ބަޖެޓް ލިބިފައިވާއިރު، އެމަސައްކަތް މިހާރު ކުރިޔަށްދާކަމަށް ވެސް ވިދާޅުވިއެވެ.
އަދި ރާއްޖޭގެ އެކި ސަރަހައްދުތަކުގައި ގޭދޮށޫ މަސްފެކްޓްރީ ހެދުމަށް ބޭނުންވާ ފައިސާ ހޯދުމުގެ މަސައްކަތްވެސް މިހާރު ކުރަމުންދާކަމަށް ޒަހާ ވިދާޅުވިއެވެ.
ސަރުކާރުގެ ފަރާތުން އިހަވަންދޫ ދާއިރާގެ މެމްބަރު މުހައްމަދު ޝިފާއު ރައްޔިތުންގެ މަޖިލީހަށް ހުށަހެޅުއްވި ގޭދޮށުމަސްފެކްޓްރީގެ ބިލު ރައްޔިތުންގެ މަޖިލީހުން ފާސްކުރީ 5 ސެޕްޓެމްބަރު 2019 ގައެވެ.
ފޮޓޯ: ސަން
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
