ތޮއްޔިބު ޝަހީމަށް ޓޫރިޒަމް މިނިސްޓްރީން ސިޔާސީ މަގާމެއް ދީފި
ސޯޝަލް މީޑިއާ އެކްޓިވިސްޓް ތޮއްޔިބު ޝަހީމަށް ޓޫރިޒަމް މިނިސްޓްރީން ސިޔާސީ މަގާމެއް ދީފިއެވެ.
ތޮއްޔިބަށް ދީފައިވަނީ ޓޫރިޒަމް މިނިސްޓްރީގެ ސީނިއާ އެގްޒެކެޓިވް ޑިރެކްޓަރުކަމެވެ.
ތޮއްޔިބަކީ ކުރީގެ ރައީސް މުހައްމަދު ނަޝީދުގެ ވެރިކަން ވެއްޓުމަށްފަހު ސޯޝަލް މީޑިއާ އެކްޓިވިސްޓެއްގެ ގޮތުގައި ވަރަށް ވަރުގައަށް ހަރަކާތްތެރިވަމުން އައި ފަރާތެކެވެ.
ކުރީގެ ސަރުކާރަށް ވަރަށް ބޮޑަށް ފާޑުކިޔަމުންދިޔަ ތޮއްޔިބަކީ ލަންކާގައި އަމިއްލައަށް އަރުވާލެވިގެން އުޅުނު މީހެކެވެ. އޭނާ ރާއްޖެއައީ ރައީސް ސޯލިހު ވެރިކަމާ ހަވާލުވެވަޑައިގެންނެވި ފަހުންނެވެ.
މި ސަރުކާރު ވެރިކަމަށް ގެނައުމަށް ސޯޝަލް މީޑިއާގައި ބުރަ މަސައްކަތްތަކެއް ކުރި ތޮއްޔިބަށް ކުރީގެ ސަރުކާރުން ބޮޑެތި ފިއްތުންތަކެއް ކުރިމަތި ކުރިއެވެ. އެގޮތުން ބިރުވެރިކަން އުފެދޭ ގޮތަށް ދޮގު މައުލޫމާތު ފަތުރަމުންދާ ކަމުގެ ތުހުމަތުގައި ތޮއްޔިބު ހައްޔަރު ކުރިއެވެ.
ތޮއްޔިބަށް ސިޔާސީ މަގާމެއް ދީފައި މިވަނީ ދައުލަތުގެ ހަރަދުތައް ކުޑަކުރުމަށް ފިނޭންސް މިނިސްޓްރީން ސަރުކާރުގެ ހުރިހާ އިދާރާތަކަށް އަންގާފައިވަނިކޮށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
