ގުޅީ ކައުންސިލްގެ ރައީސް އެމްޑީޕީއަށް ސޮއިކޮށްފި
ކ. ގުޅީ ކައުންސިލްގެ ރައީސް މޫސާ ސަފީލް ސަރުކާރު ހިންގާ މައި ޕާޓީ އެމްޑީޕީއާއި ގުޅިވަޑައިގެންފިއެވެ.
އެގޮތުން މޫސާ ސަފީލް ވަނީ އެމްޑީޕީއަށް ސޮއި ކުރައްވާ، އެމްޑީޕީގެ ޗެއާޕާސަން ފައްޔާޒް އިސްމާއިލަށް ފޯމް ހަވާލުކުރައްވާފައެވެ.
ގުޅި ހިމެނޭ ގުރައިދޫ ދާއިރާގެ މަޖިލިސް ބައި-އިލެކްޝަން ކެމްޕޭނަށް ރައީސް ޞާލިހު ވަނީ މިއަދު އެރަށަށް ވަޑައިގެންފައެވެ. އަދި އެ ރަށުގައި ބޭއްވުނު ޖަލްސާގައި ވާހަކަފުޅު ދައްކަވަމުން ރައީސް ވަނީ ސަފީލްއަކީ ގުޅިއަށް ބޭނުންވާ ތަރައްގީ ގެނައުމުގައި އިސްދައުރެއް އަދާ ކުރައްވާނެ ބޭފުޅެއްގެ ގޮތުގައި ސިފަކުރައްވާފައެވެ.
މިކަމާއި ގުޅިގެން ސަފީލް ވިދާޅުވެފައިވަނީ އޭނާ މިއަދު އެމްޑީޕީއަށް ސޮއިކުރެއްވީ ވޭތުވެދިޔަ ސަރުކާރުތަކުން ގުޅި ބާކީ ކޮށްލާފައި އޮތް އޮތުން މިއަދުގެ ސަރުކާރުން ނިމުމަކަށް ގެންނަވާ، ރަށުގެ ތަރައްޤީއަށް ބޭނުންވާ އެންމެހާ ކަންކަން އެންމެ ފުރިހަމަ ގޮތުގައި ކޮށްދެއްވަމުން ގެންދަވާކަން ހިތުގެ އަޑިން ޤަބޫލުކުރެވޭތީ ކަމަށެވެ.
މިއާއިއެކު އެމްޑީޕީއަށް ސޮއިކުރެއްވީ މިހާރު ކުރިޔަށްދާ ކަންކަމާ ކުރިޔަށް ގެންދެވެންހުރި އެންމެހާ ކަންކަން ކުރިޔަށް ގެންދިއުމުގައި ސަރުކާރަށް އިތުބާރާއި ޔަޤީންކަން ދިނުމުގެ ގޮތުން ކަމަށްވެސް ސަފީލް ވިދާޅުވެފައިވެއެވެ.
އަދި މިކަންވާނީ މިއަދުގެ ސަރުކާރާއި އެކު އެންމެން ތިބެގެން އަދި ވަކިން ހާއްސަކޮށް އެމްޑީޕީގެ ކެންޑިޑޭޓް އިބްރާހީމް ޝާޒް ކުރިޔަށް އޮތް ރައްޔިތުންގެ މަޖިލީހުގެ ބައި އިލެކްޝަންގައި ހޮވައިގެން ކަމަށް ސަފީލް ވިދާޅުވިއެވެ.
ގުޅީ ކައުންސިލަށް އަމިއްލަގޮތުން ވާދަކުރައްވައިގެން އިންތިހާބުވެވަޑައިގެންނެވި ސަފީލްގެ އިތުރުން ގުޅީގެ ބައެއް ރައްޔިތުންވެސް ވަނީ މިއަދު އެމްޑީޕީއާއި ގުޅިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
