ރައީސް އިބްރާހިމް މުޙައްމަދު ޞާލިހު/ ފޮޓޯ: ވޮއިސް
ރައީސް އިބްރާހިމް މުޙައްމަދު ޞާލިހު/ ފޮޓޯ: ވޮއިސް
ހަބަރު 10 Aug 2023 | 14:52

ކޮނޑޭގެ ބަނދަރު ބޮޑުކޮށްދޭނަން، ހައުސިން ޔުނިޓުތައް އަޅާނަން: ރައީސް ޞާލިހު

އެމްޑީޕީގެ ރިޔާސީ ކެންޑިޑޭޓު ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހަށް ވެރިކަމުގެ ދެވަނަ ދައުރެއް ލިބިވަޑައިގެންފި ނަމަ ގއ ކޮނޑޭއަށް ކޮށްދެއްވާނެ ކަންކަން ހާމަކުރައްވައިފި އެވެ.

ރައީސް ޞާލިހު ގއ އަތޮޅަށް ކުރައްވާ އެމަނިކުފާނުގެ ކެމްޕޭނު ދަތުރުފުޅުގައި އެ އަތޮޅު ކޮނޑޭއަށް ވަޑައިގެން ވަނީ އެމްޑީޕީގެ ސިޔާސަތުތަކާއި އެމްޑީޕީ މެނިފެސްޓޯގައި ހުރި ރައްޔިތުންނާއި ގުޅުންހުރި ބައެއް ކަންކަން ހިއްސާކުރައްވާފަ އެވެ.

އެމަނިކުފާނު ވިދާޅުވީ ކޮނޑޭއަކީ ލޯކަލް ޓުއަރިޒަމް ފުޅާކުރެވިދާނެ ރަށެއްކަމަށް ދެކިވަޑައިގަންނަވާ ކަމަށެވެ. އަދި އެ ފަދަ މަސައްކަތްތައް ކުރުމަށް އެމްޑީޕީގެ 2023 ވަނަ އަހަރުގެ މެނިފެސްޓޯގައި ލޯނު ސްކީމު ހިމަނާފައިވާނެ ކަމަށާއި، ކޮނޑޭގެ ރައްޔިތުންނަށް ވެސް އެ ސްކީމުގެ ތެރެއިން ވިޔަފާރިތައް ފުޅާކުރުމުގެ ފުރުސަތު އޮންނާނެކަމަސް ރައީސް ވިދާޅުވި އެވެ.

ރައީސް ޞާލިހު ގއ ގެ ރަށްތަކަށް ދަތުރުކުރައްވަމުން ގެންދަވާއިރު، މިއަދަކީ މޫސުން ގޯސް ދުވަހެއްކަމަށް ވުމުން، އެމްޑީޕީގެ ސިޔާސަތުތަކުގެ ވާހަކަ ތަފްސީލުކޮށްދެއްވޭ ގޮތެއް ނުވިއެވެ.

އެހެން ނަމަވެސް ވަރަށް ކުރުކޮށް އެމަނިކުފާނު ވަނީ ވެރިކަމުގެ ދެވަނަ ދައުރެއްގައި ކޮނޑޭއަށް ކޮށްދެއްވަން ގަސްދުކުރައްވާ ކަންކަން ހާމަކުރައްވާފަ އެވެ.

އެގޮތުން އެންމެ މުހިންމު ކަމެއްގެ ގޮތުގައި ފާހަގަކުރީ ކޮނޑޭގެ ބަނދަރު ބޮޑުކުރުމާއި، ރަށަށް ދިމާވެފައިވާ ބޯހިޔާވަހިކަމުގެ މައްސަލަ ޙައްލުކުރުމަށް ރަށުގައި ހައުސިން ޔުނިޓުތަކެއް އަޅުއްވާނެކަމުގެ ވައުދުފުޅެވެ.

"ކޮނޑޭގެ ބަނދަރު ބޮޑުކޮށްދީ ފަސޭހައިން ލަފާ ފުރޭގޮތަށް މި ބަނދަރު އިރާދަކުރެއްވިޔާ ކުރިއަށް އޮތް ދައުރުތެރޭގައި ހަދާދޭނަން. އަދި ރަށުގެ ރައްޔިތުންނަށް ބޭނުންވެފައިވާ ބޯހިޔާވަހިކަން ޙައްލެއް ހޯދައިދިނުމަށްޓަކައި ރަށުގައި ހައުސިން ޔުނިޓު އަޅުގަނޑުމެން ގާއިމްކޮށްދޭނަން"

ރައީސް ޞާލިހު

ރައީސް ޞާލިހު އިތުރަށް ވިދާޅުވީ ކޮނޑޭގެ ޒުވާނުން އެންމެ ބޮޑަށް ބޭނުންވާ ކަމަކީ ރަށުގައި ފުޓުބޯޅަ ދަނޑެއް އެޅުންކަމަށް ވާއިރު، އެކަން ޔަގީނުން ވެސް ދެވަނަ ދައުރެއްގައި ކޮށްދެއްވާނެ ކަމަށެވެ.

ރައީސް ޞާލިހު ވިދާޅުވީ ކޮނޑޭގެ ރައްޔިތުންގެ ތާއީދު މި ސަރުކާރަށް އޮތްކަން އެމަނިކުފާނު ޔަގީންކުރައްވާ ކަމަށެވެ. އަދި އެ އިތުބާރާއި ޔަގީންކަމާއި އެކުގައި 9 ސެޕްޓެމްބަރުގައި ނަގާ ވޯޓު އެމްޑީޕީއަށް ދެއްވުމަށް ރައީސް ޞާލިހު ވަނީ ރައްޔިތުންގެ ކިބައިން އެދިވަޑައިގެންފަ އެވެ.

އުފާވެރި އަމާން ރާއްޖެއެއް ހޯދުމަށް ރައީސް ޞާލިހު ފެއްޓެވި ދަތުރުފުޅުގައި ކޮނޑޭގެ ރައްޔިތުންގެ ވޯޓު ވެސް ވަރަށް މުހިންމު ކަމަށާއި، ދެވަނަ ދައުރެއް ބޭނުންފުޅުވަނީ ކޮނޑޭގެ ރައްޔިތުންގެ ވެސް މެޖޯރިޓީއާއި އެކުގައި ކަމަށް ރައީސް ޞާލިހުގެ ވާހަކަފުޅުގައި ވަނީ ފާހަގަކުރައްވާފަ އެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ހަމައެކަނި ވެރިން ކޮޓަރި ކޮޓަރީގަ ތިއްބަވައިގެން ނިންމަވާ ކަންކަން ކުރިޔަށް ނުގެންދެވޭނޭކަން މި ދަނީ ފެންނަމުން: ރައީސް ނަޝީދު
21 Nov 2026 ހަބަރު

ހަމައެކަނި ވެރިން ކޮޓަރި ކޮޓަރީގަ ތިއްބަވައިގެން ނިންމަވާ ކަންކަން ކުރިޔަށް ނުގެންދެވޭނޭކަން މި ދަނީ ފެންނަމުން: ރައީސް ނަޝީދު

ރައީސް ނަޝީދު ވިދާޅުވި ގޮތުގައި އެންމެ ބޮޑު އެއް ކަންބޮޑުވުމަކީ ފުށިދިއްގަރުފަޅުގައި ސަރުކާރުން ހިންގަން ރާވާފައިވާ މަޝްރޫޢާ ގުޅޭގޮތުން ރައްޔިތުންނަށް އެއްވެސް މައުލޫމާތެއް ނުލިބި، އެކަން ދެފުށް ނުފެންނަ ގޮތަށް ހިނގަމުންދިއުމެވެ