ވަޒީފާއެއް ނެތް ރައްޔިތަކު ނެތް މިންވަރަށް ވަޒީފާތައް ގާއިމްކޮށްދޭނަން : ޑރ މުއިއްޒު

އެބޭފުޅާގެ ވެރިކަމެއްގައި ރައީސް ޔާމީނު ދަސްކޮށްދެއްވި ފިލާވަޅުގެ ދަށުން ވަޒީފާނެތް ރައްޔިތަކު ނެތް މިންވަރަށް، ޒުވާނުންނާއި އެކި އުމުރުގެ ރައްޔިތުންނަށް ވަޒީފާ ފޯރުކޮށްދޭނެ ކަމުގައި ޕީޕީއެމް/ޕީއެންސީގެ ރިޔާސީ ކެނޑިޑޭޓް ޑރ މުޙައްމަދު މުޢިއްޒު ވިދާޅުވެއެވެ.

ޕީޕީއެމްގެ "ދިވެހީންގެ ޖަގަހަ" ޖަލްސާ އަލިމަސް ކާނިވަލުގައި ހުޅުވުމަށް ބޭއްވި ރަސްމިޔާތުގައި ވާހަކަ ދައްކަވަމުން ޑރ މުޙައްމަދު މުޢިއްޒު ވިދާޅުވީ ރައްޔިތުން އެ މަނިކުފާނަށް އިތުބާރު ކުރެއްވުމަށާއި، ނަތީޖާ ނެރުމަށް ރައްޔިތުންނަށް ލިބިފައިވާ ބާރުން، ގައުމަށް ދިމާވެފައިވާ ބޮޑެތި މައްސަލަތައް ހައްކުކުރުމުގެ ފުރުސަތު އެ ބޭފުޅާއަށް ދެއްވުމަށެވެ.

މީގެ އިތުރުން މުއިއްޒު ވިދާޅުވީ، ޒުވާނުންނަނީ ގައުމުގެ މުސްތަޤްބަލުކަމަށާއި، އެހެންކަމުން މި ފަހަރު އެ މަނިކުފާނުގެ ރަނިންގްމޭޓެއްގެ ގޮތުގައި ހުންނެވި ހަސަން މުހައްމަދު ލަތީފް ރައީސް ޔާމީން ކަނޑައޭޅުއްވީ އެ ބޭފުޅާއަކި ޢިލްމީ އަދި ގާބިލް ބޭފުޅެއްކަން އެނގިވަޑައިގެން ކަމަށެވެ.

މީގެ އިތުރުންވެސް މުއިއްޒުގެ ވާހަކަ ފުޅުގައި ވިދާޅުވީ ގެދޮރުވެރިކަމަކީ އެންމެ އަސާސި އެންމެ ހައްގުކަމަށެވެ. އެޔާއެކު މުއިއްޒު ވިދާޅުވީ، މި ސަރުކާރުން ދުކުރަމުން ގެންދާ ގިނަ ފްލެޓްތަކަކީ ވުޖޫދުގައި ނެތް ފްލެޓްތަކެއް ކަމުގައެވެ.

އަދި ކޮންމެ ސަރުކާރަކުން ނަމަވެސް ދިވެހި ރައްޔިތުންނަށް އުންމީދެއް ދެވިފައިކަމަށާއި، އެ ބޭފުޅާ ދެކިވަޑައިގަންނަވާ ގޮތުގައި އެ ހައްގުން އެއްވެސް މީހަކު މަހުރޫމް ވެގެން ނުވާނެކަމުގައި މުއިއްޒުވަނީ ވިދާޅުވެފައެވެ.

އަޅުގަނޑު ދަންނަވާލަން ބޭނުންވަނީ، ހުޅުމާލޭ ދެވަނަ ފިޔަވައްސާއި، ގުޅީފަޅާއި، ގިރާވަރު ފަޅާއި، ފުށިދިއްގަރު ފަޅާ މިއި މި ސަރަހައްދުގައި މާލޭގައި ދިރިއުޅޭ ހުރިހާ ރައްޔިތުންގެ ގެދޮރުވެރިކަމަށް ހައްލު ގެނެސްދޭ ތަންތަނަށް ވާނެ

ޑރ މުއިއްޒު ވިދާޅުވިއެވެ.

ޑރ މުއިއްޒު އިތުރަށް ވިދާޅުވީ، އެ ބޭފުޅުން ވަކި ޖަލްސާއަކުން ގެދޮރުވެރިކަމާއި ބެހޭ މައުލޫމާތު ދެއްވާނެކަމަށާއި އެ ޖަލްސާއިން ގޯތިތަކުގެ އަކަ ފޫޓަށް ދަންދެން ތަފްސީލު ހާމަކުރައްވާނެކަމުގައެވެ.

މީގެ އިތުރުން ޑރ މުއިއްޒުވަނީ، އެ ބޭފުޅުންގެ ވެރިކަމުގައި ހުރިހާ ރައްޔިތުންގެ ގެދޮރުވެރިމުގެ މައްސަލައަށް އެއްކޮށް ހައްލެއް ހޯދަވައިދެއްވާނެކަމުގައެވެ.

ޕީޕީއެމްގެ ރިޔާސީ ކެންޑިޑޭޓް ކުރީގެ ރައީސް އަބްދުالله ޔާމީނަށް ރިޔާސީ އިންތިހާބުގައި ވާދަކުރުމުގެ ފުރުސަތު ގެއްލުމުން ޕީއެންސީގެ ކެންޑިޑޭޓެއްގެ ގޮތުގައި މުއިއްޒު ނިކުންނަވާ ކެމްޕޭން މިހާރު ވަނީ ފަށައިފައެވެ.