މޮރޮކޯ ބިންހެލުން: އެހީވުމުގެ ފުރުސަތު އައިއޭސީ އިން ހުޅުވާލައިފި

ހޮނިހިރު ދުވަހު މޮރޮކޯއަށް އައި ބާރުގަދަ ބިންހެލުމާއި ގުޅިގެން ހާލުގައި ޖެހި އެހީތެރިކަމަށް ބޭނުންވެފައި ތިބި ފަރާތްތަކަށް އެހީ ފޯރު ކޮށްދިނުމަށް އިންޓަރނޭޝަނަލް އެއިޑް ކެމްޕޭނުން އެމަޖެންސީ ފަންޑެއް ހުޅުވައިފިއެވެ.

އައިއޭސީ އިން ބުނެފައިވަނީ މޮރޮކޯއަށް ދިމާވެފައިވާ ހިތާމަވެރި ބިންހެލުމުގެ ހާދިސާގައި ހާލުގައި ޖެހިފައިވާ އާއިލާތަކަށް އެހީވުމަށް ދިވެހިންނަށް ފުރުސަތު ހުޅުވާލާކަމަށެވެ.

އައިއޭސީ އިން ބުނީ މަރުވި މީހުންގެ ޢަދަދު އިތުރުވެ، ޒަހަމްވި މީހުންގެ އަދަދުތައް ވެސް ދަނީ އިތުރުވަމުން ކަމަށާއި، މި ވަގުތަކީ ކުއްލި އެހީ ފޯރުކޮށްދިނުމުގެ ވަގުތުކަމަށެވެ.

މި ބިންހެލުން ތަކުގައި މަރުވި މީހުންގެ ޢަދަދު 2000 މައްޗަށް އަރައިފައިވާއިރު 2000 އަށްވުރެ ގިނަ މީހުން ވަނީ ޒަޚަމްވެފައެވެ. އަދި އޭގެ ތެރެއިން 1500 މީހުންގެ ޚާލު ސީރިއަސް ކަމަށް އައިއެސީ އިން ބުނެފައިވެއެވެ.

އައިސީއިން ބުނެފައިވަނީ ޢަދަދުތައް ދަނީ މައްޗަށް ކަމަށާއި ހާލުގައި ޖެހުނު މީހުން ދަނީ އެހެން ސަރަހައްދުތަކަށް ބަދަލު ކުރަމުން ކަމަށެވެ.

ހާލުގައި ޖެހުނު އާއިލާތަކަށް އެހީވުމަށް ތިރީގައިވާ އެކައުންޓް ޚިޔާރު ކުރައްވާ:

ބީއެމްއެލް އިސްލާމިކް

އެކައުންޓް ނަމްބަރު: 7770000062741

އެކައުންޓް ނަން: International Aid Campaign

އެކައުންޓް ލޭބަލް: IAC | EMERGENCY

.