ތެލެސީމިއާ ކުއްޖެއްގެ ލޭ އަޅަނީ--ފޮޓޯ/ސަން
ތެލެސީމިއާ ކުއްޖެއްގެ ލޭ އަޅަނީ--ފޮޓޯ/ސަން
ހަބަރު 10 Dec 2023 | 18:16

ބޯން މެރޯ ޓްރާންސްޕްލާންޓް ވެސް ހެދޭ، ތެލެސީލިއާއަށް ޚާއްސަ ހޮސްޕިޓަލެއް ގާއިމް ކުރަނީ!

ތެލެސީލިއާއަށް ފަރުވާ ދޭ ޚާއްސަ ހޮސްޕިޓަލެއް ދިވެހިރާއްޖޭގައި ގާއިމްކުރުމަށް ވަޒީރުންގެ މަޖިލީހުން ނިންމަވައިފިއެވެ.

މިއަދު ވަޒީރުންގެ މަޖިލީހުން ނިންމަވާފައިވާ ނިންމެވުންތަކާއި ގުޅޭ ގޮތުން ނޫސްވެރިންނަށް މަޢުލޫމާތު ދެއްވަމުން ރައީސުލްޖުމްހޫރިއްޔާގެ އޮފީހުގެ އަންޑަރ ސެކްރެޓަރީ ފޮރ ޕަބްލިކް ޕޮލިސީ މުޙައްމަދު ފިރުޒުލް އަބްދުالله ޚަލީލް ވިދާޅުވީ، ތެލެސީމިއާ ބަލި ތަހަންމަލްކުރަމުންދާ ފަރާތްތަކަށް، އެ ކަމަށް ފަރުވާ ހޯދުމާއި، އަދި ބޯން މެރޯ ޓްރާންސްޕްލާންޓް ހެދުމަށް ބޭނުންވާ ފަރާތްތަކަށް އެކަން ވެސް ކުރެވޭނެ މަގު ފަހި ކޮށްދިނުމަށް މިއަދުގެ ވަޒީރުންގެ މަޖިލީހުން މުހިންމު ނިންމުން ތަކެއް ނިންމަވާފައިވާ ކަމަށެވެ.

އެގޮތުން ނިންމެވި އެންމެ މުހިންމު އެއް ނިންމެވުމަކީ، ތެލަސީމިއާ އާއި ގުޅުން ހުރި ހުރިހާ ކަމަށް ފަރުވާ ކުރެވޭނެ އެކަމަށް ޚާއްސަ ހޮސްޕިޓަލެއް ރާއްޖޭގައި ގާއިމް ކުރުމެވެ.

އަދި މިހޮސްޕިޓަލް ތަރައްޤީކުރެއްވުމަށް ނިންމަވާފައިވަނީ ބޯން މެރޯ ޓްރާންސްޕްލާންޓު އޮޕަރޭޝަންވެސް ކުރެވޭނެ ފެންވަރަށް ކަަމަށާ، އަދި ތެލަސީމިއާ އަށް ފަރުވާ ކުރަން ރާއްޖޭގެ ރަށްރަށުން އަންނަ ފަރާތްތަކަށް އެތަނުގައި ހުރެވޭނެ އިންތިޒާމްވެސް ހަމަޖެހޭ ގޮތަށް ކަމަށް ފިރުޒުލް ވިދާޅުވި އެވެ.

ތެލެސީމިއާ ބައްޔަށް ބޭނުންވާ ފުރިހަމަ ފަރުވާ ފޯރުކޮށްދެވޭނެ، ވަށާޖެހޭ ޚިދުމަތްތައް ފޯރުކޮށްދެވޭނެ ޚާއްސަ ހޮސްޕިޓަލެއް ގާއިމް ކުރުމަށް (ނިންމާފައިވޭ) މި ހޮސްޕިޓަލުގެ ތެރެއިން ބޯން މެރޯ ހެދުމުގެ ޚިދުމަތްތައް، އޭގެ ކުރިއަށް ފޯރުކޮށްދޭންޖެހޭ ޚިދުމަތް ތަކާއި، އަދި އޭގެ ފަހަށް ފޯރުކޮށްދޭންޖެހޭ ޚިދުމަތްތައް ގާއިމް ކުރުމަށް ނިންމާފައިވޭ. އަދި ހަމަ އެހެންމެ، އެ ޚިދުމަތް ހޯދުމަށް، ރާއްޖޭގެ އެކި ކަންކޮޅުތަކުން މާލެއަށް އަންނަންޖެހޭ ފަރާތްތަކަށް އެ އިންފްރާސްޓްރަކްޗަރ ގެ ތެރޭގައި ހުރުމުގެ އިންތިޒާމް ހަމަޖެހޭ ގޮތަށް ހޮސްޕިޓާ ފަރުވާ ކުރުމަށް ނިންމާފައިވަނީ.

މުޙައްމަދު ފިރުޒުލް އަބްދުالله ޚަލީލް

ފިރުޒުލް އިތުރަށް ވިދާޅުވީ، ތެލަސީމިއާ ހޮސްޕިޓަލް އެޅުމުގެ ޚަރަދާ ގުޅޭ ގޮތުން މަޝްވަރާކޮށްފައިވަނީ 25 މިލިއަން ޑޮލަރުގެ ބަޖެޓަކާއެކު ކުރިއަށްދާން ކަމަށާއި އެ ބަޖެޓު ހަމަޖެއްސުމުގެ މަސައްކަތް ކުރިއަށް އޮތް ދުވަސްތަކުގައި ކުރިއަށްދާނެ ކަމަށެވެ.
އެ ހޮސްޕިޓަލް އަޅާނީ މާލެ ސަރަހައްދުގައި ކަމަށާއި ނަމަވެސް ހޮސްޕިޓަލް އަޅާނެ ވަކި ތަނެއް މިހާތަނަށް ނިންމާފައިނުވާ ކަމަށް އޭނާ ވިދާޅުވިއެވެ.

މީގެ އިތުރުން ވެސް މިއަދުގެ ވަޒީރުންގެ މަޖިލީހުގެ ބައްދަލުވުމުގައި ވަނީ ތެލެސީމިއާ ބައްޔަށް ފަރުވާ ކުރާ ފަރާތްތަކަށާ ތެލެސީމިއާ އަށް ޓެސްޓު ކުރުމަށް ކުރަންޖެހޭ ކަންކަމަށް ގިނަ ލުއި ތަކެއް ހޯދައި ދެއްވުމަށް ނިންމާފައެވެ.

އެގޮތުން ނިންމި ނިންމުން ތަކަކީ؛

• ތެލެސީމިއާ ބައްޔަށް ފަރުވާ ހޯދާ ފަރާތްތަކަށް ބޭނުންވާ ބޭހާއި ކޮންސިޔުމަބަލްސް އާސަންދައިގެ ދަށުން އެސްޓީއޯއިން ހިލޭ ލިބޭނެ އިންތިޒާމް ހަމަޖެއްސުން.

• ޑީއެންއޭ ޓެސްޓު ހަދަން ކުރަންޖެހޭ ޚަރަދު އާސަންދައިން ހަމަޖެއްސުން. އަދި ސަރުކާރުގެ ރަސްމީ ނިޒާމުގެ ތެރެއިން ޑީއެންއޭ ޓެސްޓު ހެދޭނެގޮތް ހަމަޖެއްސުން

• އަތޮޅު ތެރޭގައި ތެލެސީމިއާ ޓެސްޓް ހެދޭނެ އިތުރު މަގުތައް ފަހިކޮށްދިނުން

• ޓާޝިއަރީ ހޮސްޕިޓަލް ތަކުގައި ބްލަޑް ބޭންކް ގާއިމް ކުރުން

• 20 އަހަރުގެ ޕްލޭން އެކުލަވާލާއިރު، ތެލެސީމިއާ އަށް ހޭލުންތެރިކޮށް، ރާއްޖެއިން ތެލެސީމިއާ ބަލި ނައްތާލުމަށް މަސައްކަތްކުރުން

• ތެލެސީމިއާ ބައްޔަށް ފަރުވާ ކުރާ ފަރާތް ތަކުގެ ހަށިގަނޑުގެ އެކި ގުނަވަންތަކުގައި އަޔަން މާއްދާ ހަރުލާފައިވާ މިންވަރު ދެނެގަތުމަށް ހަދާ ޓެސްޓު، އާސަންދައިގެ ތެރެއިން، އިތުރު އެހެން އެއްވެސް މަރުހަލާއަކާއި ނުލައި ފަސޭހައިން ހެދޭގޮތް ހަމަޖެއްސުން

• އަންނަ އަހަރު ދައުލަތުގެ ބަޖެޓުގައި 5 ކުއްްޖަކަށް ބޯންމެރޯ ޓްރާންސްޕްލާންޓް ހަދައިދިނުން. އަދި އެ ޚިދުމަތަށް އެދިފައި ތިބި ހުރިހާ ކުދިންނަށްވެސް ކުރިއަށް އޮތް ތަނުގައި އެ މަގު ފަހި ކޮށްދިނުން

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ދުންފަތް ކޮންޓްރޯލް ކުރުމާއި ޑިޖިޓަލް ރައްކާތެރިކަމުގެ ފިޔަވަޅުތަކަކީ ކުޑަކުދިންގެ ޙައްޤުގައި އެޅި މުހިންމު ފިޔަވަޅުތަކެއް: ރައީސް މުޢިއްޒު
20 Nov 2026 ހަބަރު

ދުންފަތް ކޮންޓްރޯލް ކުރުމާއި ޑިޖިޓަލް ރައްކާތެރިކަމުގެ ފިޔަވަޅުތަކަކީ ކުޑަކުދިންގެ ޙައްޤުގައި އެޅި މުހިންމު ފިޔަވަޅުތަކެއް: ރައީސް މުޢިއްޒު

ދުންފަތް ކޮންޓްރޯލް ކުރުމަށް ސަރުކާރުން ގެންނަ އިޞްލާޙުތަކާއި، ޑިޖިޓަލް ދުނިޔޭގައި ކުދިންގެ ރައްކާތެރިކަން ކަށަވަރުކުރުމަށް އަޅަމުންދާ ފިޔަވަޅުތަކަކީ، ކުޑަކުދިންގެ ދުޅަހެޔޮކަމަށް ކުރިމަތިވާ އާ ގޮންޖެހުންތަކުން އެކުދިން ސަލާމަތްކުރުމަށް ސަރުކާރުން ދޭ އަހައްމިއްޔަތުކަން ހާމަކޮށްދޭ ކަމެއް ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.