ސްޓެލްކޯގެ މުވައްޒަފުންނަށް އަގުހެޔޮކޮށް ސޯލާާ ޕެނަލް ލިބޭނެ ސްކީމެއް ތައާރަފްކޮށްފި

ސްޓޭޓް އިލެކްޓްރިކް ކޮމްޕެނީ (ސްޓެލްކޯ)ގައި މަސައްކަތް ކުރާ މުވައްޒަފުންނަށް އަގުހެޔޮކޮށް ސޯލަރ ޕެނަލް ގަނެވޭނެ އުސޫލެއް އެކުންފުނިން ތައާރަފްކޮށްފިއެވެ.

މި އުސޫލު ތައާރަފްކޮށްދެއްވީ އެކުންފުނީގެ މައި އޮފީހުގައި ބޭއްވި ރަސްމިއްޔާާތެއްގައި ކުންފުނީގެ މެނޭޖިންގ ޑިރެކްޓަރ ހަސަން މުޣުނީއެވެ.

މުޣުނީ ވިދާޅުވީ ސްޓެލްކޯގެ ގްރީން ލައިފް އިނީޝިއޭޓިވްގެ ދަށުން މި ސްކީމް ތަޢާރަފުކޮށް ސޯލާ ޕެނަލް ދޫކުރުމަށް ނިންމީ ކަރަންޓު އުފެއްދުމަށް ކުރާ ހޭދަ ކުޑަކޮށް ބިލުތައް ކުޑަކުރުމުގެ މަގުސަދުގައި ކަމަށެވެ.

ސްޓެލްކޯއިން ވިއްކާ ސޯލާ ޕެނަލްގެ އަގަކީ 30000 ރުފިޔާއެވެ. އިންސްޓޯލްމަންޓް އުސޫލުން މި ސްކީމުގައި ސޯލާ ޕެނަލް ގަނެވޭއިރު 3 ޕެކޭޖެއް މި ސްކީމުގައި ހިމެނެއެވެ. އެގޮތުން 3 އަހަރުގެ މުއްދަތަކަށް ބަހާލައިގެން ދެއްކޭގޮތަށް ހަމަޖައްސާފައިވާ ޕެކޭޖުގައި މަހެއްގެ މައްޗަށް އަށްސަތޭކަ އަށްޑިހަ އެއް ރުފިޔާ ދައްކަން ޖެހެއެވެ. 5 އަހަރުގެ މުއްދަތަށް ބަހާލައިގެން ފައިސާ ދެއްކޭ ގޮތަށް ހަމަޖައްސާފައިވާ ޕެކޭޖުގައި ކޮންމެ މަހަކު ހަސަތޭކަ އަތަރު ރުފިޔާ ދައްކަންޖެހެއެވެ.

އަދި 7 އަހަރު ދުވަހަށް ހަމަޖައްސާފައިވާ ޕެކޭޖުގައި މަހަކު ހަތަރު ސަތޭކަ އަށްޑިހަ ފަސް ރުފިޔާ ދައްކަންޖެހޭކަމަށް ސްޓެލްކޯއިން މައުލޫމާތުދެއެވެ.

އަދި މިއިން ކޮންމެ ޕެކޭޖެއް ނަގާއިރުވެސް ޑައުންޕޭމަންޓެއްގެ ގޮތުގައި 5000 ރުފިޔާ ދައްކަން ޖެހެއެވެ.

މި ސްކީމް އަދި ގްރޭޓާ މާާލޭ ސަރަހައްދުގައި މަސައްކަތްކުރާ ސްޓެލްކޯގެ މުވައްޒަފުންނަށް ތައާރަފްކުރިކަމުގައިވިޔަސް، ކުރިއަށް އޮތް މަހެއްހާ ދުވަސްތެރޭގައި ސްޓެލްކޯގެ ޚިދުމަތްދޭ ހުރިހާ ރަށެއްގެ މުވައްޒަފުންނަށްވެސް މިސްކީމުގެ ދަށުން ސޯލާ ޕެނަލް ގަނެވޭނެއެވެ.