ކެބްއެމްވީއަށް އެއް އަހަރު: ގޮންޖެހުންތަކާއި އެކުވެސް ކުރިއަށް ދުއްވަނީ

މާލޭގައި ދިރިއުޅެމުންދާ ފަރާތްތަކުން އަބަދުވެސް ކުރަމުންދާ އެއް ޝަަކުވާއަކީ ދަތުރުފަތުރު ކުރުމުގެ ނިޒާމުގެ ދަތިކަމެވެ. ޚާއްސަކޮށް ގަޑިއަށް ދުރުތަނަކަށް ދާން ބޭނުންވެއްޖެނަމަ ޓެކްސީއެއް ނުލިބޭ މައްސަލައަކީ ގިނަބަޔަކު ފާހަގަކުރާ ކަމެކެވެ. އަދި ޓެކްސީއެއް ލިބުނަސް، ޑްރައިވަރުންގެ މަސައްކަތުގެ ފެންވަރާއި މެދު ހިތްހަމަނުޖެހޭ ވާހަކަތަކަކީ އަޅުގަނޑުމެން އަބަދުވެސް އަހާ ވާހަކައެކެވެ.

ގްރޭޓާ މާާލޭ ސަރަހައްދުގައި ދިރިއުޅޭ ފަރާތްތަކުން މިފަދަ ޝަކުވާތަކެއް ކުރަމުންދަނިކޮށް، އެ ޝަކުވާތަކަށް ހައްލު ގެނެސްދިނީ ކެބްއެމްވީ ޓެކްސީ ޚިދުމަތުންނެވެ. މާލޭ ސަރަހައްދުގައި ޓެކްސީ ކުރުމަކީ އާދައިގެ ކަމެއްގެ ގޮތުގައި އޮއްވާ، ޓެކްނޮލޮޖީގެ ވަސީލަތްތަކާއި ޓެކްސީތައް ގުުޅުވާލީ މި ކުންފުނިންނެވެ.

ފަހިކެބް ނަމަކަށް ކިޔާ މޯބައިލް އެޕްލިކޭޝަނަކުންނާއި ފޯނުގެ ޒަރިއްޔާއިން ކެބްއެމްވީގެ ޚިދުމަތަށް ދުވާލަކު އެތައް ސަތޭކަ ބަޔަކު އެދެމުންދާއިރު އެކުންފުންޏަށް މިވަނީ އެއްއަހަރު ފުރިގެން ގޮސްފައެވެ. ފާހަގަކޮށްލެވޭ ގޮތުގައި އަމިއްލަ ކާރުތަކުގައި ޓެކްސީ ކުރުމަކީ މީގެ ކުރިން ރާއްޖޭގައި ކޮށްފައިނުވާ ކަމެކެވެ. އަދި އެކަމަކީ ނުވާނެ ކަމެއްކަމަށް ގިނަބަޔަކު ދިޔައީ ދެކެމުންނެވެ.

ނަަމަވެސް އެ ހުރަސްތައް ގިރާކުރުމަށްފަހު ކެބްއެމްވީ ވެފައިވަނީ ރާއްޖޭގައި އެންމެ ފުރަތަމަ ޕްރައިވެޓް ހަޔަރ ނުވަތަ އަމިއްލަ ފަރާތްތަކުގެ ކާރުގައި ޓެކްސީ ކުރުމުގެ ޚިދުމަތް ފޯރުކޮށްދޭ ފަރާތަށް ވެގެންގޮސްފައެވެ.

މިއަދު އެކުންފުންޏަކީ ރާއްޖޭގެ އެހެނިހެން ޓެކްސީ ސެންޓަރުތަކާއި އަޅާބަލާއިރު މާކުރީގައި އޮތް މަގުބޫލު ކުންފުންޏެކެވެ. ކުންފުނީގެ ޚިދުމަތަށް އެއް އަހަރު ވެގެން ގޮސްފައިވާއިރު، މާލެ ސިޓީގެ އިތުރުން އައްޑޫ ސިޓީ، ފުވައްމުލަކު ސިޓީ، ކުޅުދުއްފުށި ސިޓީ އަދި ލ.އަތޮޅުގައި ކެބްއެމްވީގެ ޚިދުމަތްތައް ދެމުންދާާކަމީ އޭގެ އެންމެ ފުރިހަމަ މިސާލެވެ.

ކެބްއެމްވީއިން ދެކޭ ގޮތުގައި އެކުންފުނީގެ އެންމެ ބޮޑު ރައުސުލްމާލަކީ މުވައްޒަފުންގެ ގޮތުގައި ތިިބި ޑްރައިވަރުންނެވެ. އެކުންފުނިން އެ ޑްރައިވަރުންގެ އަގު ވަޒަންކުރުމުގެ ގޮތުން ކޮންމެ މަހެއްގެ އެއްފަހަރު ޑްރައިވަރ އޮފް ދަ މަންތް ހޮވާކަންވެސް ފާހަގަކޮށްލެވެއެވެ.

މީގެ އިތުރުން ދާދިފަހުން އެ ކުންފުނިން ވަނީ ނުކުޅެދުންތެރިކަން ހުންނަ ފަރާތްތަކުގެ ތެރެއިން ޑިސްއެބިލިޓީ ކާޑު އޮންނަ ކޮންމެ މީހަކަށް ކެބްއެމްވީގެ ޚިދުމަތުން ޑިސްކައުންޓްދޭން ނިންމާފައެވެ. އެގޮތުން ޑިސްއެބިލިޓީ ކާޑު އޮންނަ ފަރާތްތަކަށް މާލެއާއި ހުޅުމާލެ އަދި އެއާޕޯޓަށް ކެބް އެމްވީ ޓެކްސީ ސެންޓަރުގެ ކޮންމެ ޓެކްސީ އެއްގައި ކުރާ ކޮންމެ ދަތުރަކަށް 20 ޕަސެންޓް ޑިސްކައުންޓް ލިބޭނެކަމަށް އެކުންފުނިން މައުލޫމާތުދެއެވެ.

އެއް އަހަރު ދުވަހަކީ ކުރު މުއްދަތެއް ނަމަވެސް ކެބްއެމްވީން ވަނީ އުންމީދުން ފުރިގެންވާ ދަތުރެއް ފުރިހަމަކޮށްފައެވެ. މި ދަތުރުގައި އިތުރަށްވެސް ތަފާތު ކަންކަން ފެނިގެންދާނެކަމަށް އެކުންފުނިން ޔަގީންކަންދެއެވެ. ދެން މީގެފަހުން ގަޑިއަށް ތަނަކަށް ނުދެވިގެން ހާސްވާކަށް ނުޖެހޭނެއެވެ. ކެބްއެމްވީ އޮތީ ތިޔަބޭފުޅުންގެ ޚިދުމަތުގައެވެ!