ޓޫރިޒަމް މިނިސްޓްރީން އައިކޮމްގެ އޮފީހަށް ހޫނު ރައްދެއް ދީފި
އިންފޮރމޭޝަން ކޮމިޝަނަރގެ އޮފީހުން މިއަދު ބޭއްވި އަޑުއެހުމަކަށް ޓޫރިޒަމް މިިނިސްޓްރީން ހާޒިރުނުވުމާއި ގުޅިގެން ފިޔަވަޅު އަޅަން ނިންމި މައްސަލައިގައި އެ މިނިސްޓްރީން އައިކޮމްގެ އޮފީހަށް ވަރުގަދަ ރައްދެއް ދީފިއެވެ.
މި ރައްދު އެ މިނިސްޓްރީން ދީފައިވަނީ މިއަދު ހަވީރު އާންމުކުރި ނޫސްބަޔާނެއްގައެވެ.
އެ ބަޔާނުގައި ބުނީ މިނިސްޓްރީގެ ގާނޫނީ ވާޖިބު އަދާކުރުމުގައި ދިވެހި ރައްޔިތުންގެ އިތުބާރާއި، ފަތުރުވެރިކަމުގެ ދާއިރާގައި އިންވެސްޓްކޮށް ތިބި ދޭސީ އަދި ބިދޭސީ ފަރާތްތަކުގެ އިތުބާރު ނަގަހައްޓާ ދަމަހައްޓާނެކަމުގެ ޔަގީންކަންދޭ ކަމަށެވެ.
ޓޫރިޒަމް މިނިސްޓްރީން ބުނީ އެ މިނިސްޓްރީއާޢީ އެމްއެމްޕީއާރްސީއާއި ދެމެދުގައިވާ އެގްރީމެންޓްތަކުގެ މައުލޫމާތު ހޯދުމަށް ޓްރޭޑް ޔޫނިއަނުން ހުށައެޅުމުން އެކަމަށް ޖަވާބުދީފައިވާނެ ކަމަށެވެ. އަދި އެކަން އިންފޮރމޭޝަން ކޮމިޝަނަރގެ އޮފީހަށްވެސް ހުށައެޅިކަމަށް ވަނީ ބުނެފައެވެ. ނަމަވެސް މި މައްސަލައާއި ގުޅިގެން އިންފޮރމޭޝަން ކޮމިޝަނަރ ޓްވިޓަރގައި ހާާމަކުރެއްވި މައުލޫމާތާއި މެދު ކަންބޮޑުވާކަމަށް މިނިސްޓްރީން ވަނީ ފާހަަގަކޮށްފައެވެ.
އަދި މިނިސްޓްރީގެ ސިވިލްސާވިސް އެއްވެސް މުވައްޒިފަކަށް ބިރު ދެއްކުމުގެ ގޮތުން ކުރެވޭ އެއްވެސް އަމަލެއް، ބަލައިނުގަންނާނެ ކަމަށާާއި މިނިސްޓްރީގެ ޕޮލިސީ ލެވެލްގެ ކަންކަމުގައި ޒިންމާވެ، ޖަވާބުދާރީވާނީ މިނިސްޓަރު އަދި މިނިސްޓްރީގެ ސިޔާސަތު ނިންމާ ޕޮލިސީ މުވައްޒިފުންކަމަށް ވަނީ ބުނެފައެވެ.
ޓޫރިޒަމް މިނިސްޓްރީން ވަނީ އެކަމާއި ގުޅޭގޮތުން އެއްވެސް މައުލޫމާތެއް ސާފުކުރުމަށް ބޭނުންކަމުގައި ވަނީނަމަ، ރައްޔިތުންގެ މަޖިލީހުގެ ކަމާއިބެހޭ ކޮމިޓީގައި ނުވަތަ ޝަރުއީ ކޯޓެއްގައި ވެސް ޖަވާބުދާރީވުމަށް ތައްޔާރަށް އޮތްކަމަށް ބުނެފައެވެ.
ފޮޓޯ: ސަންގު
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
