ރައީސްގެ ނަމުގައި ހިންގާ ފޭކް އިންސްޓަގްރާމް އެކައުންޓަކަށް ސަމާލުވުމަށް އެދިއްޖެ
ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހުގެ ނަމުގައި ފޭކް އިންސްޓަގްރާމް އެކައުންޓެއް ހިންގާތީ އެކަމަށް ސަމާލުވުމަށް އެދިއްޖެއެވެ.
މިކަމާއި ގުޅިގެން ރައީސް އޮފީހުން މީޑިއާތަކަށް ފޮނުވި މެސެޖެއްގައި ރައީސްގެ ނަމުގައި ހިންގަމުންދާ ސައްހަނޫން އިންސްޓަގްރާމް އެކައުންޓެއް ދެނެގަނެވިފައިވާކަމަށް ވަނީ ބުނެފައެވެ.
އެހެންކަމުން އެ އެކައުންޓަކީ އެއްވެސް ގޮަތަކުން ރައީސް ޞާލިހް އެންޑޯޒްކޮށްފައިވާ އެކައުންޓެއް ނޫން ކަމުން މި އެކައުންޓަށް ސަމާލު ވުމަށް ރައީސް އޮފީހުން ވަނީ އެދިފައެވެ.
އެގޮތުން _ibusolih މި އެކައުންޓަކީ ސައްހަ ނޫން އެކައުންޓް ކަމަށާއި ރައީސް ޞާލިހުގެ އަސްލު އެކައުންޓަކީ ibusolih ކަމަށް ރައީސް އޮފީހުން ވަނީ ފާހަގަކޮށްފައެވެ.
ސައްހަނޫން އެކައުންޓްގެ ގޮތުގައި ފާހަގަކޮށްފައިވާ އެކައުންޓްގައި އަސްލު އެކައުންޓާއި އެއްގޮތަށް ފޮޓޯ އަޕްލޯޑްކޮށް، 90 ޕޯސްޓް އެއްދުވަހުގެ ތެރޭގައި ވަނީ ކޮށްފައެވެ.
ދުނިޔޭގެ އެހެނިހެން ގައުމުތަކުގެ އިސްވެރިންގެވެސް މިފަދަ ސައްހަނޫން އެކައުންޓްތައް ސޯޝަލް މީޑިއާގައި ހަދައި ދޮގު މައުލޫމާތު ފެތުރުމުގެ މައްސަލަތައް ދަނީ އާންމުވަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
