ޖުޑީޝަރީ ދާއިރާގެ އިދާރީ މުވައްޒަފުންގެ މުސާރަ ބޮޑުކުރަން ހުށަހަޅައިފި
ޖުޑިޝަރީ ދާއިރަގައި މަސައްކަތް ކުރާ އާއްމު އިދާރީ މުުވައްޒަފުންގެ މުސާރަ ބޮޑު ކުރުމަށްޓަކައި ބަޖެޓުގައި ހިމެނުމަށް ހުށަހަޅައިފިއެވެ.
އެގޮތުން އަދުލު އިންސާފު މުވައްޒަފުންގެ މުސާރަ އާއި އިނާޔަތްތަކުގެ އޮނިގަނޑަށް ގެންނަން ޖެހޭ އިސްލާހުތައް ގެނައުމަށްޓަކައި ޑިޕާޓްމެންޓް އޮފް ޖުޑީޝަލް އެޑްމިނިސްޓްރޭޝަންގެ ބަޖެޓަށް 49 މިލިއަން ރުފިޔާ އިތުރު ކުރުމަށް ޖުޑީޝަލް ސަރވިސް ކޮމިޝަންގެ ރައީސް އަދި ތުޅާދޫ ދާއިރާގެ މެންބަރު ހިސާން ހުސެއިން ވަނީ މިއަދު މަޖިލިހަށް ހުށަހަޅާއިފައެވެ.
ހިސާންގެ މި ހުށަހެޅުމުގައި ވަނީ ޖުޑިޝަރީގެ މުވައްޒަފުންގެ ހެލްތު އިންޝޫރެންސްއަށް ހަ މިލިއަން ރުފިޔާގެ އިތުރުން 49 މިލިއަން ރުފިޔާ ޑީޖޭއޭގެ ބަޖެޓްގައި ހިމެނުމަށް ހުށަހަޅައިފައެވެ. ޖުޑިޝަރީގެ މުވައްޒަފުންގެ އިތުރުން، ޖޭއެސްސީގެ އާއްމު އިދާރީ މުވައްޒަފުންގެ މުސާރަ ބޮޑު ކުރުމަށް އޭނާ ވަނީ ހުށަހަޅާފައެވެ. މިއީ މަޖިލީހުގެ ބަޖެޓް ދިރާސާ ރިޕޯޓަށް ހުށަހެޅުއްވި އިސްލާހެކެވެ.
ދައުލަތުގެ އަންނަ އަހަރުގެ ބަޖެޓް ފާސްކުރުމަށްޓަކައި އެކަމުގެ ބަހުސްތަކާއި ކޮމިޓީ މަރުހަލާ މިހާރުވަނީ ފެށިފައެވެ. އެހެންކަމުން މި ކަންތައް ނުނިމެނީސް މަޖިލިސް ޗުއްޓީއަށް ނުދިޔުމަށް ވަނީ ނިންމާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
