ހުޅުމާލޭގެ ދެވަނަ ފިޔަވަހިން ބިން ވިއްކުމާއި މެދު ގޮތެއް ނުނިންމަން: އެޗްޑީސީ
ހުޅުމާލޭގެ ދެވަނަ ފިޔަވަހިން ބިން ވިއްކުމާއި މެދު ގޮތެއް ނުނިންމާކަމަށް ހައުސިންގ ޑިވެލޮޕްމެންޓް ކޯޕަރޭޝަން، އެޗްޑީސީން ބުނެފިއެވެ.
އެކުންފުނިން ނެރުނު ނޫސްބަޔާނެއްގައި ބުނެފައިވަނީ ހުޅުމާލެއިން ބިން ވިއްކުމާއި މެދު އެޗްޑީސީގެ ބޯޑުން ވަކިގޮތެއް ނިންމާފައިނުވާކަމަށެވެ.
އެޗްޑީސީން ބުނީ ހުުޅުމާލެއަކީ އެޗްޑީީސީގެ މާސްޓަރ ޕްލޭނެއްގެ ދަށުން ތަރައްގީކުރަމުންދާާ ރަށަކަށްވީއިރު، އެ މާސްޓަރ ޕްލޭން ތައްޔާރުކުރެވިފައިވަނީ އެކި ބޭނުންތަކަށް ކަމަށެވެ. މިކަމުގެ ތެރެއިން އެންމެ ބޮޑު ޚާއްސަކަމެއް ދެވިފައިވަނީ އާންމުންނަށް ބޯހިޔާވަހިކަން ފޯރުކޮށްދިނުމަށް ސަރުކާރާއި އެކޯޕަރޭޝަނުން ކުރަމުން އަންނަ މަސައްކަތުގެ ތެރެއިން ސޯޯޝަލް އަދި އަތްފޯރާފަށުގެ ހައުސިންގ ފޯރުކޮށްދިނުމުގެ ގޮތުން ތައާރަފްކުރެވޭ މަޝްރޫއުތަކަށް ކަމަށް ވަނީ ބުނެފައެވެ.
އަދި ރައީސް ޞާލިހުގެ ރިޔާސީ ބަޔާނުގައިވާ ފަދައިން ވެށިފަހި ޕްރޮގްރާމުން ގޯތި ލިބޭނެ ކަމުގެ ލިޔުން ލިބި ގޯތި ލިބިފައި ނުވާ ފަރާތްތަކަށް ގޯތި ދޫކުރުމުގެ މަސައްކަތް މިއަހަރު ކުރާނެކަމަށް ވަނީ ހާމަކޮށްފައެެވެ.
ހުުޅުމާލޭގެ ދެވަނަ ފިޔަވަހިން ބިން ވިއްކުމަށް ސަރުކާރުން ނިންމި ކަމަށްބުނެ ގިނަބަޔަކު ވަނީ ކަންބޮޑުވުން ފާޅުކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
