މެރިން ކޯގެ ތަމްރީނުތަކުގައި އަންހެން ސިފައިން އަލަށް ބައިވެރިވެއްޖެ
ދިވެހި ސިފައިންނަށް ބާއްވާ މެރިން ކޯގެ ތަމްރީނު ތަކުގައި އަލަށް އަންހެން ސިފައިން ބައިވެރިވެއްޖެއެވެ.
އެމްއެންޑީއެފްގެ މޭޖަރ ޖެނެރަލް ޢަބްދުالله ޝަމާލް ކުރެއްވެވި ޓުވީޓެއްގައި ވިދާޅުވެފައިވަނީ މެރިން ކޯގެ ތަމްރީނުތަކުގެ މި ބެޗަކީ ތާރީޚުގައި ފާހަގަ ކުރެވިގެން ދާނެ ބެޗެއް ކަމަށެވެ. އަދި އެއީ މި ތަމްރީނު ތަކުގައި އަލަށް އަންހެން ސިފައިން ބައިވެރިވާތީ ކަމަށްވެސް ޝަމާލް ވިދާޅުވެފައިވެއެވެ.
ޝަމާލް ވަނީ ކޯހުގެ ތަމްރީނުތައް ކުރިއަށްދާ ތަނަށް ހާޒިރުވެ ކޯހުގެ ބައިވެރިންނާއި ބައްދަލުކުރައްވައި ތަމްރީނުތައް ކުރިއަށް ދާގޮތް ބައްލަވައިލައްވާފައެވެ.
މެރިން ކޯގެ ތަމްރީނު ތަކަކީ އެމްއެންޑީއެފުން ކުރިއަށްގެންދާ އެންމެ އުނދަގޫ ތަމްރީން ތަކެވެ. މި ކޯހުގެ މިހާރު ކުރިއަށް ދާ ބެޗްގައި ތިން އަންހެން ސިފައިން ބައިވެރިވެފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
