މިނިސްޓަރު ނަހުލާ މަޖިލީހުގައި-- ފޮޓޯ/ މަޖިލިސް
މިނިސްޓަރު ނަހުލާ މަޖިލީހުގައި-- ފޮޓޯ/ މަޖިލިސް
ހަބަރު 12 Jun 2023 | 10:10

ނަހުލާ މަޖިލީހަށް ހާޒިރު ކުރެއްވުމުން މެންބަރު ސުވާލެއް ނުކުރެއްވި؛ ޖެހުނީ އެނބުރިވަޑައިގަންވަން!

ކާޑެއްދޫ އެއާޕޯޓުގެ ތަރައްގީ ޕްލޭނާއި އަމަލީ މަސައްކަތް ފެށޭނެ ތާރީހެއް ސާފު ކުރުމަށް ޓްރާސްޕޯޓް މިނިސްޓަރު އައިޝަތު ނަހުލާ މިއަދުގެ ރައްޔިތުންގެ މަޖިލީހަށް ހާޒިރުކޮށް ސުވާލު ކުރުމުގެ ފުރުސަތު ދެއްވުމުން މެންބަރު ސުވާލު ނުކުރައްވާތީ، އެނބުރި ވަޑައިގަންނަވަން ޖެހިއްޖެއެވެ.

ކާޑެއްދޫ އެއާޕޯޓް ހިންގަނީ ނަހުލާގެ ފިރިކަލުން ގާސިމް އިބްރާހިމްގެ ވިލާ ކުންފުނިންނެވެ. ކާޑެއްދޫ އެއާޕޯޓް، ވިލާއާ ހަވާލުކުރީ ރައީސް ޔާމީންގެ ވެރިކަމުގައި 2013 ވަނަ އަހަރު އެވެ. ވިލާއަށް އެއާޕޯޓް ހަވާލުކުރީ 50 އަހަރުގެ މުއްދަތަކަށެވެ.

ނަމަވެސް 2017 ވަނަ އަހަރު އެއްބަސްވުން ބާތިލުކޮށް ވިލާ އަތުން އެއާޕޯޓް ވަނީ އަތުލާފައެވެ. އެއަށްފަހު އަނެއްކާ އަލުން ވިލާއަށް އެއާޕޯޓް ދީފައިވަނީ މިދިޔަ އަހަރު ތެރޭގައެވެ.

އެ އެއާޕޯޓް ގެ ތަރައްގީގެ ޕްލޭން އާއި ގުޅޭގޮތުން މިނިސްޓަރ ނަހުލާ އާއި ސުވާލު ކުރުމަށް ހުށަަހެޅުއްވީ ތިނަދޫ އުތުރު ދާއިރާގެ މެންބަރު އަބްދުލް މުޣުނީ އެވެ.

މުޣުނީގެ އެ އެދިލެއްވުމަށް މިނިސްޓަރ ނަހުލާ މިއަދު މަޖިލީހަށް ހާޒިރުކުރައްވާފައިވާއިރު، ސުވާލު ކުރެއްވުމުގެ ފުރުސަތު ދެއްވުމުގެ ކުރިން މުޣުނީ ވަނީ ނިޒާމީ ނުކުތާ ނަންގަވައި، ރިޔާސަތުގައި ވިލިފުށި ދާއިރާގެ މެންބަރު ހަސަން އަފީފު އިންނެވީ ކޮން ހައިސިއްޔަތަކުންތޯ ސުވާލު ކުރައްވާފައެވެ.

"ރައީސް އާއި ނާއިބު ރައީސް ނެތުމުން، ވިލިފުށި ދާއިރާގެ މެންބަރު އަފީފަށް ރިޔާސަތު ދެއްވީ ކޮން ގޮތަކުން ވިސްނާފައިތޯ، ކޮން ގޮތަކަށް ބެލުމަށް ފަހުގައިތޯ. އަޅުގަނޑަށް ފެށިގެން ދިޔަ 19 ވަނަ މަޖިލިސް ފެށިގެން ދިޔަ ވަގުތު، އަފީފު ހަމަ، މަޖިލީހުގެ މެންބަރެއްގެ ގޮތުގައި ހުންނަވާފައި، އެހެން އިއްޒަތްތެރި މެމްބަރަކަށް ރިޔާސަތު ހަވާލު ކުރެވިގެން ދިޔަތަން. ކޮން ގޮތަކަށް ބެލުމަށް ފަހުގައިތޯ މިއަދު ތި ރިޔާސަތު އަފީފު އާއި ހަވާލުކުރެވުނީ؟

ތިނަދޫ އުތުރު ދާއިރާގެ މެންބަރު އަބްދުލް މުޣުނީ
ތިނަދޫ އުތުރު ދާއިރާގެ މެންބަރު އަބްދުލް މުޣުނީ

ޖަވާބުގައި އަފީފު ވަނީ މަޖިލީހުގެ ފުރަތަަމަ ޖަލްސާއާއި މިހާރު ކަންކަން އޮންނަ ގޮތާއި ތަފާތު ވާނެ ކަމަށް ވިދާޅުވެ، އެކަންކަން ގަވާއިދުން ބެއްލެވުމަށް މެންބަރު މުޣުނީގެ އަރިހުން އެދިލައްވާފައެވެ.

އެއަށްފަހުވެސް، އެމްޑީޕީގެ މެންބަރުން ނިޒާމީ ނުކުތާ ނަންގަވައި އެ ސުވާލު ތަކުރާރު ކުރައްވައި އަޑުގަދަ ކުރައްވާފައި އެވެ.

އެ މެންބަރުންނަށް ރައްދު ދެއްވައި އަފީފު ވަނީ، ރައީސް ނުވަތަ ނައިބު ރައީސް ނެތް ހާލަތެއްގައި ރިޔާސަތު ބަލަހައްޓަވާނެ ބޭފުޅެއް ކަނޑައަޅުއްވާނީ މަޖިލީހުގެ ރައީސް ކަމަށެވެ.

އަދި އިތުރަށް ނިޒާމީ ނުކުތާ ނެންގެވުމަށް ފުރުސަތު ނުދެއްވައި މިނިސްޓަރު ނަހުލާ އާއި ސުވާލު ކުރެއްވުމަށް މެންބަރު މުޣުނީގެ އަރިހުން އެދިލެއްވިއެވެ.

އެހެންނަމަވެސް، މުޢުނީ ވަނީ މަޖިލީހުގެ ރިކޯޑަށްޓަކައި ނަމަވެސް އޭނާ ކުރެއްވި ސުވާލުގެ ޖަވާބު ދެއްވުމަށް އެދިލައްވާފައެވެ. އަދި ސުވާލު ކުރެއްވޭނީ އޭގެ ފަހުން ކަމަށް ވިދާޅުވެފައެވެ. އަދި ތަކުރާރުކޮށް ފުރުސަތު ދެއްވުމުންވެސް ވިދާޅުވަމުންދިޔައީ އެފަދައިންނެވެ.

"އިއްޒަތްތެރި މެންބަރު ސުވާލާއިގެން ކުރިއަށްދާން ބޭނުން ނުވާނަމަ، އަޅުގަނޑު ޖެހޭނީ އިއްޒަތްތެރި މިނިސްޓަރަށް ދަންނަވަން، މިވަގުތު ވަޑައިގަންނަވަން. އެހެން ދުވަހަކު އިއްޒަތްތެރި މިނިސްޓަރަށް ދަންނަވާނަން ވަޑައިގަންނަވަން. އެހެންވީމާ، މިވަގުތު އިއްޒަތްތެރި މިނިސްޓަރު ވަޑައިގެންނެވުން އެދެން." މުޣުނީ ސުވާލު ނުކުރެއްވުމުން މިނިސްޓަރ ނަހުލާ އެނބުރިވަޑައިގެންނެވުން އެދިލައްވައި އަފީފު ވިދާޅުވި އެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި
20 Nov 2026 ހަބަރު

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި

ޓެކުހާއި ގުޅޭ ތިން ބިލެއް ރައީސް ވަނީ ތަސްދީގު ކުރައްވައިފަ އެވެ.