ބިލެތްދޫ ޑިމޮކްޓްސްގެ މެމްބަރުން ދެވަނަބުރުގައި ޕީޕީއެމްއާއެކު މަސައްކަތް ކުރުމަށް ނިންމައިފި

ރިޔާސީ އިންތިހާބުގެ ދެވަނަ ބުރު އިދިކޮޅު ކެނޑިޑޭޓް ޑރ. މުހައްމަދު މުއިއްޒަށް ކާމިޔާބުކޮށްދިނުމަށްޓަކައި ޕީޕީއެމް/ޕީއެންސީ ކޯލިޝަނާއެކު މަސައްކަތް ކުރުމަށް ފ ބިލެތްދޫ ޑިމޮކްރެޓްސް ގެ މެމްބަރުން ނިންމައިފިއެވެ.

ދަ ޑިމޮކްރްޓްސްގެ ޕާޓީގެ ފަރާތުން ފ ބިލެތްދޫގައި އިސްކޮށް ހަރަކާތްތެރިވާ ރަށުގައި ފަރާތެއް ކަމަށްވާ ފައިސަލް “ވޮއިސްއަށް” މައުލޫމާތު ދެއްވި ގޮތުގައި މި ނިންމުމަކީ ފ ބިލެތްދޫގައި ހަރަކަތްތެރިވާ  ޑިމޮކްރެޓްސްގެ ހުރިހަ މެންބަރުންވެސް ބޭނުންވެގެން ނިންމި ނިންމުމެއް ކަމަށާއި، އިންތިހާބުގެ ދެވަނަ ބުރުގައި އެ ޕާޓިގެ ބިލެރްދު މެމްބަރުން މަސައްކަތް ކުރާނީ އިދިކޮޅު ޕީޕީއެމް/ޕީއެންސީ އާއި އެކުގައި ކަމަށެވެ.

"ޕާޓީން ކޮންމެ ގޮތަކަށް ނިންމިޔަސް އަޅުގަނޑުމެން މިތިބީ އެމްޑީޕީއާއި އެކުގައި މަސައްކަތް ކުރާ ގޮތަކަށް ނޫން"

ފައިސަލް

އެގޮތުން މި މަހުގެ 10 ވަނަ ދުވަހުގެ ރޭ އެ ރަށުގެ ޕީޕީއެމް މެންބަރުންނާއި މަޝްވަރާކުރުމަށްފަހު ދެވަނަ ދައުރެއްގައި އެކުގައި މަސައްކަތް ކުރުމަށް ބިލެތްދޫ ޑިމޮކްރެޓްސްގެ މެމްބަރުން މިވަނީ ނިންމައިފައެވެ.

އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހާއި އަދި އިދިކޮޅު ކޯލިޝަންގެ ރިޔާސީ ކެންޑިޑޭޓް ޑރ. މުހައްމަދު މުއިއްޒު ކޯލިޝަން ހެދުމާއި ގުޅޭގޮތުން ދަ ޑިމޮކްރެޓްސްގެ ފަރާތުން މަޝްވަރާ ކުރެވެމުންދާއިރު، ރައްޔިތުން ހިތްހަމަ ޖެހޭ ގޮތަަކަށް މިކަން ނިމިގެންދާނެ ކަމަށާއި، އެއްގޮތަކަށްވެސް ކަންބޮޑުވެވަޑައިނުގަންނަވަން ރައްޔިތުންގެ މަޖިލީހުގެ ރައީސް މުހައްމަދު ނަޝީދު ރޭ ވަނީ ވިދާޅުވެފައިވެއެވެ.

މީގެ އިތުރުން މިއަދު ބޭއްވުނު ރައްޔިތުންގެ މަޖިލީހުގެ ޖަލްސާގައި އެމްޑީޕީގެ މެމްބަރުން ރައީސް ނަޝިދާއި ރައީސް ޞާލިހް ގުޅިވަޑައިގަތުމަށް ގޮވާލުމުން އެކަމަށް ޖަވާބުދެއްވައި ރައީސް ނަޝިދުވަނީ "ދެން ތިކަން ނުވާނެ" ކަމުގައި ވިދާޅުވެފައެވެ.