މޮރޮކޯ ބިންހެލުން: ދިރިތިއްބާ މީހުން ފެންނާނެ ކަމުގެ އުންމީދު ކުޑަވަނީ
ހުކުރުދުވަހުގެ ރޭ މޮރޮކޯއަށް އައި ބިންހެލުމުގެ ސަބަބުން މަރުވި މީހުންގެ ޢަދަދު 2800 އިން މައްޗަށް އަރައިފައިވާއިރު ވެއްޓިފައިވާ ޢިމާރާތްތަކުގެ ދަށުން ދިރިތިބި ބަޔަކު ފެނިދާނެ ކަމުގެ އުންމީދު މިހާރު ވަނީ ކުޑަވެފައެވެ.
ވަގުތާއި ދެކޮޅަށް ރެސްކިޔު ވޯކަރުންނާއި ކުއްލިފަރުވާ ދޭ މީހުން ކުރަމުންދާ ހިތްވަރުގަދަ ހަނގުރާމައިގައި އުންމީދު ކުޑަ ވާމިންވަރަށް ދިރި ތިއްބައި ފެންނަ މީހުންގެ ޢަދަދު ދަށްވެފައިވާ އިރު އެއްލައްއެއްހާ ކުޑަކުދިންނަށް މި ބިންހެލުމުގެ އަސަރު ވަނީ ކޮށްފައެވެ.
ޤަޠަރު، އެކުވެރި ޢަރަބި ޢިމާރާތް، ސްޕެއިން އަދި އިނގިރޭސި ވިލާތުގެ ސަރޗް އެންޑް ރެސްކިޔު ޓީމުތަކުން ދަނީ މޮރޮކޯގެ ސިފައިންނާއި އެކު މީހުން ސަލާމަތް ކުރުމާއި މީހުން ހޯދުމުގެ މަސައްކަތުގައި ބައިވެރިވަމުންނެވެ.
ހިތާމަޔާއި މޮޅިވެރިކަމުގެ މިވަގުތުގައި މަރްކަޝްގެ މީހުންނަށް ބޭނުންވާ ވަރަށް އެހީތެރިކަން މޮރޮކޯގެ ސަރުކާރަށް ފޯރުކޮށްދެވިފައިނުވާތީ މަރްކަޝްގެ މީހުން ތިބީ ރުޅިގަދަވެފައެވެ.
"ނިކަމެތިން ނާއި ކުޑަކުދިން އަމިއްލަ އަށް އެދަނީ ފޭލިގެ ޖަހަމުން، ސަރުކާރުގެ އޮތޯރިޓީ ތަކަކުންނޫން ސަރުކާރުގެ އޮފިޝަލުންނެއް ނޫން، ބިންހެލުމުން ސަލާމަތްވެ ހާލުގައި ޖެހިފައި ތިބި އާއިލާތައް އެއްވެގެން، އެއްބަޔަކު ދަނީ އަނެއް ބަޔަކަށް އެހީވަމުން" މަރްކަޝްގައި ހުރި މީހަކު އަލްޖަޒީރާއަށް ބުނެފައިވެއެވެ.
"އަވަށުގެ ބައެއް މީހުންނަށް އެހީ ލިބިފައިވަނީ، އެކަމަކު އެބައުޅޭ އެހީނުލިބޭ އެތައް ބައެއް، އަހަރެމެންނަށް އެބަ ފެނޭ ހެލިކޮޕްޓަރުތައް ފަރުބަދަމަތީ އަވަށްތަކުގެ މަތިން ދަތުރުކުރާތަން، ހީވަނީ އެހީ ބޭނުންވާ ވަރު އަންދާޒާ ކުރަނީހެން" އޭނާ އިތުރަށް ބުނެފައިވެއެވެ.
ބިންހެލުމުގެ ސަބަބުން މަރުވާ މީހުންގެ ޢަދަދު އަދިވެސް ދާނީ މައްޗަށް ކަމަށް ކަމާއިބެހޭ އިދާރާތަކުން ވަނީ ލަފާކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
