ސަރުކާރަށް ލިބެން ޖެހޭ 15 ބިލިއަން ހޯދަން މަސައްކަތް ނުކޮށް ޓެކްސް ބޮޑުކުރުމަކީ ބޭއިންސާފެއް: ހަސަން ލަތީފު

އެކި ގޮތްގޮތުން ސަރުކާރަށް ލިބެންޖެހޭ 15 ބިލިއަން ހޯދަން މަސައްކަތް ނުކޮށް ރައްޔިތުންގެ އަތުން ނަގާ ޓެކްސް ބޮޑުކުރުމަކީ ވަރަށް ބޮޑު ބޭއިންސާފެއްކަމަށް ރައްޔިތުންގެ މަޖިލީހުގެ ހެންވޭރު ހުޅަނގު ދާއިރާގެ މެމްބަރު ހަސަން ލަތީފު ވިދާޅުވެއްޖެއެވެ.

ހަސަން ލަތީފު މިފަދައިން ވިދާޅުވެފައިވަނީ ރައްޔިތުން އަތުން ނަގާ ޓެކްސް ބޮޑުކުރުމަށް ސަރުކާރުން މަސައްކަތް ކުރަމުންދާ ދިއުމާއި ގުޅިގެން ނުރުހުން ފާޅުކުރައްވާ ކުރެއްވި ޓްވީޓެއްގައެވެ.

އެ ޓްވީޓުގައި ހަސަން ލަތީފު ވިދާޅުވީ އެކި ގޮތްގޮތުން ސަރުކާރަށް ދައްކަން ޖެހޭ ފައިސާތަކުގެ ތެރެއިން ނުދައްކާހުރި ފައިސާގެ ޖުމްލަ އަދަދު 15 ބިލިއަން ރުފިޔާއަށްވުރެ އިތުރުކަމަށެވެ. އަދި އެ ފައިސާ ސަރުކާރަށް ހޯދުމަށް އެއްވެސް މަސައްކަތެއް ކުރަމުން ނުދާކަމަށް އޭނާ ވިދާޅުވިއެވެ.

އެއާއ ގުޅުވާ ހަސަން ލަތީފު ވިދާޅުވީ ސަރުކާރަށް ލިބެން ޖެހޭ ފައިސާ ހޯދުމަށް އެއްވެސް މަސައްކަތެއް ނުކޮށް އަނެއްކާވެސް ސަރުކާރު ހިންގުމަށް ރައްޔިތުން އަތުން ފައިސާނެގުމަކީ ރައްޔިތުންނަށް ވެވޭ ވަރަށް ބޮޑު ބޭއިންސާފެއް ކަމަށެވެ.

އަދި އެކަންތައް އެގޮތަށް ކުރުން ހުއްޓުވާދެއްވުމަށް ހަސަން ލަތީފު ވަނީ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުގެ އަރިހުގައި ދަންނަވާފައެވެ.

އަންނަ ޖެނުއަރީމަހުން ފެށިގެން ރައްޔިތުން އަތުން ނަގާ ޓެކްސް ނުވަތަ ޖީއެސްޓީ ބޮޑުކުރުމަށް ސަރުކާރުން މަޖިލީހަށް ބިލު ހުށައަޅާފައިވާއިރު މަޖިލީހުން އެ ބިލު ފާސްކޮށްފިކަމަށް ވާނަމަ ޖީއެސްޓީ 6 އިންސައިން 8 އިންސައްތައަށް އުފުލިގެންދާނެއެވެ. އެއާއެކު ތަނެތީގެ އަގުތަކަށްވެސް ބޮޑެތި ބަދަލުތަކެއް އަންނާނެއެވެ.