މެމްބަރު އިބްރާހިމް ރަޝީދު އަދި ކުރީގެ ނައިބު ރައީސް އަހުމަދު އަދީބު/ ފޮޓޯ: ވޮއިސް
މެމްބަރު އިބްރާހިމް ރަޝީދު އަދި ކުރީގެ ނައިބު ރައީސް އަހުމަދު އަދީބު/ ފޮޓޯ: ވޮއިސް
ހަބަރު 13 Jul 2023 | 13:40

އަދީބު ފިލައިގެން އެ ދިޔައީ ކޯޓަށް ދޮގުހެކި ދީފަ: އިބްރާހީމް ރަޝީދު

ކުރީގެ ނައިބުރައީސް އަހުމަދު އަދީބު ރާއްޖެ ދޫކޮށް އެ ދިޔައީ ފުއްގިރި މައްސަލައާއި ގުޅިގެން ކޯޓަށް ދޮގުހެކި ބަސް ދީފައިކަމަށް މަޖިލީހުގެ މާފަންނު މެދު ދާއިރާގެ މެމްބަރު އިބްރާހިމް ރަޝީދު (ބޮންޑެ) ވިދާޅުވެއްޖެ އެވެ.

ބޮންޑެ މިފަދައިން ވިދާޅުވެފައިވަނީ ރ ފުއްގިރި ކުއްޔަށް ދޫކުރުމުގެ މުއާމަލާތާއި ގުޅުވާ ބުރާސްފަތި ދުވަހު ކްރިމިނަލް ކޯޓުގައި ބޭއްވި ޝަރީއަތުގެ އަޑުއެހުމުގައި ދައުލަތުްގެ ފަރާތުން ހެކިބަސް ދެމުންނެވެ.

އެ މައްސަލައިގައި ހެކިބަސް ދެމުން ކުރީގެ ޓުއަރިޒަމް މިނިސްޓަރު އަހުމަދު އަދީބު ބުނެފައި ވަނީ ފުއްގިރި ކުއްޔަށް ދޫކުރުމުގެ މުއާމަލާތުގެ މަޝްވަރާގައި މާފަންނު މެދު ދާއިރާގެ މެމްބަރު އިބްރާހިމް ރަޝީދު (ބޮންޑެ) ބައިވެރިވެވަޑައިގެންނެވި ކަމަށެވެ.

އަދީބު ބުނީ ފުއްގިރި އިންޑިއާގެ ބަޔަކަށް ދޭން ރައީސް ޔާމީން ވިދާޅުވެފައިވާކަމަށެވެ. އަދި ރައީސް ޔާމިނު ވިދާޅުވެގެން އިންޑިއާ މީހުންނާއި ބައްދަލުކުރުމަށް ބޭއްވި ބައްދަލުވުމުގައި ބޮންޑާ ވެސް ބައިވެރިވެފައިވާ ކަމަށާއި، އެ ބައްދަލުވުމުގައި ފުއްގރި ކުއްޔަށް ދޫކުރާނެ އަގަކީ 2.5 މިލިއަން ކަމަށް އެއްބަސް ވެސް ވެވުނު ކަމަށެވެ.

އެހެން ނަމަވެސް އަދީބު އެދުވަހު ކޯޓުގައި ހެދީ ކަނޑައެޅިގެން ދޮގެއްކަމަށް ބޮންޑެ ވަނީ ވިދާޅުވެފަ އެވެ.

އޭނާ ވިދާޅުވީ ފުއްގިރި މުއާމަލާތާއި ގުޅޭ އެއްވެސް ކަމެއްގައި އަދީބާއި ބައްދަލުކޮށްފައި ނުވާނެ ކަމަށެވެ. އަދި އަދީބު އެ ބުނި ބައްދަލުވުމުގައި ޔަގީންނުންވެސް އޭނާ ބައިވެރިވެވަޑައިގެންފައި ނުވާނެ ކަމަށެވެ.

އަދީބު ރާއްޖެއިން ބޭރަށް ފުރައިގެން އެ ދިޔައީ ކޯޓަށް ދޮގުހެކި ބަސް ދީފައިކަމަށް ބޮންޑެ ވަނީ ތުހުމަތުކުރައްވާފަ އެވެ.

ފުއްގިރި މައްސަލައާއި ގުޅިގެން އަދީބުގެ ހެކިބަސް ނަގާފައިވަނީ ޖޫންމަހުގެ 12 ގައެވެ. އެ ދުވަހު ވެސް ބޮންޑާ ވަނީ އަދީބު ކޯޓުގައި ހަދާފައިވަނީ ދޮގުކަން ފާހަގަކޮށްފަ އެވެ. އަދި ދޮގުހެކިދެމުން އޭނާގެ ނަން ބޭނުންކުރި މައްސަލަ ކޯޓަށް ހުށައަޅާނެކަމަށް ވެސް ބޮންޑެ އެދުވަހު ވިދާޅުވި އެވެ.

އޭގެއިތުރުން ބޮންޑެ ވިދާޅުވީ ފުއްގިރި ޚިޔާނާތް ހިންގާފައިވަނީ ޓުއަރިޒަމް މިނިސްޓްރީ ތެރެއިން ކަމަށެވެ. އަދި އެ ޚިޔާނާތް ހިންގިކަން އޭރުގެ ސަރުކާރުގެ ވެރިންނަށް އެނގިވަޑައިނުގަންނަވާނެ ކަމަށެވެ.

އޭރުގެ ސަރުކާރުގެ ވެރިކަންކަމަށް ބޮންޑެ އެ އިޝާރާތްކުރެއްވީ އޭރުގެ ރައީސުލްޖުމްހޫރިއްޔާ އަބްދުالله ޔާމީން އަބްދުލްގައްޔޫމަށްކަމަށް ބެލެވެެއެވެ.

އެއީ ފުއްގިރި މުއާމަލާތާއި ގުޅިގެން ދައުލަތުން ވަނީ ރައީސް ޔާމިނުގެ މައްޗަށް ރިޝްވަތު ގަބޫލުކުރުމާއި މަނީ ލޯންޑަރިންެގ ދައުވާ އުފުލާފަ އެވެ.

އެހެން ނަމަވެސް ވަޒީރުން ކުރައްވާ ހުރިހާކަމެއް ރައީސުލްޖުމްހޫރިއްޔާއަށް އެނގިވަޑައި ނުގަންނަވާނެ ކަމަށާއި، ފުއްގިރި މުއާމަލާތާއި ގުޅިގެން ރައީސް ޔާމިނުގެ މައްޗަށް އުފުލާފައިވާ ދައުވާތަކަކީ ހައްގު ދައުވާތަކެއް ނޫންކަމަށް އެމަނިކުފާނުގެ ގާނޫނީ ވަކީލުން ގެންދަވަނީ ވިދާޅުވަމުން ނެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ފޭސްބުކު މެދުވެރިކޮށް ގުޅުން އުފައްދައި، ގެސްޓްހައުސްއަކަށް އަންހެނަކު ގެންގޮސް ރޭޕްކުރި މީހަކު 15 އަހަރަށް ޖަލަށްލުމަށް ޙުކުމްކޮށްފި
15 Nov 2026 ހަބަރު

ފޭސްބުކު މެދުވެރިކޮށް ގުޅުން އުފައްދައި، ގެސްޓްހައުސްއަކަށް އަންހެނަކު ގެންގޮސް ރޭޕްކުރި މީހަކު 15 އަހަރަށް ޖަލަށްލުމަށް ޙުކުމްކޮށްފި

ފޭސްބުކް މެދުވެރިކޮށް އަންހެނަކާ ގުޅުން އުފައްދައި، މާލޭގެ ގެސްޓްހައުސްއަކަށް ގެންގޮސް އެ އަންހެން މީހާ ރޭޕްކުރި މައްސަލައެއް ސާބިތުވެ، ޒުވާނަކު 15 އަހަރު ދުވަހުގެ މުއްދަތަށް ޖަލަށްލުމަށް ކްރިމިނަލް ކޯޓުން ޙުކުމްކޮށްފިއެވެ.