އަހުމަދު ސިޔާމް އާއި ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު
އަހުމަދު ސިޔާމް އާއި ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު
ހަބަރު 13 Aug 2023 | 09:50

ސިޔާމް ހުންނެވުމަކީ ވަރަށް ބޮޑު އެސެޓެއް؛ ބޭރު ފައިސާ ލިބުންވެސް ފަސޭހަވެއްޖެ: ރައީސް ޞާލިހު

މަޝްހޫރު ވިޔަފާރިވެރިޔާ، އަދި އެމްޑީއޭގެ ރައީސް އަހުމަދު ސިޔާމް (ސަން ސިޔާމް) އެމްޑީޕީގެ ކޯލިޝަންގައި ހުންނެވުމުން ބޭރުގެ ފަރާތްތަކުންދޭ ފައިސާ ލިބުން ފަސޭހަވެގެން ގޮސްފައިވާ ކަމަށް އެމްޑީޕީގެ ރިޔާސީ ކެންޑިޑޭޓް، ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ވިދާޅުވެއްޖެއެވެ.

ރިޔާސީ ކެންޕެއިނަށް ނ އަތޮޅަށް ކުރައްވަމުންދާ ދަތުރުފުޅުގައި އެ އަތޮޅު ކެނދިކުޅުދޫއަށް ވަޑައިގެން އެރަށު ރައްޔިތުންނާ ބައްދަލު ކުރައްވާ ވާހަކަފުޅުދައްކަވަމުން ރައީސް ޞާލިހު ވިދާޅުވީ، އެމަނިކުފާނުގެ ޓީމުގައި ތިއްބެވީ ރާއްޖޭގެ އިގްތިސާދާއި ރައްޔިތުން އެދޭ އެދުންތައްވެސް ގާތުން ބައްލަވާ، އެކަންކަން އެނގޭ ބޭފުޅުން ކަމަށެވެ.

އެގޮތުން ރައީސް ޞާލިހު ގެ ސަރުކާރުގައި، އިގްތިސާދީ ގޮތުން ގެންނަ ކުރިއެރުން ތަކުގެ އެންމެ ބޮޑު އެއް ހިއްސާދާރަކީ މީދޫ ދާއިރާގެ މެންބަރުކަންވެސް ކުރައްވަމުން އަންނަ ސިޔާމް ކަމަށް އެމަނިކުފާނު ވިދާޅުވިއެވެ.

މުޅި ޓޫރިޒަމް ބަދަލުކޮށްލުމުގެ އެއް މޭސްތިރި އޭނާ (ސިޔާމް) އެއީ. މިއަތޮޅުންވެސް އެކަން ފެންނާނެ.

ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު

އެހެންކަމުން ސިޔާމް އާއި އެކީގައި އެކުލަވާލާ ސަރުކާރަކަށް ވޯޓު ދިނުމަކީ ރާއްޖޭގެ ކުރިއެރުމަށްޓަކައި ނިންމޭ ވަރަށް ރަނގަޅު ނިންމެވުމަކަށް ވާނެ ކަމަށް ރައީސް ޞާލިހު ވިދާޅުވި އެވެ.

މިއާއެކު ރައީސް ޞާލިހް ވިދާޅުވީ، ކެމްޕެއިން ފެއްޓެވި ފަހުން ބޭރުގެ ބައެއް ބޭފުޅުންނާއި ބައްދަލުވެ ވާހަކަ ދެކެވިފައިވާ ކަމަށެވެ. ވެރިކަމުގެ އައު ދައުރަކަށް ކުރިމަތިލެއްވިއިރު ކޯލިޝަންގައި ތިއްބެވީ ކޮން ބައެއްތޯ އެ ބޭފުޅުން ސުވާލު ކުރައްވާ ކަމަށެވެ. ސިޔާމް ހުންނެވި ވާހަކަ ވިދާޅުވުމާއެކު އެއީ ވަރަށް ރަނގަޅު ނިންމެވުމެއް ކަމަށް ވިދާޅުވާ ކަމަށާ އަދި ފައިސާ ލިބޭނެ ކަމުގެ ޔަގީންކަން އެ ބޭފުޅުން ދެއްވާފައެވެ.

އަޅުގަނޑާއި ބައްދަލުވޭ ބޭރުގެ ބައެއް މީހުންނާ ވެސް. އަޅުގަނޑުމެން ކެންޕޭނަށް ނުކުން ފަހުންވެސް ބައެއް މީހުންނާ ބައްދަލުވެ ވާހަކަދައްކައި މަޝްވަރާކުރެވިފައި އެބަހުރި. އަހާފައި އެބަހުރި ކޮން ބައެއްހޭ ކޯލިޝަންގައި ތިބީ. ޝިޔާމްގެ ވާހަކަ ހަމަ ބުނާއިރަށް އެއަށް އެމީހުން އާ ބަސް ބުނޭ. ތިއީ ވަރަށް ރަނގަޅު ޑިސިޝަނެކޭ. ކުރިއަށްދާނޭ. ކުރިއަށް އޮތްތަނުގައި ތިމަންނަމެން ދޭން ޖެހޭ ފައިސާ ދިނުމުގައި އެއްވެސް ދައްޗެއް ނޯންނާނޭ.

ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު

ރައީސް ޞާލިހު ވިދާޅުވީ، ކުރިއަށް އޮތް ދައުގައި ކުރައްވަން ވައުދުވެވަޑައިގެންފައިވާ ކަންކަން ކުރެއްވުމަށް ބޭރުގެ ބޭންކުތަކުން ފައިސާ ލިބޭނެ ކަމުގެ ޔަގީންކަން މިހާރު ލިބިފައިވާ ކަމަށެވެ.

"[ސިޔާމަކީ] އަޅުގަނޑަށް ލިބުނު ވަރަށް ބޮޑު ހިތްވަރެއް. ވަރަށް ބޮޑު އެސެޓެއް ސިޔާމް އަޅުގަނޑާއެކު ހުންނެވުމަކީ. ވަރަށް ބޮޑަށް ޝުކުރިއްޔާ."

ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު

މީގެ އިތުރުން ރައީސް ޞާލިހު ވަނީ، އަދާލާތު ޕާޓީ އަކީވެސް އެމްޑީޕީ އާއި އެކު 2014 ވަނަ އަހަރުން ފެށިގެން މަސައްކަތް ކުރަމުން އަންނަ ޕާޓީ އެއް ކަމަށާ، އެ ޕާޓީގެ ފަރާތުންވެސް ވަރަށް ގާތްކޮށް މަޝްވަރާ ލިބިވަޑައިގަންނަވާ ކަމަށެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ވަޒީފާ ބަހައިގެން ރައީސް ޞާލިޙަކަށް ވެސް ކާމިޔާބެއް ނުވި، މި ސަރުކާރަކަށް ވެސް ނުވާނެ: ނަޝީދު
10 Nov 2026 ހަބަރު

ވަޒީފާ ބަހައިގެން ރައީސް ޞާލިޙަކަށް ވެސް ކާމިޔާބެއް ނުވި، މި ސަރުކާރަކަށް ވެސް ނުވާނެ: ނަޝީދު

ވަޒީފާތައް ބަހައިގެން ސިޔާސީ މަންފާއެއް ނުހޯދޭނެ ކަމަށާއި، 2023 ވަނަ އަހަރުގެ ރިޔާސީ އިންތިޚާބުގައި ކުރީގެ ރައީސް އިބްރާހީމް މުޙައްމަދު ޞާލިޙަށް ވެސް އަދި މިހާރުގެ ސަރުކާރަށް ވެސް އެކަން ކާމިޔާބު ނުވާނެ ކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ.