ރައްޔިތުން ބޭނުންވަނީ ދަތި ހާލުގައިވެސް އިޤްތިޞާދު ކުރިއަރުވާނެ ވެރިއެއް: ޝަރީފް
ރައްޔިތުން ބޭނުންވަނީ ދަތި ހާލުގައިވެސް އިޤްތިޞާދު ކުރިއަރުވާނެ ވެރިއެއް ކަމަށް މަރަދޫ ދާއިރާގެ މެމްބަރު އިބްރާހިމް ޝަރީފް ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ އެމަނިކުފާނު ކުރެއްވެވި ޓްވީޓެއްގައެވެ.
ޝަރީފް ގެ ޓްވީޓުގައި ވިދާޅުވެފައިވަނީ ރައީސް އިބްރާހިމް މުޙައްމަދު ޞާލިޙް ވަނީ ދަތި އުނދަގޫ ދަނޑިވަޅުގައި ޤައުމު މެނޭޖް ކުރެވޭނެ ކަން ސާބިތުކޮށްދެއްވާފައި ކަމަށެވެ. ޕްރޮޖެކްޓް ހުއްޓާ ނުލާ ކުރިއަށް ގެންގޮސްދެއްވާފައި ކަމަށެވެ. އަދި އެމަނިކުފާނުގެ ވެރިކަމުގައި އިޤްތިޞާދު ބަރާބަރަށް މެނޭޖު ކުރެވޭނެ ކަން ޔަޤީން ކަމަށްވެސް ޝަރީފް ވިދާޅުވިއެވެެ.
"ދުނިޔެ އޮތީ މާލީ ގޮތުން ދަތި ޙާލަތެއްގައިކަން ވަރަށް ގިނަ ރައްޔިތުންނަށް އިނގޭ، ރައްޔިތުން ބޭނުންވަނީ ދަތި ޙާލުގައިވެސް ގޮތް ހޯދައިގެން އިޤްތިޞާދު ކުރި އަރުވާނެ މޭސްތިރިއެއް، ދައުލަތުގެ ދަރަނި މެނޭޖްކުރާނެ ވެރިއެއް، ދެމެހެއްޓެނި ތަރައްޤީއަށް މަސައްކަތްކުރާނެ ވެރިއެއް" ޝަރީފް ވިދާޅުވެފައިވެއެވެ.
ޝަރީފް މިފަދައިން ޓްވީޓް ކުރައްވާފައިވާ އިރު އިދިކޮޅު ފަރާތްތަކުން އަންނަނީ މިހާރު ދައުލަތުގެ މާލީ ހާލަތު އޮތް ގޮތުން ވަރަށް ބޮޑަށް ފާޑު ކިޔަމުންނެވެ.
ކުރީގެ އެންވަައިރަމަންޓް މިނިސްޓަރ ޠާރިޤް އިބްރާހިމް ބުނެފައިވަނީ އެމްޑީޕީގެ ނާގާބިލް މި ސަރުކާރުގަ ސަރުކާރު ހިއްސާވާ ކުންފުނިތައް ވަނީ ދަރުވާލައިފައި ކަމަށެވެ. އަދި އެމްޑީޕީ ސަރުކާރަށް އިތުރު ފަސް އަހަރު ލިބިއްޖެނަމަ ސަރުކާރު ޙިއްސާވާ ދިވެހިންގެ ހުރިހާ ކުންފުނިތަކެއް ވިއްކާލާނެ ކަމަށެވެ.
މީގެ އިތުރުން ރައީސް ޞާލިޙް ރާއްޖެއިން ބޭރަށް ކުރައްވާ ދަތުރު ތަކުގެ ބޮޑުވެ އެކަންކަމާއި މެދު ފާޑުކިޔާ މީހުންގެ ޢަދަދުވެސް އެހާމެ ގިނައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
