މެންބަރު މުހައްމަދު ނަޝީދު-- ފޮޓޯ/ މަޖިލިސް
މެންބަރު މުހައްމަދު ނަޝީދު-- ފޮޓޯ/ މަޖިލިސް
ހަބަރު 14 Jun 2023 | 13:22

މުސާރަ ހަލާލުކުރަން މި އަންނަނީ؛ އެކަމު މިތަނަށް ވަންނަންވެސް މިހާރު ލަދުގަނޭ: ނަޝީދު

ރައްޔިތުންގެ މަޖިލީހުގެ ޖަލްސާތަކަށް ވަޑައިނުގަންނަވަނީ ލިބޭ މުސާރަ އަކީ ހަލާލު އެއްޗެއް ގޮތުގައި ހައްދަވަން ކަމަށާ، އެހެންނަމަވެސް، މަޖިލީހުގެ ތަޅުމުގައި ކަންކަން ހިނގަމުންދާ ގޮތުން މަޖިލީހަށް ވަންނަންވެސް ލަދުގަންނަވާ ކަމަށް، ނޮޅިވަރަމް ދާއިރާގެ މެންބަރު މުހައްމަދު ނަޝީދު އަބްދުالله (މޮސްޓާ) ވިދާޅުވެއްޖެއެވެ.

މިއަދުގެ ރައްޔިތުންގެ މަޖިލީހުގެ ޖަލްސާގައި ފުރަތަަމަ އޮތީ، ސަރުކާރުން ބަދަލުގެ ގޮތުގައި ފައިސާ ދޫކުރި ކުންފުނިތަކާއި އެ ކުންފުނިތަކަށް ދޫކުރި ފައިސާގެ އަދަދު ހާމަކުރުމަށް ގޮވާލައި މަޑުއްވަރީ ދާއިރާގެ މެންބަރު އާދަމް ޝަރީފް އުމަރު ހުށަހަޅާފައިވާ ކުއްލި މައްސަލަ ހުށަހެޅުމެވެ. އެއަށްފަހު ވޯޓަށް އައްސަވައި އެޖެންޑާގައިވާ ގޮތުގެ މަތިން ކޮމިޓީތައް އެކުލަވާލުމުގެ މަސައްކަތް ކުރުމެވެ.

ޝަރީފު، އެ މައްސަލަ ހުށަހަޅަން ފެށުމާއި އެކު، އިދިކޮޅު ޕީޕީއެމް/ޕީއެންސީގެ މެންބަރުން ވަނީ ގޮޑިން ތެދުވެ އަޑު ގަދަކުރައްވަން ފަށާފައެވެ. އެގޮތުން، ނައިފަރު ދާއިރާގެ މެންބަރު އަހުމަދު ޝިޔާމް ވަނީ އިދިކޮޅު ރިޔާސީ ކެންޑިޑޭޓް ރައީސް ޔާމީން އަބްދުލްގައްޔޫމް ގެ ޝަރީޢަތް ކުރިއަށްދާ ގޮތާއި މެދު ނުރުހުން ފާޅުކުރައްވައި އަޑު ގަދަ ކުރައްވަން ފަށްޓަވާފައެވެ.

އެއަށްފަހު ޖަލްސާގެ އެޖެންޑާ އާއި މެދު ނުރުހުން ފާޅުކުރައްވައި މެދު ހެންވޭރު ދާއިރާގެ މެންބަރު ޢަލީ އާޒިމް ވެސް ވަނީ މަޖިލީހުގައި އަޑުގަދަ ކުރައްވަން ފަށްޓަވާފައެވެ.

އެއާއެކު މަޖިލިސް ހޫނުވެ، މަޖިލީހުގެ ތެރޭގައި "ޗޯރޭ" އާއި "ޗޯރު އިބުރޭ" އޭ ގޮވާ އަޑު ވަނީ ގަދަވެގެން ގޮސްފައެވެ. އަދި ގަވާއިދާ ޚިލާފަށް މަޖިލިސް ހިންގާކަމަށް ބުނެވެސް އަމިއްލަ މެންބަރުންތައް ދިޔައީ އަޑުގަދަ ކުރައްވަމުންނެވެ. އެގޮތުގައި މަޖިލިސް ހޫނުވެ، އެއް މެންބަރަކު އަނެއް މެންބަރާއި ދިމާއަށް އަވަގުރާނަ ގޮވައި ގަޔަށް ބޮލަށް އަރާ ހިސާބަށް ގޮސް މަޖިލިސް ފުރަތަަމަ ފަހަރަށް މެދުކަނޑާލިއެވެ.

އެއަށްފަހު އަލުން މަޖިލިސް ފަށައިވެސް، ނިޒާމީ ނުކުތާތައް ނަންގަވައި، މެންބަރުން ގޮނޑިން ތެދުވެ އަޑުގަދަ ކުރަން ފެށުމުން މަޖިލިސް ވަނީ ހޫނުވެގެން ގޮސްފައެވެ.

އެއާއެކު މޮސްޓާވެސް ވަނީ ނިޒާމީ ނުކުތާ ނަންގަވައި މަޖިލީހުގެ ތަޅުމުގައި ކަންކަން ހިނގަމުންދާ ގޮތާއިމެދު ނުރުހުން ފާޅުކުރައްވާފައެވެ.

އަޅުގަނޑުމެން އަންނަނީ މުސާރަ ހަލާލު ކުރަންވެގެން. ދެން މި ކުރިއަށް ދަނީކީ ނޫން. ދެން މިހާރު ޒާތީ ޒުވާބެއްގައި. ލަދުންވެސް ބޯ ހަލާކު މިތަނަށް ވަދެވޭތީވެސް. ކޮންމެސް ހައްލެއް ހޯދައިދީ މިކަމަށް.

މެންބަރު މުހައްމަދު ނަޝީދު

އޭގެ ފަހުންވެސް މެންބަރުން އަޑުގަދަ ކުރުމާއި ގުޅިގެން ޖަލްސާވަނީ ނިޒާމް ގެއްލިގެން މެދު ކަނޑާލާފައެވެ.

އަދި މެދު ކަނޑާލުމަށްފަހު، އަލުން ފަށައިވެސް ކުރިއަށް ނުގެންދެވި، މުޅި މަޖިލީހުގައި "ޗޯރު އިބުރޭ" ގޮވާ އަޑު ގުގުމާލުމާއިއެކު، ޖަލްސާ ވަނީ މިއަދަށް ނިންމާލާފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި
20 Nov 2026 ހަބަރު

ޓެކުހާއި ގުޅޭ ތިން ބިލެއް ރައީސް ތަސްދީގު ކުރައްވައިފި

ޓެކުހާއި ގުޅޭ ތިން ބިލެއް ރައީސް ވަނީ ތަސްދީގު ކުރައްވައިފަ އެވެ.