މި ހުކުރު މި އޮތީ ތަންކޮޅެއް ފަސޭހަ ގޮތަކަށް ކަންކުން ބީފު ތައްޔާރު ކޮށްލާނެ ގޮތް!

ކަންކުން ބީފަކީ ތައްޔާރުކުރަން އުނދަގޫ އެއްޗެކޭ ހީވާ ނަމަވެސް ހަގީގަތުގައި އެއީ ވަރަށް ފަސޭހަ އެއްޗެކެވެ. މިއަދު ވޮއިސްގެ ބަދިގެއިން މި ގެނެސްދެނީ މީރުކޮށް ކަންކުން ބީފް ތައްޔާރު ކުރާނެ ގޮތެވެ.

ބޭނުންވާނެ ތަކެތި:

500 ގުރާމު ޓެންޑަލޮއިން ބީފް (ހިމަދިގުކޮށް ކޮށާފައި)

300 ގުރާމު ކަންކުން ފަތް (ބޮޑެތިކޮށް ކޮށާފައި)

2 ބޮޑު ފިޔާ (ތުނިކޮށް ކޮށާފައި)

2 ސައިސަމުސާ ލޮނުމެދު (ކުދިކޮށް ކޮށާފައި)

2 ސައިސަމުސާ އިނގުރު (ގާާނާފައި)

4 މޭޒުމަތީސަމުސާ އޮއިސްޓާ ސޯސް

3 މޭޒުމަތީސަމުސާ ސޯޔާ ސޯސް

½ ސައިސަމުސާ ފިޝް ސޯސް

½ ސައިސަމުސާ މުގުރި އަސޭމިރުސް

½ ޖޯޑު ފެން

ތެޔޮ

ގިތެޔޮމިރުސް

ތައްޔާރުކުރާނެ ގޮތް:

1) ފުރަތަމަ ތަވަޔަށް ތެޔޮ އަޅާ، ހޫނުކޮށްލާނީއެވެ. އެއަށްފަހު އެއަށް އިނގުރުކޮޅާއި ލޮނުމެދުކޮޅު އަޅައި މުށިކުލަ އަރަންދެން ރަތްކޮށްލާށެވެ. ދެން ފިޔާ އަޅާށެވެ.

2) ދެން ކަންކުން ފަތްކޮޅު އަޅައި 5 މިނެޓް ވަންދެން މަޑު ގިނީގައި ކައްކާށެވެ.

3) އެއަށްފަހު އޮއިސްޓާ ސޯސް، ސޯޔާ ސޯސް، ފިޝް ސޯސް، އަސޭމިރުސް، ގިތެޔޮމިރުސް އަޅައިގެން 3 މިނެޓު ކައްކާނީއެވެ.

4) ދެން އޭގެ ތެރެއަށް ގެރިމަސްކޮޅު އަޅައި މަޑު ގިނީގައި، މަހުން ނުކުންނަ ފެން ހިދެންދެން ކައްކައި ރޯފިލުވާށެވެ. ފެން ފޮދު އަޅާލުމަށްފަހު ވެސް އިރުކޮޅަކު ކައްކާލުމަށްފަހު އުނދުން ނިވާލާށެވެ.