ބޮޑުފޮޅުދޫ ބަނދަރުގެ ޖާގަ އިތުރުކޮށް ތަރައްގީ ކޮށްދޭނަން: ޑރ މުއިއްޒު
ޓުއަރިޒަމް އާއި ތަފާތު އެކިއެކި މަސައްކަތްތައް ކުރިއަރަމުން އަންނަ އިރު ޖާގަ ތަނަވަސް ބަނދަރެއް ބޮޑުފޮޅަލުދުއަށް ވަރަށް މުހިއްމު ކަމަށާއި، ޕީޕީއެމް ޕީއެންސީގެ ސަރުކާރެއްގައި އއ ބޮޑުފުޅަދޫ ބަނދަރުގެ ޖާގަ އިތުރުކޮށް ތަރައްގީ ކޮށްދެއްވާނެ ކަމުގައި އެ ކޯލިޝަންގެ ރިޔާސީ ކެންޑިޑޭޓް ޑރ މުހައްމަދު މުއިއްޒު ވިދާޅުވެއްޖެއެވެ.
ރިޔާސީ އިންތިހާބުގެ ދެވަނަބުރުގެ ކެމްޕެއިންގައި މިއަދު އަރިއަތޮޅުގެ ރަށްތަކަށް ކުރައްވާ ދަތުރުފުޅުގެ ފުރަތަމަ ރަށަކަށް އެ އަތޮޅު ބޮޑުފޮޅުދުއަށް ވަޑައިގެން އެރަށުގެ ސަޕޯޓަރުންނާއި ބައްދަލުކުރައްވާ ދެއްކެވި ވާހަކަފުޅުގައި މުއިއްޒު ވަނީ މި ސަރުކާރުން ބޮޑުފޮޅުދޫގައި ފަށައިގެން ކުރިއަށް ގެންދާ އެއްވެސް މަޝްރޫއެއް ހުއްޓައިނުލާނެ ކަމަށާއި އެ އެހުރިހާ މަޝްރޫއެއްވެސް ބާރު ދުވެލީގައި ގެންގޮސް އެއަށްވުރެ ފުރިހަމައަށް ނިންމައިދެއްވާނެ ކަމުގެ ޔަގީންކަން އަރުވައިފައެވެ.
މީގެ އިތުރުން މުއިއްޒު ވިދާޅުވީ ބޮޑުފޮޅުދުއަށް އިތުރުކުރެވޭ ބިމުގައި އެރަށުގެ ޒުވާނުން އެދޭ ފަދައިން ތަފާތު ކުޅިވަރުތައް ކުޅެވޭނެ ވަސީލަތްތައް ގާއިމްކޮށްދޭނެކަމަށެވެ. ހަމަ އެޔާއެކު ބޮޑުފޮޅުދޫ ސްކޫލަށް ދިމާވެފައިވާ ޖާގައިގެ ދަތިކަން ހައްލުކުރުމަށް އެ ރަށު ސްކޫލަށް ބެނުންވާ ކްލާސްރޫމްތައް އިތުރުކޮށްދެއްވާނެ ކަމުގައިވެސް ޑރ މުއިއްޒު ވަނީ ވިދާޅުވެފައެވެ.
އަރިއަތޮޅަކީ ފަތުރުވެރިކަން ކުރިއަރައިފައިވާ އަދި އިތުރަށް ކުރިއަރަމުން އަންނަ އަތޮޅެއްކަން ފާހަގަކުރައްވާ ޑރ މުއިއްޒު ވިދާޅުވީ، ބޮޑުފޮޅުދުއަށާއި އެ ސަރަހައްދަށް ބޭނުންވާ ފަތުރުވެރިކަމުގެ އެކި ވަސީލަތްތައް ގާއިމްކޮށްދެއްވާނެ ކަމަށެވެ.
އަޅުގަނޑުމެންގެ މެނިފެސްޓޯގައި އޮންނާނެ ޓުއަރިޒަމް އަށް ހާއްސަ އެކި ކަހަލަ ފުރުސަތު ތަކާއި ލޯކަލް ޓުއަރިޒަމްއަށް ހާއްސަ ލޯންތައް ތައާރަފްކުރާނެ ވާހަކަ
ޑރ މުހައްމަދު މުއިއްޒު
ރިޔާސީ އިންތިހާބުގެ ދެވަނަބުރުގެ ކެމްޕެއިންގައި މިއަދު އަރިއަތޮޅުގެ ރަށްތަކަށް ކުރައްވާ ދަތުރުފުޅުގައި މުއިއްޒުއާއި ކެމްޕެއިން ޓީމުން ސަރަހައްދުގެ 9 ރަށަކަށް މިއަދު ދަތުރުކުރުމަށް ވަނީ ހަމަޖެހިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
