މި ސަރުކާރު އޮތީ ނޭވާ ހޮޅިއަށް އެޅި ފަހުނޭވާ ލުމުގެ މަގުމަތީގައި: އަބްދުއްރަހީމް
މި ސަރުކާރު މިހާރު އޮތީ ނޭލާ ހޮޅިއަށް އެޅި ފަހު ނޭވާލުމުގެ މަގުމަތީގައި ކަމަށް އިދިކޮޅު ކޯލިޝަން ވަގުތީގޮތުން ހިންގުމާއި ހަވާލުވެ ހުންނެވި ޕީއެންސީގެ ރައީސް އަބްދުއްރަހީމް އަބްދުالله ވިދާޅުވެއްޖެ އެވެ.
އަބްދުއްރަހީމް މިފަދައިން ވިދާޅުވެފައި ވަނީ ޕްރޮގްރެސިވް ކޮންގްރެސް ކޯލިޝަންގެ ރިޔާސީ ކެންޑިޑޭޓު ޑރ މުހައްމަދު މުއިއްޒު އ އަތޮޅަށް ކުރައްވާ ކެމްޕޭނު ދަތުރުފުޅުގައި އއ ބޮޑުފޮޅުދޫއަށް ވަޑައިގެން އެ ރަށުގައި ބޭއްވި ޖަލްސާއެއްގައި ވާހަކަދައްކަވަމުން ނެވެ.
އަބްދުއްރަހީމް ވިދާޅުވީ 9 ސެޕްޓެމްބަރުގެ ވޯޓުން ދިވެހީން މި ސަރުކާރަށް ނޫނެކޭ ބުނެފައިވާ ކަމަށެވެ. އެ ވޯޓުގައި ގިނަ ރައްޔިތުން ސަރުކާރަށް ނޫނެކޭ ބުނީ 21 ވަނަ ގަރުނުގައި ދިވެހި ޒުވާނުންގެ ވެރިއަކަށް ތައުލީމީ ފެންވަރު ދަށް ބޭފުޅަކު ހުންނަން ބޭނުން ނުވާތީކަމަށް އަބްދުއްރަހީމް ވިދާޅުވި އެވެ.
އޭގެ އިތުރުން ދިވެހީންގެ މައްޗަށް އިންޑިއާގެ ސަފީރެއް ބަސް ކިޔާ، ދިވެހިރާއްޖޭގެ ކަންކަން ނިންމަން ވީ ގޮތްތައް ސަފީރު ބުނެދޭ ހިސާބަށް ގައުމުގެ މިނިވަންކަމާއި އިސްތިގުލާލު ދުއްވާލަން ރައްޔިތުން ބޭނުން ނުވާކަން ސެޕްޓެމްބަރު 9 ގެ ވޯޓުގެ ނަތީޖާއިން ވަރަށް ސާފުކޮށް ސަރުކާރަށް ބުނެދީ، މި ސަރުކާރު ނިންމާފައިވާކަމަށް އަބްދުއްރަހީމް ވިދާޅުވި އެވެ.
"މި ސަރުކާރު މިހާރު މިއޮތީ ނިމިފައި. ދެން މި ސަރުކާރަށް ނޭވާލެވޭނެ ގޮތެއް ނެތް. ނޭވާ ހޮޅިއަށް އެޅި ފަހުނޭވާލުމުގެ މަގުމަތީގައި މިހާރު އެއޮތީ. ދެން އޮތީ ހިންދަމާލާފަ ފަހުނޭވާ ދޫކޮށްލުން. އެކަން އިރާދަކުރެއްވިއްޔާ މި މަހުގެ 30 ވަނަ ދުވަހު ވާނެ"
އަބްދުއްރަހީމް އަބްދުالله
އެކަން ކަން ފާހަގަކުރައްވާ އަބްދުއްރަހީމް ވަނީ ބޮޑުފޮޅުދޫގެ ރައްޔިތުންގެ މެޖޯރިޓީ މި ފަހަރު ޑރ މުއިއްޒަށް ހޯއްދަވާދެއްވުމަށް އެދިވަޑައިގެންފަ އެވެ.
އަބްދުއްރަހީމް ވިދާޅުވީ ނިމިފައިވާ ސަރުކާރެއްގެ ފަހަތަށް އެރުމުގެ ބަދަލުގައި ދިވެހީންގެ ނިންމުމާއި އެއްގިތަށް ބޮޑުފޮޅުދޫގެ ސިޔާސީ ޗާޓުވެސް މިފަހަރު ބަދަލުކޮށްލުމަށް އެދިވަޑައިގެންފަ އެވެ. އަދި ރައްޔިތުން އެކަމާއި ފުންކޮށް ވިސްނާވަޑައިގަތުމަށް ވެސް އަބްދުއްރަހީމް ގޮވާލައްވާފައި ވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
