އިންތިޚާބީ ރައީސް ޑރ މުޢިއްޒު މިރޭ މާލޭ ކައުންސިލް މުވައްޒަފުންނާއި ބައްދަލުކުރައްވަނީ
ރާއްޖޭގެ އިންތިޚާބީ ރައީސް ޑރ މުޙައްމަދު މުޢިއްޒު މިރޭ މާލޭ ކައުންސިލްގެ މުވައްޒަފުންނާއި ބައްދަލުކުރެއްވުމަށް ހަމަޖެހިއްޖެއެވެ.
މި ބައްދަލުކުރެއްވުން ބޭއވުމަށް ހަމަޖެހިފައިވަނީ މިރޭ 8:30 ގައި ދަރުބާރުގޭގައެވެ.
މިދިޔަ މަހުގެ 30 ގައި ބޭއްވި އިންތިޚާބު ޑރ މުޢިއްޒު ކާމިޔާބު ކުރެއްވުމަށް ފަހު، މޭޔަރުގެ ހައިސިއްޔަތުން މުޢިއްޒު ކައުންސިލްގެ އެންމެ ފަހު ބައްދަލުވުމުގައި ބައިވެރިވެވަޑައިގެންނެވީ މި މަހުގެ 4 ވަނަ ދުވަހު އެވެ. އިންތިޚާބީ ރައީސް ޑރ މުޢިއްޒު ރައީސްކަމުގެ ހުވާކުރައްވަން ހަމަޖެހިފައި ވަނީ އަންނަ މަހުގެ 17 ގަ އެވެ.
އިންތިޚާބީ ރައީސް އަކީ މާލޭ ސިޓީ ކައުންސިލްގެ މޭޔަރުކަމަށް އިންތިޚާބުވެ ވަޑައިގެން އެ މަޤާމު ފުރުއްވަމުން ދިޔަ ފަރާތެވެ. ރިޔާށީ އިންތިޚާބު ކާމިޔާބު ވެވަޑައިގަތުމާއި އެކު ސިޓީ ކައުންސިލްގެ ހިންގުން މަލޭ ކައުންސިލްގެ މޭޔަރުގެ ނައިބު އަޙްމަދު ނަރީޝާއި ވަނީ ހަވާލުކުރައްވައިފައެވެ.
މާލޭގެ މޭޔަރު ކަމަށް ވާދަކުރެއްވުމަށް އެކި ފަރާތްތަކުން ވަނީ ޝައުޤުވެރިކަން ފާޅު ކުރައްވައިފައެވެ. އެގޮތުން މިހާރުގެ ޔޫތް މިނިސްޓަރު އަޙްމަދު މަޙްލޫފާއި ކުރީގެ ސީޕީ ހުސެއިން ވަޙީދު ހިމެނިވަޑައިގަނެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
