އިންތިޚާބީ ރައީސް ޑރ މުހައްމަދު މުއިއްޒު/ ފޮޓޯ: ވޮއިސް
އިންތިޚާބީ ރައީސް ޑރ މުހައްމަދު މުއިއްޒު/ ފޮޓޯ: ވޮއިސް
ހަބަރު 14 Oct 2023 | 19:29

އުންމީދަކީ ހުވާކުރާތާ ހަފްތާއެއްތެރޭ އިންޑިއާ ސިފައިން ބޭލުމުގެ މަސައްކަތް ކާމިޔާބުވުން: ޑރ މުއިއްޒު

އުންމީދުކުރަނީ ވެރިކަމަށް ހުވާކުރައްވާތާ ހަފްތާއެއްގެ ތެރޭގައި އިންޑިއާ ސިފައިން ރާއްޖެއަށް ބޭލުމުގެ މަސައްކަތް ކާމިޔާބުވެގެން ދިއުންކަމަށް އިންތިޚާބީ ރައީސް ޑރ މުހައްމަދު މުއިއްޒު ވިދާޅުވެއްޖެ އެވެ.

އިންތިޚާބީ ރައީސް ޑރ މުއިއްޒު މިފަދައިން ވިދާޅުވެފައި ވަނީ އެންމެ ފުރަތަމަ ބައިނަލްއަގުވާމީ މީޑީއާއަށް (ގަތަރުގެ އަލް-ޖަޒިރާ ޗެނަލަށް) ދެއްވި ބަސްދީގަތުމުގައި ވާހަކަދައްކަވަމުން ނެވެ.

އަލްޖަޒީރާއާ ވާހަކަދައްކަވަމުން ޑރ.މުޢިއްޒު ވިދާޅުވީ އެއްވެސް ބޭރު ޤައުމެއްގެ ސިފައިން ރާއްޖޭގައި ތިބުމަކީ ރާއްޖޭގެ ސަލާމަތާއި ސިޔާދަތަށް އޮތް ނުރައްކަލެއްކަމަށް ދެކިވަޑައިގަންނަވާ ކަމަށެވެ. އަދި މިހާރުގެ ސަރުކާރުގެ ޚާރިޖީ ސިޔާސަތަކީ ދިވެހިރާއްޖޭގެ ޤައުމީ މަޞްލަޙަތުތައް ރައްކާތެރިކޮށްދޭ ސިޔާސަތެއް ނޫން ކަމަށާއި، މިހާރު ޚާރިޖީ ސިޔާސަތު ބައްޓަންކޮށްފައި އޮތް ގޮތުގެ ސަބަބުން ރާއްޖޭގެ ސަލާމަތާއި ސިޔާދަތާމެދު ބޮޑެތި ސުވާލުތަކެއް އުފެދިފައިވާ ކަމަށެވެ.

ދިވެހިރައްޔިތުން މިހާރު އޮތް ސަރުކާރަށް ދެވަނަ ދައުރެއް ނުދިން މައިގަނޑު ސަބަބަކީ ރާއްޖޭގައި އިންޑިއާ ސިފައިން ގާއިމުވެ ތިބެން ބޭނުން ނުވާތީކަމަށް ޑރ މުއިއްޒުގެ ވާހަކަފުޅުގައި ފާހަގަކުރެއްވި އެވެ.

އެއާއެކު އެމަނިކުފާނު ވިދާޅުވީ އެމަނިކުފާނުގެ ސަރުކާރެއްގެ ޚާރިޖީ ސިޔާސަތުގެ މައިގަނޑު އެއް އަމާޒަކަށްވާނީ ރާއްޖޭގައި ތިބި އިންޑިއާ ސިފައިން ބޭލުން ކަމަށެވެ، އަދި އެކަން ކުރައްވާނީ ޑިޕްލޮމެޓިކް އުސޫލުތަކުގެ ތެރެއިން ކަމަށާއި، ވެރިކަމަށް ހުވާކުރައްވާ ދުވަހުން ފެށިގެން އެ މަސައްކަތް ފައްޓަވާނެކަމަށް ޑރ މުއިއްޒު ވިދާޅުވި އެވެ.

ހުވާކުރެއްވުމުގެ ކުރިން މިހާރު ހިނގަމުންދާ އިންތިޤާލީ މަރުހަލާގައި ވެސް އިންޑިއާގެ ހައިކޮމިޝަނަރާއި ބައްދަލުކުރައްވާ އިންޑިއާ ސިފައިން ރާއްޖޭގައި ތިބުމާއި ދެކޮޅަށް ރައްޔިތުން ނިންމާފައިވާ ނިންމުން ސަފީރުގެ ސަމާލުކަމަށް ގެނެސް، އިންޑިއާ ސިފައިން ރާއްޖެއިން ބޭލުމަށް އެމަނިކުފާނުގެ ސަރުކާރުން މަސައްކަތްކުރައްވާނެކަން ސަފީރަށް ދަންނަވާފައިވާނެ ކަމަށް ޑރ މުއިއްޒު ވިދާޅުވި އެވެ.

އޭގެ އިތުރުން އެ ބައްދަލުވުމުގައި ދިވެހިންގެ ނިންމުމަށް އިންޑިއާއިން ވެސް އިޚްތިރާމުކޮށް، ރާއްޖޭގެ މިނިވަންކަމާއި ސިޔާދަތަށް އިޚްތިރާމުކޮށް އިންޑިއާ ސިފައިން ބޭލުމުގެ މަސައްކަތް ކުރުމުގައި އެއްބާރުލުން ދެއްވާނެކަމަށް ސަފީރު ވިދާޅުވެފައިވާކަން ވެސް ޑރ މުއިއްޒުގެ ވާހަކަފުޅުގައި ފާހަގަކުރެއްވި އެވެ.

ޑރ މުއިއްޒު ވިދާޅުވީ ރާއްޖޭގެ މިނިވަންކަމާއި ސިޔާދަތު ހިމާޔަތްކޮށް، ރައްޔިތުންނަށް އަމާންކަމުގެ އިހުސާސްވާނެ ވެއްޓެއް ގާއިމްކުރުމަށް އިންޑިއާ ސިފައިން ރާއްޖެއިން އަނބުރާ ފޮނުވާލުމުގެ މަސައްކަތް ހުވާކުރައްވާ ދުވަހުން ފެށިގެން ކުރައްވާއިރު، ހަފްތާއެއްގެ ތެރޭގައި އެ މަސައްކަތް ކާމިޔާބު ކުރެވޭނެ ކަމަށް އުންމީދުކުރައްވާ ކަމަށެވެ.

އެހެން ނަމަވެސް އެ މަސައްކަތް ކުރުމުގައި ކަންބޮޑުވުންތަކެއް ވެސް ހުރި ކަމަށާއި، އެގޮތުން އިންޑިއާ ސިފައިން ދިވެހިރާއްޖޭގައި ތިބި ސީދާ އަދަދު ނޭގުމަކީ އެންމެ ބޮޑު ކަންބޮޑުވުންކަމަށް ޑރ މުއިއްޒުގެ ވާހަކައިގައި ވަނީ ފާހަގަކުރައްވާފަ އެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ދުންފަތް ކޮންޓްރޯލް ކުރުމާއި ޑިޖިޓަލް ރައްކާތެރިކަމުގެ ފިޔަވަޅުތަކަކީ ކުޑަކުދިންގެ ޙައްޤުގައި އެޅި މުހިންމު ފިޔަވަޅުތަކެއް: ރައީސް މުޢިއްޒު
20 Nov 2026 ހަބަރު

ދުންފަތް ކޮންޓްރޯލް ކުރުމާއި ޑިޖިޓަލް ރައްކާތެރިކަމުގެ ފިޔަވަޅުތަކަކީ ކުޑަކުދިންގެ ޙައްޤުގައި އެޅި މުހިންމު ފިޔަވަޅުތަކެއް: ރައީސް މުޢިއްޒު

ދުންފަތް ކޮންޓްރޯލް ކުރުމަށް ސަރުކާރުން ގެންނަ އިޞްލާޙުތަކާއި، ޑިޖިޓަލް ދުނިޔޭގައި ކުދިންގެ ރައްކާތެރިކަން ކަށަވަރުކުރުމަށް އަޅަމުންދާ ފިޔަވަޅުތަކަކީ، ކުޑަކުދިންގެ ދުޅަހެޔޮކަމަށް ކުރިމަތިވާ އާ ގޮންޖެހުންތަކުން އެކުދިން ސަލާމަތްކުރުމަށް ސަރުކާރުން ދޭ އަހައްމިއްޔަތުކަން ހާމަކޮށްދޭ ކަމެއް ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.